«Қазақстан Республикасы аумағында жылжымайтын мүлік объектілерінің мекенжайын анықтау жөнінде анықтама беру» мемлекеттік қызмет стандарты Жалпы ережелер

жүктеу/скачать 0.93 Mb.

бет	1/6
Дата	03.07.2016
өлшемі	0.93 Mb.
	#174444

1 2 3 4 5 6

Қазақстан Республикасы

Үкіметінің

2012 жылғы 31 тамыздағы

№ 1128 қаулысымен

бекітілген

«Қазақстан Республикасы аумағында жылжымайтын мүлік объектілерінің мекенжайын анықтау жөнінде анықтама беру»
мемлекеттік қызмет стандарты

1. Жалпы ережелер

1. «Қазақстан Республикасы аумағында жылжымайтын мүлік объектілерінің мекенжайын анықтау жөнінде анықтама беру» мемлекеттік қызметін (бұдан әрі - мемлекеттік қызмет) мекенжайлары осы «Қазақстан Республикасы аумағында жылжымайтын мүлік объектілерінің мекенжайын анықтау жөнінде анықтама беру» мемлекеттік қызмет стандартына (бұдан әрі - стандарт) 1-қосымшада көрсетілген, сәулет және қала құрылысы саласындағы функцияларды жүзеге асыратын республикалық маңызы бар қаланың, астананың, облыстық маңызы бар қалалардың, аудандардың тиісті жергілікті атқарушы органдарының құрылымдық бөлімшелері (бұдан әрі - уәкілетті орган) Халыққа қызмет көрсету орталықтары (бұдан әрі - орталық) арқылы көрсетеді.

2. Көрсетілетін мемлекеттік қызмет нысаны: автоматтандырылмаған.

3. Мемлекеттік қызмет «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2011 жылғы 23 қаңтардағы Заңының 27-бабы 1-тармағының 21-2) тармақшасының негізінде «Мекенжай тіркелімі» ақпараттық жүйесін жүргізу және толықтыру шеңберінде жүзеге асырылады.

4. Мемлекеттік қызмет көрсету тәртібі және қажетті құжаттар туралы толық ақпарат:

1) www.ads.gov.kz мекенжайы бойынша Қазақстан Республикасы Құрылыс және тұрғын үй-коммуналдық шаруашылық icтері агенттігінің (бұдан әрі - Агенттік) интернет-ресурсындағы «Мемлекетік қызметтер» деген бөлімде;

2) www.con.gov.kz мекенжайы бойынша Қазақстан Республикасы Көлік және коммуникация министрлігі Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» республикалық мемлекеттік кәсіпорнының (бұдан әрі - «Орталық» РМК) интернет-ресурсында;

3) осы стандартқа 1 және 2-қосымшаларға сәйкес уәкілетті органның және Орталықтардың үй-жайларында орналасқан ресми ақпарат көздерінде және стенділерде орналастырылады.

Мемлекеттік қызмет көрсету туралы ақпаратты «электрондық үкіметтің» call-орталығының ақпараттық-анықтамалық қызметінің 1414 телефоны бойынша алуға да болады.

5. Осы стандарттың 3-қосымшасына сәйкес қағаз жеткізгіште мекенжайдың тіркеу коды көрсетілген жылжымайтын мүлік объектілерінің мекенжайы туралы анықтама беру не қағаз жеткізгіште мемлекеттік қызмет көрсетуден бас тарту туралы дәлелді жауап көрсетілетін мемлекеттік қызметтің нәтижесі болып табылады.

6. Мемлекеттік қызмет заңды және жеке тұлғаларға (бұдан әрі - мемлекеттік қызметті алушы) көрсетіледі.

7. Мемлекеттік қызмет көрсетудің мерзімі:

1) осы стандартың 11-тармағында көрсетілген құжаттарды берген сәттен бастап:

3 (үш) жұмыс күні ішінде (құжаттарды қабылдаған және берген күндер мемлекеттік қызмет көрсету мерзіміне кірмейді) - жылжымайтын мүлік объектісінің мекенжайын нақтылау кезінде;

7 (жеті) жұмыс күн ішінде (құжаттарды қабылдаған және берген күндер мемлекеттік қызмет көрсету мерзіміне кірмейді) - жылжымайтын мүлік объектісінің орналасқан жеріне бару және мекенжайдың тіркеу кодын көрсетіп, оны «Мекенжай тіркелімі» ақпараттық жүйесінде міндетті тіркей отырып, жылжымайтын мүлік объектісіне нөмір беру, оны өзгерту немесе жою кезінде жүргізіледі.

Электрондық сұрау салу көзделмеген;

2) құжаттарды тапсыру кезінде кезек күтудің ең көп рұқсат берілген уақыты - 20 минуттан аспайды;

3) мемлекеттік қызметті алушы өтініш берген күні сол жерде көрсетілетін мемлекеттік қызметті алушыға қызмет көрсетудің рұқсат етілген ең көп уақыты - 20 минуттан аспайды.

8. Мемлекеттік қызмет тегін көрсетіледі.

9. Орталықтарда мемлекеттік қызмет демалыс және мереке күндерін қоспағанда, еңбек заңнамасына сәйкес демалыс және мереке күндерін қоспағанда, күн сайын, дүйсенбіден сенбіге дейін, орталықтардың белгіленген жұмыс кестесіне сәйкес түскі үзіліссіз сағат 9.00-ден 20.00-ге дейін көрсетіледі.

Орталықтарда қабылдау алдын ала жазылусыз және жедел қызмет көрсетусіз, «электрондық» кезек тәртібімен жүзеге асырылады.

Тұтынушының қалауы бойынша электрондық кезекті «электрондық үкіметтің» веб-порталы арқылы броньдауға болады.

10. Мемлекеттік қызмет объект орналасқан жердегі орталықтың ғимаратында көрсетіледі, онда мүмкіндігі шектеулі мемлекеттік қызметті алушыларға қызмет көрсету үшін жағдайлар қарастырылған. Залда күтуге және құжаттарды толтыруға арналған орындар орналастырылған, анықтама бюросы, күтуге арналған орындықтар орналастырылады.

2. Мемлекеттік қызметті көрсету тәртібі

11. Мемлекеттік қызметті алу үшін мемлекеттік қызметті алушы:

жылжымайтын мүлік объектісінің мекенжайын нақтылау үшін:

1) еркін нысандағы өтініш;

2) тіркеу туралы куәліктің, салық төлеушінің тіркеу нөмірінің (заңды тұлғалар үшін) көшірмелері норма 2013 жылғы 1 қаңтарға дейін қолданылады.

Құжаттардың мәліметтері:

3) қолданыстағы заңнамаға сәйкес тіркелген жылжымайтын мүлік объектісіне құқық белгілейтін құжат, меншік иесінен сенімхаттың түпнұсқасы (өтінішті өкіл берген жағдайда);

4) тұтынушының жеке басын куәландыратын құжат (мемлекеттік қызметті алушы - жеке тұлғаның уәкілетті өтініш алушысы);

Мемлекеттік электрондық ақпараттық ресурс болып табылатын мәліметтерді уәкілетті орган өз бетімен тиісті мемлекеттік ақпараттық жүйеден Халыққа қызмет көрсету орталықтарының ақпараттық жүйесі арқылы электрондық цифрлық қолтаңба қойылған электрондық құжат нысанында алады;

жылжымайтын мүлік объектісіне мекенжай беру, оны өзгерту және жою үшін:

1) еркін нысандағы өтініш;

2) әкімдік қаулысының немесе әкімдік шешімінің көшірмесі (жобалау, құрылыс);

3) жылжымайтын мүлік объектісіне техникалық паспортының көшірмесі;

4) блоктың (гараждар және саяжайлар үшін) реттік нөмірі мен нөмірін көрсете отырып, елді мекеннің сәулетшісімен келісілген гараж кооперативі (бау-бақша серіктестігі) жер учаскесінің бас жоспары;

5) кооператив (гараждар және саяжайлар үшін) мүшелерінің тізімін қоса беріп, мүшелігін растау туралы кооператив төрағасының анықтамасы, жылжымайтын мүлік орталығы мұрағатынан (қажет болған жағдайда) қорытынды;

6) жылжымайтын мүлік объектісін бұзу актісі (қажет болған жағдайда);

7) тұтынушының мүддесін үшінші тұлға білдірген кезде нотариалды куәландырылған сенімхат;

8) тұтынушының жеке куәлігі (мемлекеттік қызметті алушы - жеке тұлғаның уәкілетті алушысы);

9) қолданыстағы заңнамаға сәйкес тіркелген жылжымайтын мүлік объектісіне құқық белгілейтін құжат;

Мемлекеттік электрондық ақпараттық ресурс болып табылатын мәліметтерді уәкілетті орган өз бетімен тиісті мемлекеттік ақпараттық жүйеден Халыққа қызмет көрсету орталықтарының ақпараттық жүйесі арқылы электрондық цифрлық қолтаңба қойылған электрондық құжат нысанында алады.

Орталық қызметкері құжаттар пакетін қабылдау кезінде көшірменің түпнұсқаға сәйкестігін салыстырып тексереді және тұпнұсқаны өтініш берушіге қайтарады.

12. Мемлекеттік қызметті алу үшін қажетті өтініш еркін нысанда толтырылады.

13. Құжаттарды қабылдау «жалғыз терезе» қағидаты бойынша «кедергісіз қызмет көрсету» арқылы жүзеге асырылады, онда мақсаты және атқаратын функциялары туралы ақпарат орналастырылады, сондай-ақ орталық қызметкерінің тегі, аты, әкесінің аты мен лауазымы көрсетіледі.

14. Мемлекеттік қызметті алушыға тиісті құжаттардың қабылданғаны туралы қолхат беріледі, онда:

1) өтініштің нөмірі және қабылданған күні;

2) сұрау салынған мемлекеттік қызметтің түрі;

3) қоса берілген құжаттардың саны мен атаулары;

4) құжаттарды беру күні, уақыты мен орны;

5) уәкілетті өкілдің тегі, аты, әкесінің аты және оның байланыс телефоны;

6) өтініш берушінің тегі, аты, әкесінің аты, уәкілетті өкілдің тегі, аты, әкесінің аты және олардың байланыс телефондары көрсетіледі.

Құжаттар сәйкес келген кезде Орталық қоса берілген құжаттармен бірге өтінішті уәкілетті органға жібереді.

Орталық уәкілетті органға құжаттарды жеткізуді және одан кері алуды осы өтініштер қабылданған күні кемінде 2 рет жүзеге асырады.

Уәкілетті органнан орындалған құжаттар қолхатта көрсетілген мерзімнің аяқталуына бір күн қалғанда Орталыққа түсуге тиіс.

15. Мемлекеттік қызметті алушыға Қазақстан Республикасы аумағында жылжымайтын мүлік объектілерінің мекенжайын анықтау жөнінде дайын анықтаманы беруді «терезелер» арқылы қолхатта көрсетілген мерзім негізінде Орталықтың қызметкері жүзеге асырады.

Егер мемлекеттік қызметті алушы құжаттарды алуға мерзімінде келмеген жағдайда, Орталық оларды 1 (бір) ай сақтауды қамтамасыз етеді.

16. Мемлекеттік қызметті алушы осы стандарттың 11-тармағында көрсетілген құжаттардың бірін ұсынбаған жағдайда, орталық құжаттарды қабылдаудан бас тартады.

Орталықтың қызметкері құжатты қабылдаудан бас тартқан кезде өтініш берушіге жетпей тұрған құжаттарды көрсете отырып қолхат береді.

Уәкілетті орган орталықтан түскен, осы стандарттың 11-тармағында көрсетілген құжаттарды ресімдеуде қателер анықтаған жағдайда құжаттардың пакетін алғаннан кейін 3 (үш) жұмыс күні ішінде (құжаттарды қабылдаған және берген күндер мемлекеттік қызмет көрсету мерзіміне кірмейді) оларды қайтарудың себебін жазбаша негіздей отырып, орталыққа қайтарады.

Құжаттар пакетін алғаннан кейін орталық бір жұмыс күні ішінде мемлекеттік қызметті алушыны хабардар етеді және уәкілетті органның қайтару себебі туралы жазбаша негіздеме ұсынады.

Бас тартқан жағдайда мемлекеттік қызметті алушыға 1 (бір) жұмыс күні ішінде хабарланады және уәкілетті органның бас тартуы туралы жазбаша негіздеме береді.

3. Жұмыс қағидаттары

17. Уәкілетті органның және орталықтың қызметі мемлекеттік қызметті алушыға қатысты мынадай:

1) адамның конституциялық құқықтары мен бостандықтарын сақтау;

2) қызметтік борышын өтеу кезінде заңдылықты сақтау;

3) тұтынушылармен жұмыс кезінде сыпайылық;

4) өтініштерді қарау кезінде лауазымды адамдар қызметінің ашықтығы;

5) құжаттардың сақталуын қамтамасыз ету қағидаттарына негізделеді.

4. Жұмыс нәтижелері

18. Мемлекеттік қызметті алушыларға мемлекеттік қызмет көрсету нәтижелері осы стандарттың 4-қосымшасына сәйкес сапа және тиімділік көрсеткіштерімен өлшенеді.

19. Мемлекеттік қызмет көрсететін мемлекеттік органның, мекеменің немесе өзге де субъектілердің жұмысы бағаланатын мемлекеттік қызметтердің сапа және тиімділік көрсеткіштерінің нысаналы мәндері жыл сайын Агенттік төрағасының бұйрығымен бекітіледі.

5. Шағымдану тәртібі

20. Орталық қызметкерінің әрекетіне (әрекетсіздігіне) шағымдану тәртібін түсіндіру және өтініштерді дайындауға жәрдемдесу үшін мемлекеттік қызметті алушы Орталық басшылығына жүгінеді. Орталық басшыларының мекенжайлары мен телефондары осы стандартқа 2-қосымшада көрсетілген. «Орталық» РМК-ның мекенжайы: 010000, Астана қаласы, Республика даңғылы, № 43 «А» үй, телефоны: 8 (7172) 94-99-95, интернет-ресурсы: www.con.gov.kz.

Орталық қызметкерінің әрекетіне (әрекетсіздігіне) шағымдану тәртібі туралы ақпаратты «электрондық үкіметтің» call-орталығының ақпараттық-анықтамалық қызметінің 1414 телефоны арқылы алуға да болады.

21. Уәкілетті органдардың әрекетіне (әрекетсіздігіне) шағым мемлекеттік қызметтер көрсетуді ұйымдастыруға жауапты әкімнің аппараттарына беріледі. Әкім аппараттары басшыларының мекенжайы, жұмыс кестесі, электрондық поштасының мекенжайы және телефондары осы стандартқа 6-қосымшада көрсетілген.

22. Орталық қызметкері дөрекі қызмет көрсеткен жағдайда орталықтың басшысының атына немесе орталық қарамағына кіретін «Орталық» РМК-ға шағым жасалады. Орталық басшыларының мекенжайлары мен телефондары осы стандартқа 2-қосымшада көрсетілген, жұмыс кестесі сағат 9.00 бастап сағат 20.00 дейін, түскі үзіліссіз.

23. Көрсетілген мемлекеттік қызмет нәтижелерімен келіспеген жағдайда, мемлекеттік қызметті алушының заңнамада белгіленген тәртіппен сотқа жүгінуге құқығы бар.

24. Шағымдар қолданыстағы заңнамада көзделген жағдайларда жазбаша нысанда пошта арқылы не осы стандартың 21 және 22-тармақтарында көрсетілген ұйымдардың кеңсесі арқылы жұмыс күндері қолма-қол қабылданады.

25. Пошта және қолма-қол және поштамен түскен шағымдарды растау оларды уәкілетті органның немесе орталықтың кеңсесінде жеке және заңды тұлғалардың өтініштерін журналға тіркеу болып табылады (мөр, кіріс нөмірі және тіркеу мерзімі шағымның екінші данасында немесе шағымға ілеспе хатта қойылады).

Мемлекеттік қызметті алушыға шағымды қабылдаған адам оның шағымының қабылданғанын растайтын осы стандартқа 7-қосымшаға көрсетілген талон береді, онда шағымның нөмірі, күні, шағымды қабылдаған адамның тегі, берілген шағымға жауап алу мерзімі мен күні, байланыс деректері көрсетіледі.

Шағымдарды қарау Қазақстан Республикасының заңнамасында белгіленген тәртіппен және мерзімде жүзеге асырылады.

Шағымды қарау нәтижелері туралы мемлекеттік қызметті алушыға пошта арқылы жазбаша түрде хабарланады.

26. Қазақстан Республикасы Құрылыс және тұрғын үй-коммуналдық шаруашылық істері агенттігінің мекенжайы: 010000, Астана қаласы, Орынбор, 8, Министрліктер үйі, 10-кіреберіс, интернет-ресурс: http//www.ads.gov.kz.

«Қазақстан Республикасы

аумағында жылжымайтын

мүлік объектілерінің мекенжайын

анықтау жөнінде анықтама беру»

мемлекеттік қызмет стандартына

1-қосымша

Мемлекеттік қызмет көрсететін уәкілетті органдардың

тізбесі

№	Мемлекеттік қызмет көрсететін органдардың атауы	Мекенжайы	Телефоны
1	2	3	4
Ақмола облысының қалалары мен аудандарының сәулет және қала құрылысы бөлімдері
1	«Ақкөл ауданының Сәулет және қала құрылысы бөлімі» ММ	Ақкөл ауданы, Ақкөл қаласы, Нұрмағамбетов көшесі, 81	8(71638)-2-13-19
2	«Аршалы ауданының Сәулет және қала құрылысы бөлімі» ММ	Аршалы ауданы, Аршалы кенті, Тәшенов көшесі, 47	8(71644)-2-25-83
3	«Астрахан ауданының Сәулет және қала құрылысы бөлімі» ММ	Астрахан ауданы, Астраханка ауылы, Әл-Фараби көшесі, 50	8(71641)-2-32-51
4	«Атбасар ауданының Сәулет және қала құрылысы бөлімі» ММ	Атбасар ауданы, Атбасар қаласы, Уәлиханов көшесі, 9	8(71643)-2-43-61
5	«Бұланды ауданының Сәулет және қала құрылысы бөлімі» ММ	Бұланды ауданы, Макинск қаласы, Некрасов көшесі, 19	8(71646)-2-38-14
6	«Бурабай ауданының Сәулет және қала құрылысы бөлімі» ММ	Бурабай ауданы, Щучинск қаласы, Абылай хан көшесі, 34	8(71636)-4-32-58
7	«Егіндікөл ауданының Сәулет және қала құрылысы бөлімі» ММ	Егіндікөл ауданы, Егіндікөл ауылы, Победа көшесі, 6	8(71642)-2-17-14
8	«Еңбекшілдер ауданының Сәулет және қала құрылысы бөлімі» ММ	Еңбекшілдер ауданы, Степняк қаласы, Біржан Сал көшесі, 34	8(71639)-2-20-29
9	«Ерейментау ауданының Сәулет және қала құрылысы бөлімі» ММ	Ерейментау ауданы, Ерейментау қаласы, А. Құнанбаев көшесі, 136	8(71633)-2-11-03
10	«Есіл ауданының Сәулет және қала құрылысы бөлімі» ММ	Есіл ауданы, Есіл қаласы, Д.Қонаев көшесі, 15	8(71647)-2-14-84
11	«Жақсы ауданының Сәулет және қала құрылысы бөлімі» ММ	Жақсы ауданы, жақсы ауылы, Дружба көшесі, 3	8(71635)-21-8-80
12	«Жарқын ауданының Сәулет және қала құрылысы бөлімі» ММ	Жарқын ауданы, Державинск қаласы, Ленин көшесі, 34	8(71648)-9-13-91
13	«Зеренді ауданының Сәулет және қала құрылысы бөлімі» ММ	Зеренді ауданы, Зеренді ауылы, Мир көшесі, 58	8(71632)-2-28-93
14	«Қорғалжың ауданының Сәулет және қала құрылысы бөлімі» ММ	Қорғалжың ауданы, Қорғалжың ауылы, Болғанбаев көшесі, 9	8(71637)-2-21-85
15	«Сандықтау ауданының Сәулет және қала құрылысы бөлімі» ММ	Сандықтау ауданы, Балкашино ауылы, Абылайхан көшесі, 117/ 1 қабат	8(71640)-9-29-49
16	«Целиноград ауданының Сәулет және қала құрылысы бөлімі» ММ	Целиноград ауданы, Ақмол ауылы, Гагарин көшесі, 2	8(71651)-3-11-29,8(71651)-3-11-28
17	«Шортанды ауданының Сәулет және қала құрылысы бөлімі» ММ	Шортанды ауданы, Шортанды кенті, Абылайхан көшесі, 22	8(71631)-2-20-11
18	«Көкшетау қаласының Сәулет және қала құрылысы бөлімі» ММ	Көкшетау қаласы, Абай көшесі, 87, 102 кабинет	8(7162)-25-69-79
19	«Степногор қаласының Сәулет және қала құрылысы бөлімі» ММ	Степногор қаласы, 4 шағын аудан, 1 ғимарат, 73,75 кабинеттер	8(71645)-6-25-30
Ақтөбе облысы бойынша қалалар мен аудандардың Сәулет және қала құрылысы бөлімдері
1	«Ақтөбе қаласының Сәулет және қала құрылысы бөлімі» ММ	Ақтөбе қаласы, Алтынсарин көшесі, 2	8(7132)-21-30-57
2	«Алға аудандық Сәулет, қала құрылысы және құрылыс бөлімі» ММ	Алға ауданы, Алға қаласы, 5 шағын аудан, 4 үй	8(71337)-4-19-90
3	«Әйтеке би аудандық Сәулет, қала құрылысы және құрылыс бөлімі» ММ	Әйтеке би ауданы, Комсомол ауылы, Т.Жүргенов көшесі, 45	8(71339)-2-22-93
4	«Байғанин аудандық Сәулет, қала құрылысы және құрылыс бөлімі» ММ	Байғанин ауданы, Қарауылкелді ауылы, Д. Қонаев, 36	8(71345)-22-5-07
5	«Ырғыз аудандық Сәулет, қала құрылысы және құрылыс бөлімі» ММ	Ырғыз ауданы, Ырғыз ауылы, Алтынсарин көшесі, 12	8(71343)-21-7-55
6	«Қарғалы аудандық Сәулет, қала құрылысы және құрылыс бөлімі» ММ	Қарғалы ауданы, Бадамша ауылы, Әбілқайыр хан көшесі, 38	8(71342)-23-1-76
7	«Мәртүк аудандық Сәулет, қала құрылысы және құрылыс бөлімі» ММ	Мәртүк ауданы, Мәртүк ауылы, Сейфуллин көшесі, 38	8(71331) 21-3-66
8	«Мұғалжар аудандық Сәулет, қала құрылысы және құрылыс бөлімі» ММ	Мұғалжар ауданы, Қандыағаш қаласы, Байтұрсынов көшесі, 8	8(71333)-3-75-99
9	«Темір аудандық Сәулет, қала құрылысы және құрылыс бөлімі» ММ	Темір ауданы, Шұбарқұдық кенті, Желтоқсан көшесі, 8	8(71346)-22-7-58
10	«Ойыл аудандық Сәулет, қала құрылысы және құрылыс бөлімі» ММ	Ойыл ауданы, Ойыл ауылы, Жолмырзаев көшесі, 1	8(71332)-2-12-04,8(71332)-2-11-52
11	«Қобда аудандық Сәулет, қала құрылысы және құрылыс бөлімі» ММ	Қобда ауданы, Қобда ауылы, Астана көшесі, 48	8(71341)-22-0-12
12	«Хромтау аудандық Сәулет, қала құрылысы және құрылыс бөлімі» ММ	Хромтау ауданы, Хромтау қаласы, Спортивная көшесі, 2	8(71336)-25-1-44
13	«Шалқар аудандық Сәулет, қала құрылысы және құрылыс бөлімі» ММ	Шалқар ауданы,Шалқар қаласы, Әйтеке би, 63	8(71335)- 23-6-35
Алматы облысы бойынша қалалар мен аудандардың Сәулет және қала құрылысы бөлімдері
1	«Ақсу ауданының Сәулет және қала құрылысы бөлімі» ММ	Ақсу ауданы, Жансүгіров кенті, Желтоқсан көшесі, 5	8 (72832)-2-12-62
2	«Алакөл ауданының Сәулет және қала құрылысы бөлімі» ММ	Алакөл ауданы, Үшарал қаласы, Жеңіс көшесі, 191	8 (72833)-2-34-89
3	«Балқаш ауданының Сәулет және қала құрылысы бөлімі» ММ	Балқаш ауданы, Бақанас ауылы, Қонаев көшесі, 66	8 (72773)-9-12-63 8 (72773)-9-54-01
4	«Еңбекшіқазақ ауданының Сәулет және қала құрылысы бөлімі» ММ	Еңбекшіқазақ ауданы, Есік қаласы, Тоқатаев көшесі, 19	8 (72775)-4-55-55
5	«Ескелді ауданының Сәулет, қала құрылысы және құрылыс бөлімі» ММ	Ескелді ауданы, Қарабұлақ кенті, Оразбеков көшесі, 31	8 (72836)-3-09-60
6	«Жамбыл ауданының Сәулет, қала құрылысы және құрылыс бөлімі» ММ	Жамбыл ауданы, Ұзынағаш ауылы, Абай көшесі, 47	8 (72770)-2-02-14
7	«Іле ауданының Сәулет және қала құрылысы бөлімі» ММ	Іле ауданы, Өтеген батыр кенті, Батталханов көшесі, 8	8 (72752)-2-07-04
8	«Қаратал ауданының Сәулет, қала құрылысы және құрылыс бөлімі» ММ	Қаратал ауданы, Үштөбе қаласы, Қумолданов көшесі, 21	8 (72834)-2-29-61
9	«Қарасай ауданының Сәулет, қала құрылысы және құрылыс бөлімі» ММ	Қарасай ауданы, Қаскелен қаласы, Өміралиев көшесі, 53	8 (72771)-2-15-07
10	«Кербұлақ ауданының Сәулет, қала құрылысы және құрылыс бөлімі» ММ	Кербұлақ ауданы, Сарыөзек кенті, Б. Момышұлы көшесі, 10	8 (72840)-3-27-24
11	«Көксу ауданының Сәулет, қала құрылысы және құрылыс бөлімі» ММ	Көксу ауданы, Балпық би кенті, Мырзабеков көшесі, 40	8 (72838)-2-17-03
12	«Панфилов ауданының Сәулет және қала құрылысы бөлімі» ММ	Панфилов ауданы, Жаркент қаласы, Головацкий көшесі, 131	8 (72831)-5-16-54
13	«Райымбек ауданының Сәулет, қала құрылысы және құрылыс бөлімі» ММ	Райымбек ауданы, Кеген ауылы, Б.Момышұлы көшесі, 9	8 (72777)-2-15-62
14	«Сарқан ауданының Сәулет, қала құрылысы және құрылыс бөлімі» ММ	Сарқан ауданы, Сарқан қаласы, Тынышбаев көшесі, 8	8 (72839)-2-33-68
15	«Талғар ауданының Сәулет және қала құрылысы бөлімі» ММ	Талғар ауданы, Талғар қаласы, Ленин көшесі, 65	8 (72774)-2-01-36
16	«Ұйғыр ауданының Сәулет, қала құрылысы және құрылыс бөлімі» ММ	Ұйғыр ауданы, Шоңжы ауылы, К. Исламов көшесі, 70	8 (72778)-2-15-19
17	«Қапшағай қаласының Сәулет және қала құрылысы бөлімі» ММ	Қапшағай қаласы, Жамбыл көшесі, 13	8 (72772)-4-45-41
18	«Талдықорған қаласының Сәулет және қала құрылысы бөлімі» ММ	Талдықорған қаласы, Қабанбай Батыр көшесі, 26 «б»	8 (7272)-27-02-29
19	«Текелі қаласының Сәулет, қала құрылысы және құрылыс бөлімі» ММ	Текелі қаласы, Абылайхан көшесі, 34	8(72835)-4-45-60
Атырау облысы бойынша қалалар мен аудандардың Сәулет және қала құрылысы бөлімдері
1	«Атырау қаласының Сәулет және қала құрылысы бөлімі» ММ	Атырау қаласы, Сәтпаев көшесі, 5	8(7122)-20-44-16, 8(7122)-20-44-17
2	«Индер ауданының Сәулет, қала құрылысы және құрылыс бөлімі» ММ	Индер ауданы, Индербор кенті, Меңдіғалиев көшесі, 30/7	8 (71234)-2-10-74
3	«Құрманғазы ауданының Сәулет және қала құрылысы бөлімі» ММ	Құрманғазы ауданы, Ганюшкино кенті, Күшікбаев көшесі, 25	8 (71233)-2-14-34
4	«Қызылқоға ауданының Сәулет және қала құрылысы бөлімі» ММ	Қызылқоға ауданы, Миялы ауылы, Абай көшесі, 4	8 (71238)-2-12-46
5	«Махамбет ауданының Сәулет және қала құрылысы бөлімі» ММ	Махамбет ауданы, Махамбет ауылы, Абай көшесі, 13	8 (71236)-2-19-25
6	«Мақат ауданының Сәулет және қала құрылысы бөлімі» ММ	Мақат ауданы, Мақат кенті, Қ. Сәтпаев көшесі, 1	8 (71239)-3-00-67
7	«Жылыой ауданының Сәулет және қала құрылысы бөлімі» ММ	Жылыой ауданы, Құлсары қаласы, Ж. Ізтуғанов көшесі, 7	8 (71237)-5-14-63
8	«Исатай ауданының Сәулет және қала құрылысы бөлімі» ММ	Исатай ауданы, Егеменді Қазақстан көшесі, 15	8 (71231)-2-08-95

жүктеу/скачать 0.93 Mb.

Достарыңызбен бөлісу:

1 2 3 4 5 6