Ќазаќстан республикасы денсаулыќ саќтау министірлігі
жүктеу/скачать 3.66 Mb.
|
| Өңештің меншікті бездері – күрделі, көп тармақталған альвеолярлық-түтікшелі бездер. Олардың аяққы бөлімдері бірыңғай шырышты жасушалардан тұрады. Секрет ұсақ шығарушы өзектерге құйылып, олар үлкен өзектерге бірігеді. Бұл өзектер шырышты қабықшаның бұлшық етті табақшасы арқылы өтіп, меншікті табақшада ампула тәрізді өзекті құрайды да, эпителийдің үстіңгі бетіне ашылады. Ұсақ өзектерді жауып жатқан эпителий аласа призмалық, ірірек өзектерде – көпқабатты жазық болып келеді және кей кезде оның бойында кірпікшелі жасушалар кездеседі. Өңештің меншікті бездері негізінен оның жоғарғы үштен бір бөлігінің вентральдық бетінде орналасады. Өңештің меншікті бездерінің қызметі – шырышты қабықшаның бетін ұдайы ылғалдандырып, тамақ түйірлерінің өтуіне септесетін шырышты бөліп тұруда.
Бұлшық етті қабықша борпылдық талшықты дәнекер тіннің қабатшасымен бөлінген ішкі айналмалы және сыртқы бойлай қабаттардан тұрады. Өңештің жоғарғы үштен бір бөлігінде бұл қабаттар жұтқыншақтың бұлшықетті тінінің жалғасы болып табылатын көлденең жолақты бұлшықет ұлпасы түрінде болады. Өңештің ортаңғы үштен бір бөлігінің бұлшықет қабықшасында көлденең-жолақты да, жазық бұлшықет тіндері де болады. Мүшенің төменгі үштен бірінде бұлшықет қабықшасының екі қабаты да тек қана тегіс бұлшықет тінінен түзілген. Бұл жағдай гистологиялық кесіндіде өңеш деңгейін анықтауға мүмкіндік бере алады. Бұлшықет қабаттары әрқашан дәл айналмалы бағытта немесе бөлек орналаса бермейді. Ішкі қабатта - спиральды (шиыршықтала) және қисық бағытталған шоғырлар кездеседі, сыртқы қабаттағы жекелеген шоғырлардың орналасу да әрқилы болуы мүмкін. Бұлшық етті қабықшаның айналмалы ішкі қабатының сақиналы шеміршектің деңгейінде қалыңдауы өңештің үстіңгі сфинктерін, ал бұл қабаттың өңештің асқазанға ұласар тұсында қалың тартуы - өңештің астыңғы сфинктерін қалыптастырады. Өңештің бұлшықет қабықшасының жиырылуы тамақтың өңеш бойымен асқазанға қарай жылжуына жәрдемдеседі. Адвентициальдық қабықша бір жағынан бұлшықетті қабықшада орналасқан дәнекер тіннің қабатшаларымен, екінші жағынан - өңешті қоршап жатқан көкірекшенің дәнекер тінімен байланысқан. Өңештің адвентициальдық қабықшасында бойлай орналасқан тамырлар мен нервтер көп кездеседі. Өңештің құрсақтық бөлігі – мезотелийден және оның астында орналасқан дәнекер тіннен құралған – сірлі қабықшамен жабылған. жүктеу/скачать 3.66 Mb. Достарыңызбен бөлісу:
|