тапсырмаларды орындау қабілетін айтамыз.
Жасанды интеллект жүйесін әзірлеушілердің мақсаты
- тапсырма шартына сай, мәшинені өз іс-әрекетінің
программасын жасауға, яғни формалды орындаушыдан
зияткерлік орындаушыға ауысу.
ЖИ артықшылықтары:
1. Көп ақпаратты аз уақыт ішінде есте сақтау және өңдей білу
қабілеті. Адамның есінде ауқымды ақпарат сақталуы үшін
күніне 3–4 рет қайталап, уақыт өткен сайын жадысын
жаңғыртып отыру керек болады. Ал жасанды интеллект бір
жаттағанын ешқашан ұмытпайды.
2. Сандық ақпаратты жылдам өңдеу қабілеті. Мысалы, адам
екі орынды санды қосып болғанға дейін, жасанды интеллект
экономикалық жағдайды талдап, қай валютаны сатып алу
тиімді екендігін есептеп үлгереді.
3. Жасанды интеллектінің ең басты артықшылығы - адамның өз
ақыл-ойын арттыруға қабілетті болуы.
Жасанды интеллектіні бастауыш сыныптарға білім беруде
қолданудың дамыған бағыты – бейімдеп оқытуда қолдану.
Мұнда ЖИ әрбір білім алушының үлгерімін бақылап отырады,
курс бөлімдерін білім алушының қабілетін ескере отырып
құрастырады немесе оқытушыға қай материалдың меңгеріліп,
қай материал меңгерілмей қалғандығы жайында ақпарат беріп
отырады. Оның бір мысалына қашықтықтан оқытуды жатқыза
аламыз. Қашықтан оқыту жоғары технологиялық білім беру
болып табылады. Бұл жерде тоқсандық жиынтық бағалау мен
бөлім бойынша жиынтық бағалау да қашықтан тапсырылады.
Енді білім алушының ешқандай жерден көшірмей, емтиханды өз
білімімен тапсырып шыққандығына сенімді болу үшін көмекке
прокторинг деп аталатын жүйе келеді. Бұл жүйе білім алушылар
бақылау тапсырмаларын орындау кезінде қолданылады.
|
