) оның жай-күйін, аурудың барысын бақылау және қажетті зерттеп-қарауды және (немесе) емдеуді уақтылы тағайындау (түзету) мақсатында жіті аурулар, созылмалы аурулардың өршуі кезінде
1) оның жай-күйін, аурудың барысын бақылау және қажетті зерттеп-қарауды және (немесе) емдеуді уақтылы тағайындау (түзету) мақсатында жіті аурулар, созылмалы аурулардың өршуі кезінде;
2) инфекциялық ауру эпидемиясының туындау қаупі төнген немесе инфекциялық аурумен ауыратын науқастар, олармен байланыста болған адамдар және инфекциялық ауруға күдікті адамдар анықталған жағдайда халықтың жекелеген топтарын патронаждау кезінде жүзеге асырылады.
142. Пациентке үйде белсенді баруды негізінен ОМҚ, әлеуметтік қызметкер жүзеге асырады.
Белсенді бару нәтижелері туралы деректер МАЖ-ға енгізіледі.
143. Тіркелген халық арасында инфекциялық ауруларды белсенді анықтау МСАК ұйымдарының медицина қызметкері пациенттің үйде белсенді болуы жолымен, оның ішінде аулаларды (пәтерлерді) аралау жолымен инфекциялық аурудың өршуі туралы ресми хабарлама алған кезде жүзеге асырылады.
144. Үйде патронаждық бақылауды ұйымдастыруды (5 жасқа дейінгі балалар мен жаңа туған нәрестелерді, жүкті әйелдерді, босанған әйелдерді, динамикалық байқауға жататын адамдарды патронаждауды) МСАК мамандары жүзеге асырады.
145. Жүкті әйелдерді, жаңа туған нәрестелерді және жас балаларды үйде патронаждық бақылауды ұйымдастыру олардың өміріне, денсаулығына қауіп төндіретін медициналық немесе әлеуметтік сипаттағы тәуекелдерді анықтау мақсатында патронаждық қызмет көрсетудің әмбебап прогрессивті моделі негізінде, "Қазақстан Республикасында педиатриялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2022 жылғы 15 наурыздағы № ҚР ДСМ-25 бұйрығына сәйкес (Нормативтік құқықтық актілерді мемлекеттік тіркеу тізілімінде № 27182 болып тіркелген) жүргізіледі.
146. Балаларда орташа қауіп жағдайлары (оның ішінде емшек сүтімен тамақтандыру проблемалары, гигиена дағдыларымен қиындықтар) анықталған кезде ОМҚ әлеуметтік қызметкермен, психологпен және жүкті әйелдің немесе баланың ата-анасының немесе заңды өкілінің қатысуымен өмірге қауіп-қатерді азайту немесе жою мақсатында баланың денсаулығы, дамуы және қауіпсіздігі патронаждық бақылаудың прогрессивті моделі шеңберінде, баланың қажеттіліктерін бағалауды, баланың отбасындағы жағдайын талдауды, аға мейіргерді, жалпы практика дәрігері, учаскелік дәрігер, бөлімше меңгерушісі және әлеуметтік қызметкер хабардар етуді көздейтін жеке іс-шаралар жоспарын жасайды.
