97. МСАК акушерінің практикалық дағдыларының ең төмен тізімі 45-тармаққа сәйкес келеді. 98. МСАК дәрігерінің практикалық дағдыларының ең төмен тізімі 66-тармаққа сәйкес келеді. 99. Емхананың МСАК мамандары осы Стандарттың 3-тарауына сәйкес амбулаториялық жағдайда, үйде медициналық көмек көрсетеді. 3-тарау. Медициналық-санитариялық алғашқы көмек көрсету тәртібі 100. Халыққа МСАК "Медициналық-санитариялық алғашқы көмек көрсету қағидаларын бекіту туралы" Қазақстан Республикасы Денсаулық сақтау министрінің 2021 жылғы 24 тамыздағы № ҚР ДСМ-90 бұйрыққа (Нормативтік құқықтық актілерді мемлекеттік тіркеу тізілімінде № 24094 болып тіркелген) (бұдан әрі – № ҚР ДСМ-90 бұйрық) сәйкес беріледі. 101. МСАК тергеу изоляторлары мен қылмыстық-атқару (пенитенциарлық) жүйесінің мекемелерінде ұсталатын адамдарға "Тергеу изоляторлары мен қылмыстық-атқару (пенитенциарлық) жүйесінің мекемелерінде ұсталатын адамдарға медициналық көмек көрсету қағидаларын бекіту туралы" Қазақстан Республикасы Денсаулық сақтау министрінің 2022 жылғы 30 маусымдағы № ҚР ДСМ-61 бұйрығына (Нормативтік құқықтық актілерді мемлекеттік тіркеу тізілімінде № 28669 болып тіркелген) сәйкес көрсетіледі. 102. Егде жастағы топтардағы және ерте қартаю белгілері бар адамдарға медициналық көмекті гериатрия және геронтология мәселелері бойынша біліктілікті арттыру курстарынан өткен "Терапия", "Жалпы дәрігерлік практика", "Отбасылық медицина" мамандықтары бойынша МСАК дәрігерлері жүзеге асырады. Гериатриялық кабинет 65 және одан жоғары жастағы бекітілген халықтың 20 000 (жиырма мың) шаққанда 1 кабинет есебінен ұйымдастырылады. 103. Жеке тұлғалар МСАК алу үшін "Медициналық-санитариялық алғашқы көмек көрсететін денсаулық сақтау ұйымдарына жеке тұлғаларды тіркеу қағидаларын бекіту туралы" Қазақстан Республикасы Денсаулық сақтау министрінің 2020 жылғы 13 қарашадағы № ҚР ДСМ-194/2020 бұйрығына (Нормативтік құқықтық актілерді мемлекеттік тіркеу тізілімінде № 21642 болып тіркелген), сәйкес МСАК көрсететін денсаулық сақтау субъектілеріне бекітіледі.
Достарыңызбен бөлісу: |
