«Немере» (1980), «Адыраспан» (1985), «Ұлым менің», «Асқар ұшқан ұя»(1997), «Теріскей түлегі», «Қарабура әулие» (1999), «Созақ көтерілісі» (2003), атты прозалық және деректі кітаптары шыққан. «Ақбөкендер ауған жаз» повесі Жазушылар одағы мен «Жер-Су» корпорациясы ұйымдастырған балаларға арналған шығармалар бәйгесінде екінші орынды жеңіп алған. Жазушының төрт томдық (2013) шығармалар жинағындағы «Аллаһу» романы қазақ халқының тарихындағы ақтаңдақ, отызыншы жылғы ақпандағы ең ірі қозғалысытың бірі-атышулы Созақ көтерілісі туралы жазылған көркем туынды. «Салықбай мерген» пъесасы мен «Созақ қасіреті» хикаяты да тағдыр тәлкегіне, қуғын-сүргін зобалаңына ұшыраған қарапайым халықтың басынан өткен азапты өмірін суреттейді.
2002 жылы Созақ ауданы әкімінің «Жылдың ең үздік жазушысы»сыйлығының, Оңтүстік Қазақстан облысының мәдени-рухани өміріне белсене атсалысқаны үшін облыс әкімінің «2003 жылдың ең үздік жазушысы» сыйлығының иегері атанған.
Өтеш Қырғызбаев «Қобызшы Жаппас Қаламбаев» (2009) деректі повесі үшін Қазақстан Жазушылар одағының халықаралық «Алаш» әдеби сыйлығына ие болды. 2008 жылы жұртшылық қолына тиген жазушы Өтеш Қырғызбаевтың «Сөз зергері Ісләм Жарылғапов» дейтін кітабын ерекше атауға болады. Бұл Ісләмтану іліміне қосылған үлкен үлес болды.
Қырғызбаев, Өтеш. Нұрыш әулеті [Атырау өңірінде дүниеге келген Д. Нұрыштан тараған ұрпақ жайлы] / Ө.Қырғызбаев // Ана тілі. – 2017. - 8 - 14маусым (№ 23). - 11 б.
Қырғызбаев, Өтеш. Термин жасаудың тарланбозы [Ғалым Ісләм Жарылғапов жайлы] / Ө. Қырғызбаев //Егемен Қазақстан. – 2018. - 18 қыркүйек (№ 176). - 9 б.
Қырғызбаев, Өтеш. "Әкемнің қыз да болса ұлындаймын" [Қоғам қайраткері А.Болтайқызы жайлы естелік.] / Ө.Қырғызбаев // Алматы ақшамы. – 2018.- 9 тамыз (№ 90). - 8 б.
