Қазақстан Республикасының кейбір заңнамалық актілеріне көлік мәселелері бойынша өзгерістер мен толықтырулар енгізу туралы

1-бап. Қазақстан Республикасының мынадай заңнамалық актілеріне өзгерістер мен толықтырулар енгізілсін:

1) 34-1-бабындағы:

бірінші бөлігіндегі «(иелері)» деген сөзден кейін «немесе жүргізушілері» деген сөздермен толықтырылсын;

ескерту мынадай редакцияда жазылсын:

«Ескерту.

Осы Кодекстің баптарында көлік құралын меншік құқығымен иеленетін жеке тұлғалар, сондай-ақ жеке және заңды тұлғаларға тиесілі көлік құралдары уақытша иелену мен пайдалануға берілген жеке тұлғалар көлік құралдарының иелері болып танылады.

Осы Кодекстің баптарында көлік құралын жүргізетін жеке тұлғалар көлік құралдарының жүргізушілері болып танылады.

Осы Кодекстің баптарында сертификатталған арнайы бақылау-өлшеу техникалық құралдары мен аспаптары деп құқық бұзушылықтарды бақылау мен тіркеудің метрологиялық салыстырып тексеруден өткен техникалық құралдары мен аспаптарын, құқық бұзушылықтың жасалу фактісі мен уақытын, көлік құралының түрін, маркасын, мемлекеттік тіркеу нөмірінің белгісін, сондай-ақ жүрісінің жылдамдығы мен бағытын тіркейтін фото-, бейнеаппаратураны, еңбек және тынығу режимін (тахограф) тіркеуді бақылау құрылғысын түсіну қажет.»;

2) 443-баптың 3-бөлігіндегі «оннан» деген сөзді «қырықтан» деген сөзге ауыстырылсын;

3) 446-баптағы:

бірінші бөлігіндегі «немесе екi айлық есептiк көрсеткiшке дейiнгi мөлшерде айыппұл» деген сөздер алып тасталсын;

екінші бөлігі мынадай редакцияда жазылсын:

«2. Осы баптың бiрiншi бөлiмінде көзделген, әкiмшiлiк жазаға тартылғаннан кейiн бiр жыл iшiнде қайталап жасалған iс-әрекеттер, -

айлық есептiк көрсеткiштiң бестен жетiге дейiнгi мөлшерiнде айыппұл салуға әкеп соғады.»;

мынадай мазмұндағы үшінші және төртінші бөліктермен толықтырылсын:

«3. Ұшу кезiнде әуе кемесiнiң бортында ұялы телефонды, өзге де байланыс құралдары мен радиоэлектрондық құралдарды пайдалану -

ескерту жасауға әкеп соғады.

4. Осы баптың үшiншi бөлiмiнде көзделген, әкiмшiлiк жазаға тартылғаннан кейiн бiр жыл iшiнде қайталап жасалған iс-әрекеттер, -

айлық есептiк көрсеткiштiң сегiзден онға дейiнгi мөлшерiнде айыппұл салуға әкеп соғады.»;

4) мынадай мазмұндағы 446-2, 447-6, 447-7, 447-8, 458-1, 458-2, 462-1 және 553-1-баптармен толықтырылсын:

«446-2-бап. Тасымалдауда үзіліс, кідіріс болған, әуе кемесінің кеш келуі салдарынан рейстің ұшырылмай қалған, тасымалдау маршруты өзгертілген кезде тасымалдаушының жолаушының алдында қызмет көрсету бойынша міндеттерін орындамауы

1. Тасымалдаушының кінәсінен тасымалдауда үзіліс немесе кідіріс болған, әуе кемесінің кеш келуі салдарынан рейстің ұшырылмай қалған, тасымалдау маршруты өзгертілген кезде жолаушының алдында қызмет көрсету бойынша Қазақстан Республикасының әуе кеңістігін пайдалану және авиация қызметі туралы заңнамасында көзделген міндеттерді тасымалдаушының орындамауы немесе тиісті орындамауы –

тасымалдаушының лауазымды адамдарына жиырма айлық есептік көрсеткіш мөлшерінде, заңды тұлғаларға – екі жүз айлық есептік көрсеткіштер мөлшерінде айыппұл салуға әкеп соғады.

2. Осы баптың бірінші бөлімінде көзделген, әкімшілік жауапкершілікке тартылғаннан кейін бір жыл ішінде қайталап жасалған ір-әрекет (әрекетсіздік), -

тасымалдаушының лауазымды адамдарына елу айлық есептік көрсеткіш мөлшерінде, заңды тұлғаларға – мың айлық есептік көрсеткіш мөлшерінде айыппұл салуға әкеп соғады.

447-6-бап. Қазақстан Республикасында автомобиль тасымалдарының рұқсат беру жүйесiн халықаралық қатынаста қолдану қағидаларының бұзылуы

1. Жүктердiң халықаралық автомобиль тасымалдарын жүзеге асыруға рұқсат беру куәлiгiнсіз, жүктердiң халықаралық автомобиль тасымалдарын жүзеге асыруға рұқсат беру карточкасыз, техникалық тексерудің халықаралық сертификатынсыз жүктердiң халықаралық автомобиль тасымалдарын жүзеге асыруы -

жеке кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға онға дейiнгi мөлшерiнде, iрi кәсiпкерлiк субъектiлерi болып табылатын заңды тұлғаларға отызға дейiнгi мөлшерiнде айыппұл салуға әкеп соғады.

2. Қайта сатып алынған және Қазақстан Республикасының аумағына айдап әкелiнген автокөлiк құралын қоспағанда Отандық тасымалдаушы алған шетелдiк рұқсаттарды осы отандық тасымалдаушының рұқсат карточкасында көрсетiлген автокөлiк құралына қолдануы –

жеке кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға - жиырмаға дейiнгi мөлшерiнде, iрi кәсiпкерлiк субъектiлерi болып табылатын заңды тұлғаларға қырыққа дейiнгi мөлшерiнде айыппұл салуға әкеп соғады.

3. Отандық тасымалдаушының шетелдік рұқсат бланкілерін басқа отандық тасымалдаушыға беруі -

жеке кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға онға дейiнгi мөлшерінде, iрi кәсiпкерлiк субъектiлерi болып табылатын заңды тұлғаларға отызға дейiнгi мөлшерінде айыппұл салуға әкеп соғады.

4. Жүргізушілердің халықаралық қатынаста жолаушыларды және багажды тасымалдауды жүзеге асыру кезiнде келісілген жол жүру маршрутының схемасын бұзуы -

айлық есептiк көрсеткiштің он мөлшерiнде айыппұл салуға әкеп соғады.

447-7-бап. Автовокзалдардың және автостанциялардың, оның ішінде кассалық пункттердің Қазақстан Республикасының аумағында орналасқан пункттер арасында жолаушылар мен багажды автокөлік құралдарымен тұрақты халықаралық тасымалдау кезінде жол жүру құжаттарын (билеттерді) сатуды ұйымдастыру

Автовокзалдардың және автостанциялардың, оның ішінде кассалық пункттердің Қазақстан Республикасының аумағында орналасқан пункттер арасында жолаушылар мен багажды автокөлік құралдарымен тұрақты халықаралық тасымалдау кезінде жол жүру құжаттарын (билеттерді) сатуды ұйымдастыру -

жеке кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға оннан он беске дейiнгi мөлшерінде, iрi кәсiпкерлiк субъектiлерi болып табылатын заңды тұлғаларға жиырмадан отыз айлық есептік көрсеткіш мөлшерiнде айыппұл салуға әкеп соғады.

447-8-бап. Қазақстан Республикасының аумағындағы пункттер арасында жолаушылар мен багажды тұрақты және тұрақты емес халықаралық тасымалдауды жүзеге асыру кезіндегі автокөлік құралдары жүргізушілерінің жолаушылар мен багажды тасымалдауы

Қазақстан Республикасының аумағындағы пункттер арасында жолаушылар мен багажды тұрақты және тұрақты емес халықаралық тасымалдауды жүзеге асыру кезіндегі автокөлік құралдары жүргізушілерінің жолаушылар мен багажды тасымалдауы -

айлық есептiк көрсеткiштің бестен жетіге дейiнгі мөлшерінде айыппұл салуға әкеп соғады.

458-1-бап. Портты, айлақтарды, слиптерді, гидротехникалық құрылыстарды пайдалану қағидаларын бұзу

Портты, айлақтарды, слиптерді, гидротехникалық ғимараттарды пайдалану қағидаларын бұзу, -

айлық есептiк көрсеткiштің беске дейiнгі мөлшерiнде айыппұл салуға әкеп соғады.

458-2-бап. Кемелермен, соның iшiнде шағын көлемді кемелермен болған авариялық жағдайларды және көлiк оқиғаларын тергеу қағидаларын бұзу

1. Теңiз көлігі кемесiмен болған авариялық жағдай туралы тиiстi мемлекеттiк органдарға хабарламау, -

жеке тұлғаларға - айлық есептiк көрсеткiштің он мөлшерінде, лауазымды адамдарға - жиырма мөлшерінде, шағын немесе орта кәсiпкерлiк субъектілері болып табылатын заңды тұлғаларға - жиырма бес мөлшерінде, ірі кәсіпкерлік субъектілері болып табылатын заңды тұлғаларға қырық мөлшерiнде айыппұл салуға әкеп соғады.

2. Өзен көлігі кемесiмен болған авариялық жағдай туралы тиiстi мемлекеттiк органдарға хабарламау,-

жеке тұлғаларға - айлық есептiк көрсеткiштің он мөлшерінде, лауазымды адамдарға - жиырма мөлшерінде, шағын немесе орта кәсiпкерлiк субъектілері болып табылатын заңды тұлғаларға - жиырма мөлшерінде, ірі кәсіпкерлік субъектілері болып табылатын заңды тұлғаларға қырық мөлшерiнде айыппұл салуға әкеп соғады.

3. Шағын көлемді кемемен болған көліктік оқиға туралы тиiстi мемлекеттiк органдарға хабарламау,-

жеке тұлғаларға - айлық есептiк көрсеткiштің бес мөлшерінде, лауазымды адамдарға - жиырма мөлшерінде, шағын немесе орта кәсiпкерлiк субъектілері болып табылатын заңды тұлғаларға - жиырма мөлшерінде, ірі кәсіпкерлік субъектілері болып табылатын заңды тұлғаларға отыз мөлшерiнде айыппұл салуға әкеп соғады.

4. Авариялық жағдайға немесе көлік оқиғасына тергеу жүргізетін орган немесе лауазымды адамның сұратуы бойынша қажетті материалдар, анықтамалар, түсiнiктемелер, кеме құжаттары немесе тергеу жүргізу үшін қажетті басқа мәліметтерді ұсынбау немесе уақытында ұсынбау,-

жеке тұлғаларға - айлық есептiк көрсеткiштің бес мөлшерінде, лауазымды адамдарға - жиырма мөлшерінде, шағын немесе орта кәсiпкерлiк субъектілері болып табылатын заңды тұлғаларға - жиырма бес мөлшерінде, ірі кәсіпкерлік субъектілері болып табылатын заңды тұлғаларға қырық мөлшерiнде айыппұл салуға әкеп соғады.

462-1-бап. Автокөлік құралдарының жүргізушілері автомагистральдарда және өзге жолдарда қозғалыс жылдамдығы белгіленген электронды (цифрлік) тахографтарды қолдану жағдайында тахографтың (диаграммалық дискінің) тіркеу есеп жүргізу парағының, не электронды карточканың көрсеткіштері бойынша немесе (қағаз тасығыштағы) баспаның көрсеткіштері бойынша қозғалыс жылдамдығын бұзу

1. Жолаушыларды және багажды тасымалдау кезінде автобус, шағын автобус жүргізушілерімен, сонымен бірге рұқсат етілген ең үлкен массасы 3,5 т. асатын жүк автомобильдерінің жүргізушілерімен бұзушылық -

айлық есептік көрсеткіштің бес мөлшерінде айыппұл салуға әкеп соғады.

2. Ұйымдастырылған балалар тобын тасымалдау кезінде автобус, шағынавтобус жүргізушілерімен бұзушылық –

айлық есептік көрсеткіштің он мөлшерінде айыппұл салуға әкеп соғады.

553-1-бап. Төтенше жағдайлар саласындағы органдар

1. Төтенше жағдайлар саласындағы органдар осы кодекстiң келесі әкiмшiлiк құқық бұзушылықтары туралы iстердi қарайды: 451 (екiншi бөлiкпен), 452, (шағын көлемді кемелердегі бұзушылықтарда), 453(төртінші бөлiкпен), 454 (шағын көлемді кемелердегі бұзушылықтарда), 457, 458 (шағын көлемді кемелердегі бұзушылықтарда), 458-2 (үшiншi және төртiншi бөлiкпен, шағын көлемді кемелердегі бұзушылықтарда).

2. Төтенше жағдайлар бойынша органдар атынан әкiмшiлiк құқық бұзушылықтар туралы iстi қарауға және әкiмшiлiк төлетулер салуға құқықты:

осы Кодекстің барлық баптары бойынша, төтенше жағдайлар бойынша ведомстволық бағынышты органдарға қатысты, көлiк бақылаудың органының басшылары және олардың орынбасарлары, көлiк бақылаудың аймақтық органдарының басшысы және оның орынбасарлары;

төтенше жағдайлар бойынша органдардың уәкілетті лауазымды тұлғалары 452, (шағын көлемді кемелердегі бұзушылықтарда), 454 (төртiншi бөлiкпен, шағын көлемді кемелердегі бұзушылықтарда) әкiмшiлiк құқық бұзушылықтары бойынша.

3. Осы баптың екінші бөлігі үшінші абзацында көрcетiлген лауазымды тұлға салатын айыппұлдың өлшемдерi он айлық есептiк көрсеткiштерден аса алмайды.»;

5) 447-баптағы:

екінші бөлігінің екінші абзацындағы «дара кәсіпкерлерге,» деген сөздердің алдында «жеке тұлғаларға, бестен онға дейінгі мөлшерінде» деген сөздермен толықтырылсын;

үшінші бөлігінің екінші абзацындағы «дара кәсіпкерлерге,» деген сөздердің алдында «жеке тұлғаларға, бестен онға дейінгі мөлшерінде» деген сөздермен толықтырылсын;

6) 447-1, 448, 450, 453, 456, 457 және 459-баптар мынадай редакцияда жазылсын:

«447-1-бап. Жолаушыларды, багажды немесе жүктердi автомобильмен тасымалдауды жүзеге асыру кезiнде жүргiзушiлердiң еңбегi мен тынығуын ұйымдастыру, сондай-ақ тахографтарды қолдану қағидасының бұзылуы

1. Жолаушыларды, багажды немесе жүктердi автомобильмен тасымалдауды жүзеге асыру кезiнде жүргiзушiлердiң еңбегi мен тынығуын ұйымдастыру, сондай-ақ тахографтарды қолдану қағидасын бұзу –

жеке тұлғаларға - айлық есептiк көрсеткiштiң онға дейiнгi мөлшерiнде, дара кәсiпкерлерге - айлық есептiк көрсеткiштiң оннан он беске дейiнгi мөлшерiнде, шағын немесе орта кәсiпкерлiк субъектiлерi болып табылатын заңды тұлғаларға - айлық есептiк көрсеткiштiң жиырмадан отызға дейiнгi мөлшерiнде, iрi кәсiпкерлiк субъектiлерi болып табылатын заңды тұлғаларға қырықтан елуге дейiнгi мөлшерiнде айыппұл салуға әкеп соғады.

448-бап. Теңiз көлiгiнде қозғалыс қауiпсiздiгiн қамтамасыз ету қағидаларын бұзу

1. Теңiз көлiгiнде кемелердiң қозғалуының және маневр жасау белгіленген тәртібін бұзу, жүзу жылдамдығының нұсқамасын орындамау, жарық және дыбыс белгілерін беру талаптарын орындамау, тыйым салынған орындарда тұру немесе әдейі тоқтау, кемені тіркеп сүйреу тәртібін бұзу, сонымен қатар диспетчердің міндетті талабын орындамау,

айлық есептiк көрсеткiштің жетiден онға дейiнгi мөлшерінде айыппұл салуға әкеп соғады.

2. Теңіз порттарында және олардың қасында жүзу өзге де қағидаларын бұзу,

айлық есептiк көрсеткiштің жетi мөлшерінде айыппұл салуға әкеп соғады.

450-бап. Теңiз және өзен көлiгi кемелерiнде жолаушылар қауiпсiздiгiн қамтамасыз ету қағидаларын бұзу

1. Толық жасақталмаған немесе құтқару және авариялық құралдардың және жабдықтардың куәландыру мерзімінің өтуі, теңіз және өзен кемелерінің басқышымен және траппен жабдықтау талабын бұзу –

жеке тұлғаларға – айлық есептiк көрсеткiштің жеті мөлшерінде, лауазымды адамдарға – он бес мөлшерінде, шағын немесе орта кәсiпкерлiк субъектілері болып табылатын заңды тұлғаларға – жиырма мөлшерінде, ірі кәсіпкерлік субъектілері болып табылатын заңды тұлғаларға – отыз мөлшерiнде айыппұл салуға әкеп соғады.

2. Теңіз және өзен кемелерінің жүзу кезінде, оған отырғызу және одан түсіру кезіндегі қауіпсіздікті бұзу өзге де қағидаларын бұзу –

жеке тұлғаларға – айлық есептiк көрсеткiштің екі мөлшерінде, лауазымды адамдарға – бес мөлшерінде, шағын немесе орта кәсiпкерлiк субъектілері болып табылатын заңды тұлғаларға – он мөлшерінде, ірі кәсіпкерлік субъектілері болып табылатын заңды тұлғаларға – жиырма мөлшерiнде айыппұл салуға әкеп соғады.

453-бап. Кеменің жүзу қағидаларын, сонымен қатар шағын көлемді кемені қолдану қағидаларын бұзу

1. Кеме жүргiзушiлерiнiң өзен кемелердiң қозғалыс және дыбыс пен жарық сигналдарын беру, кеме жарықтары мен белгiлерiн алып жүру қағидаларын бұзу, –

жеке тұлғаларға – айлық есептiк көрсеткiштiң үштен беске дейiнгi мөлшерiнде, лауазымды адамдарға – бестен онға дейiнгi мөлшерiнде айыппұл салуға әкеп соғады.

2. Кеме жүргiзушiлерiнiң өзен кемелерде ішкі суда жүзу өзге де қағидаларын бұзу –

ескерту немесе айлық есептiк көрсеткiштiң үшке дейiнгi мөлшерiнде айыппұл салуға әкеп соғады.

3. Шағын көлемді кеме жүргізушілерінің белгіленген жылдамдықты көтеру, тыйым салынған жерлерде тұру немесе әдейі тоқтау, гидротехникалық құрылғыларды немесе техникалық құралдарды және кеме қатынасы белгілерін және навигациялық жағдайларды зақымдау, дыбыс сигналдарын беру, кеме жарықтары мен белгiлерiн алып жүру қағидаларын бұзу –

айлық есептiк көрсеткiштiң бестен онға дейiнгi мөлшерiнде айыппұл салуға немесе шағын көлемді кемені басқару құқығынан бір жылға дейін айыруға әкеп соғады.

4. Шағын көлемді кемелерді жүргізушілердің өзге де шағын көлемді кемелерді қолдану қағидаларын бұзу

ескерту немесе айлық есептiк көрсеткiштiң беске дейiнгi мөлшерiнде айыппұл салуға әкеп соғады.

456-бап. Өзен порттары мен кемежайларда жүктердi тиеу, түсiру және қоймада ұстау қағидаларын бұзу

Өзен порттардағы жүк тиеу, жүк түсiру және жүктердi жинаудың техникалық шарттарының бұзушылығы және кемежайлар, жүктердi бекiткiштiң техникалық шарттарының кемесiнде, жүктi (жүк түсiру) жүк тиеудi акт ресiмдемеу, –

айлық есептiк көрсеткiштің екiге дейiнгi мөлшерінде айыппұл салуға әкеп соғады.

457-бап. Шағын кемелер тұруға арналған базаларды (құрылыстарды) пайдалану қағидаларын бұзу

1. (ғимараттар) ашық базаның қауiпсiз пайдалануы үшiн шағын кемелер, шарттар және техникалық талаптардың негiздеуiнiң нормаларының шағын кемелердің тұрақтары үшiн (ғимараттар) базаларында бұзушылық, тiркелмегенетiн анықтаған ретте шағын кемелердің көрcетiлген (ғимараттар) базаларына бұзу –

жеке тұлғаларға және лауазымды адамдарға – айлық есептік көрсеткіштің он мөлшерiнде, дара кәсiпкерлерге, шағын кәсiпкерлiк субъектiлерi болып табылатын заңды тұлғаларға – оннан он беске дейінгі мөлшерiнде, орта кәсiпкерлiк субъектiлерi болып табылатын заңды тұлғаларға – он бестен жиырмаға дейінгі мөлшерiнде, iрi кәсiпкерлiк субъектiлерi болып табылатын заңды тұлғаларға жиырмадан отызға дейінгі мөлшерiнде айыппұл салуға әкеп соғады.

2. Шағын кемелердің тұрақтары үшiн (ғимараттармен) базаларының пайдаланудың өзге де қағидаларын бұзу –

ескерту немесе айлық есептiк көрсеткiштің беске дейiнгі мөлшерiнде айыппұл салуға әкеп соғады.

459-бап. Көлiкте белгiленбеген орындарда темекi шегу

1. Жергiлiктi жерде және алысқа қатынайтын поездарда, теңiз және өзен көлiктерi кемелерiнде, сондай-ақ қалалық, қалааралық автобустар, маршруттық таксилер мен қалалық электр көлiгi салондарында белгiленбеген орындарда темекi шегу, - ескерту жасауға немесе айлық есептiк көрсеткiштiң үштен бiрiне дейiнгi мөлшерiнде айыппұл салуға әкеп соғады.

2. Әуе кемелерінде шылым шегу айлық есептік көрсеткіштің сексен мөлшерінде айыппұл салуға әкеп соғады.»;

7) 447-4-баптың бірінші абзацындағы «, оның iшiнде Қазақстан Республикасының аумағына уақытша әкелiнген, шет мемлекеттiң тасымалдаушыларына тиесiлi» деген сөздер алып тасталсын;

8) 447-5-баптың бірінші абзацындағы «Республикаiшiлiк қатынаста» деген сөздер «Қалалық (ауылдық), қала маңындағы және ауданiшiлiк қатынаста» деген сөздермен ауыстырылсын;

9) 449-баптағы:

«үшке дейiнгi» деген сөздер «бестен онға дейінгі» деген сөздермен ауыстырылсын;

«онға дейiнгi» деген сөздер «оннан жиырмаға дейінгі» деген сөздермен ауыстырылсын;

10) 451-баптағы:

бірінші бөлігінің екінші абзацы мынадай редакцияда жазылсын:

«лауазымды адамдарға – айлық есептiк көрсеткiштің жиырма мөлшерiнде, дара кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға – жиырма мөлшерiнде, iрi кәсiпкерлiк субъектiлерi болып табылатын заңды тұлғаларға – қырық мөлшерiнде айыппұл салуға әкеп соғады.»;

екінші бөлігінің екінші абзацы мынадай редакцияда жазылсын:

«лауазымды адамдарға – айлық есептiк көрсеткiштің он бес мөлшерiнде, дара кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға – жиырма мөлшерiнде, iрi кәсiпкерлiк субъектiлерi болып табылатын заңды тұлғаларға қырық мөлшерiнде айыппұл салуға әкеп соғады.»;

11) 452-баптағы:

бірінші бөлігінің екінші абзацы мынадай редакцияда жазылсын:

«айлық есептiк көрсеткiштің он бес мөлшерінде айыппұл салуға әкеп соғады.»;

екінші бөлігі мынадай редакцияда жазылсын:

«2. Кеме басқару құқығын растайтын құжаты жоқ адамның сол кеменi (соның iшiнде шағын кеменi) басқару, -

айлық есептiк көрсеткiштің бес мөлшерінде айыппұл салуға әкеп соғады.»;

мынадай мазмұндағы үшінші, төртінші, бесінші, алтыншы және жетінші бөліктермен толықтырылсын:

«3. Кеме басқару құқығы жоқ адамның сол кеменi (соның iшiнде шағын кеменi) басқаруы, немесе басқару құқығы жоқ адамға сондай кеменi басқаруды беру, -

айлық есептiк көрсеткiштің он бес мөлшерінде айыппұл салуға әкеп соғады.

4. Тасымалдаушының жолаушылар алдындағы азаматтық-құқықтық жауапкершiлiгiн мiндеттi сақтандыру жөнiндегi сақтандыру полисi болмаған адамның жолаушылар тасмалдайтын кемені басқару,-

айлық есептiк көрсеткiштің бір мөлшерінде айыппұл салуға әкеп соғады.

5. Кеме құжатынсыз, сонымен қатар кеме құжатына қойылатын талаптарды бұзып кеменi (соның iшiнде шағын кеменi) басқару

- айлық есептiк көрсеткiштің бес мөлшерінде айыппұл салуға әкеп соғады.

6. Көрiнеу жалған немесе қолдан жасалған тiркеу борттық нөмiрiнiң белгiлерiмен кемені басқару

- айлық есептiк көрсеткiштің жиырма мөлшерінде айыппұл салуға әкеп соғады.

7. Кемеге (соның iшiнде шағын кемеге) көрiнеу жалған немесе қолдан жасалған тiркеу борттық нөмiрiнiң белгiлерiн орнату –

жеке тұлғаларға және лауазымды адамдарға – айлық есептiк көрсеткiштің он бес мөлшерінде, дара кәсiпкерлерге, шағын немесе орта кәсiпкерлiк субъектiлерi болып табылатын заңды тұлғаларға – жиырма мөлшерiнде, iрi кәсiпкерлiк субъектiлерi болып табылатын заңды тұлғаларға қырық мөлшерiнде айыппұл салуға әкеп соғады.»;

12) 454-баптағы:

атауындағы «кеменi» деген сөзден кейін «соның ішінде шағын көлемді кемені» деген сөздермен толықтырылсын;

бірінші бөлігінің екінші абзацындағы «бестен он беске дейiнгi» деген сөздер «он бестен жиырмаға дейiнгi» деген сөздермен ауыстырылсын;

екінші бөлігінің екінші абзацындағы «оннан жиырма беске дейiнгi» деген сөздер «жиырмадан отызға дейiнгi» деген сөздермен ауыстырылсын;

үшінші бөлігінің екінші абзацындағы «үштен онға дейiнгi» деген сөздер «жиырма» деген сөзбен ауыстырылсын;

төртінші бөлігі алып тасталсын;

бесінші бөлігінің екінші абзацы мынадай редакцияда жазылсын:

«жеке тұлғаларға – айлық есептiк көрсеткiштің он бес мөлшерінде, кемелердi пайдалануға жауапты лауазымды тұлғаларға он бестен жиырма беске дейiнгi мөлшерiнде айыппұл салуға әкеп соғады.»;