БАҒдарламасы мазмұны кіріспе

Жамбыл облысында алдағы бес жылда ерікті бәсекелестікті дамыту және тауарлар мен қызметтер нарығына теңдей қолжетімділікті қамтамасыз ету арқылы бизнестің экономикалық белсенділігінің өсімі үшін жағдайлар жасалады.

Қойылған міндетті іске асыру мақсатында келесі іс-шараларды өткізу көзделуде:

1) 2010-2014 жылдарға арналған Жамбыл облысын үдемелі индустриялдық-инновациялық дамытудың мемлекеттік бағдарламасы шеңберінде жаңа инвестициялық жобаларды, сондай-ақ «Бизнестің жол картасы-2020» Бағдарламасы аясында өндірісті модернизациялауға және кеңейтуге бағытталған жобаларды қолдау;

2) бизнес үшін әкімшілік тосқауылдарды қысқарту бойынша өңірлік үйлестіру кеңесінің жүйелі жұмысын жалғастыру;

3) нормативтік құқықтық базаны жетілдіру бойынша ұсыныстар әзірлеу;

4) кәсіпкерлік субъектілерін қаржылық даму институттарының қаржылары есебінен кредиттеу;

5) кәсіпкерлер форумдарын, отандық тауар өндірушілер жәрмеңкелерін өткізу;

6) кәсіпкерлермен түсіндіру семинарларын, тренингтер, дөңгелек үстелдер өткізу, шағын және орта кәсіпкерлік субъектілері үшін буклеттер және әдістемелік құралдар шығару;

7) жаңа кәсіпкерлерді тарту мақсатында өңірлік рыноктар, тауарлар мен қызметтерге сұраныстар туралы ақпарат жинауды, талдауды және жариялауды ұйымдастыру;

8) негізгі рәсімдер мен қызмет нәтижелерін жариялауды қоса салғанда жергілікті мемлекеттік басқару органдары қызметінің ақпараттық ашықтығын арттыру;

9) жергілікті мемлекеттік басқару органдарының рынок субъектілерінің шаруашылық қызметіне тікелей қатысуын азайту;

­- тұтыну бағалары индексін тұрақтандыруға, инфляцияның болжамдалған деңгейін белгіленген 6-8% коридорында ұстап тұруға ықпал ететін кешенді шаралар көлемін әзірлеу;

- бөлшек саудада сатылатын азық-түлік тауарларының негізгі түрлеріне бағалар, сондай-ақ өндіруші кәсіпорындардың сату бағаларының мониторингі;

- облыстағы негізгі азық-түлік тауарларын өндірушілермен және өткерушілермен бағаларды тұрақтандыру мәселелері бойынша өзара ынтымақтастық туралы меморандумдар жасау;

- облыстың көтерме-бөлшек сауда кешендері және Өзбекстан кәсіпкерлері арасында жеміс-көкөніс өнімін жеткеру бойынша келісімдер жасауға ықпал ету;

- әлеуметтік сауда нүктелерін, жылжымалы сауда павильондарын ашу;

- тапшылығы немесе бағасы көтерілуі болжамданып отырған азық-түлік тауарларын қажетті көлемде резервтеу жөнінде шаралар қабылдау;

- қысқы кезеңде жеміс-көкөніс өнімін сақтауға және оны көтерме-бөлшек сауда желісі, сондай-ақ коммуналдық базарлар арқылы ең аз сауда жүктемесімен сатуға алғышарттарды қамтамасыз ету;

- жылыжай шаруашылығын дамыту;

- тұрақты негізде ауыл шаруашылық жәрмеңкелерін және басқа іс-шаралар өткізу.