Фаллопиев түтігінің қабынуы (салпингит)

Аналық түтігінің күйі жануарлардың төлдеу қабілетінде болуы үшін аса маңызды. Аналық түтігі аралығына көптеген ірі және ұсақ кілегейлі қабат қатпарлары енеді, сол себебтен фаллопиев түтігінде кілегейлі қабат ісінуімен және қатпарларының жабысуымен өтетін қабыну қуыстың жабылуына ал оның ішінде жалқаяқ жиналуына әкеліп соғады. Жалқаяқ құрамында токсиндер болуына орай спермиилер, жұмыптрқа және өскін жойылады. Аналық түтігі қабынуы және түтікшенің жекелеген қабаттарының қайта дамуы түріндегі ақаулары жұмыртқа қозғалысына кедергі жасайды да спермиилердің аналық клеткасына жылжу жолына бөгет болады. Клиникалық зерттеу кезінде байқалмайтын, көлемдері кішігірім түтік зақымдалулары бедеуліктің себебі болып табылады. Аналық түтігінің зақымдалулары кілегейлі қабатпен шектеле алады (Endosalpingitis), бұлшық ет қабатын қамти алады (Myosalpingitis) немесе түтіктің сірі қабатын қамтиды (Perysalpingitis). Аналық түтігінің жекелеген қабаттарының зақымдалуын анықтауға мүмкіндік беретін нақты мұқият клиникалық әдіс жоқ деуге болады. Клиникалық тұрғыда тек түтікте жалқаяқ жиналуы түріндегі немесе тыртықталуға оарй өзгерістер тудыратын морфологиялық ауытқуларды анықтауға болады. Сол себептен түтіктің негізгі зақымдалуларын баяндаумен шектелейік.