Қазақстан Республикасының Оқу-ағарту министрлігі Шымкент қаласының білім басқармасы
Практикалық әдіске жататын тәсілдер
жүктеу/скачать 0.6 Mb.
|
- Бұл бет үшін навигация:
- Дыбыс және жарық белгілері.
| Практикалық әдіске жататын тәсілдер. Балаларды қимыл-қозғалыс әрекеттеріне үйрету процесінде тәрбиеші көрнекілік және сөзбен өзара байланысқан әртүрлі практикалық тәсілдер кешенін пайдаланады. Ол жаттығулардың, қимыл-қозғалыс ойындарындағы жеке рөлдердің орындалуын, жетекшінің рөлін көрсетеді, балаларды тапсырмамен еліктіре және үлгі көрсете отырып - қимыл-қозғалысты кім жақсы, кім шапшаң, кім дұрысырақ орындайтынын көрсетіп ынталандырады, ол жарыс кезінде төреші, команда капитаны рөлін орындайды, ондағы мақсат - олардың әрекет тәсілдерін ойнаушыларға қарап әділ шешім қабылдау тәртібін көрсету (JI.М.Коровина). Балалардың практикалық іс-әрекетін ұйымдастыра отырып, тәрбиеші үйретудің бүкіл процесін сабақ міндеттерімен, мазмұнымен, құрылымымен сәйкес реттейді. Ол балаларды жаппай үйретеді, оларға таныс қимыл-қозғалыстарды жетілдіре отырып, өз беттерімен әрекет етуді ұсынып, оларды шағын топтарға таратады, балаларға жаттығуларды үйреткенде жаттығулардың бүкіл процесін бірнеше рет қайталайды және алмастырады, шығармашылық ізденіске ынталандыра отырып, жаттығуларды, қимыл-қозғалыс ойындарын өзгерту, олардың нұсқаларын құру, жаңаларын ойлап табу тапсырмаларын ұсынады.Yйрету процесінде бала әр жас кезеңінде барған сайын білім мен іскерлікті мол меңгереді. Осыған байланысты қимыл-қозғалыстардың дербестігі, ойындық және өмірлік жағдайда игерілген дағдыларды қолдану тапқырлығы күшейеді. Балалардың практикалық іс-әрекетіне басшылық ете отырып тәрбиеші білім беру міндеттерін жүзеге асыру, баланың ақыл-ойын дамыту мүмкіндіктері туралы естен шығармайды. Ол балалардың оларға ұсынылған қимыл-қозғалыстық тапсырмаларға неғұрлым тұрақты ынта-ықыласы мен эмоциялық қарым-қатынасын тудыруға және оны сақтауға қамқорлық жасайды; бұл тапсырмалар балалардың жеке ұсыныстары формасында көрінетін қажетті шешімді іздестіруге бағытталған ой белсенділігін талап етеді. (Mысалы, жүруді, жүгіруді және қосаяқтап секіруді кезектесе орындау кезінде мынадай тапсырмаларды ұсынады: қимыл-қозғалыстың әртүрін ауыстыру үшін сигналдардың формаларын ойлап табу, олардың алмасу тәртібін ұсыну және себеп-дәлелін беру. Неге басқаша емес, осылайша болуы керек, т. б). Тәжірибе балаларға мұндай (аса қарапайым және түсінікке жеңіл) тапсырмаларды, сондай-ақ, оларды игерген білім мен қимыл-қозғалыс дағдылары негізінде қызықты шешуді (қимыл-қозғалыс әрекеті техникасы және оларды орындау тәсілдері туралы, кеңістікті бағдарлау, сабақта қимыл-қозғалыс әрекеттерін алмастыру, т. б.) ұсынғанда олар белсенді және қуанышпен жауап беретіндігін көрсетіп отыр. Көрсетілген тапсырмалар ақыл-ойдың дамуына және шығармашылық белсенділікке, ұйымдастыру дағдыларын тәрбиелеуге, әрекеттің мақсатты бағыттылығына, тапқырлыққа және айнала қоршаған жағдайдан бағдар табуға көмектеседі. Сөйтіп, балаларды үйретудің суреттелген әдістері мен тәсілдері қимыл-қозғалыс дағдыларын қалыптастыру кезінде нәтижелерге жетуге бағытталған. Дыбыс және жарық белгілері. Жаттығудың басталуы мен аяқталуын есту және көру, ырғақ, амплитуда, қарқын, жаттығуға жұмсаған күш мөлшері уақытын метроном көмегімен өлшеу, суда жүзу жолдарын көрсететін түрлі-түсті жарық белгілері, жалаулар осылардың бәрі жаттығуды дұрыс, ынталы орындауға көмектеседі.
жүктеу/скачать 0.6 Mb. Достарыңызбен бөлісу:
|