Беруін талдау Оқу құралы Қостанай
Тарау 3. Кәсіпорынның табыстылығын талдау
жүктеу/скачать 0.97 Mb.
|
- Бұл бет үшін навигация:
- 3.1 Табыстылықтың түсінігі мен мәні
| Тарау 3. Кәсіпорынның табыстылығын талдау
Мақсаты: Табыстылықтың түсінігі және мәнімен танысу. Табыстылықтың абсолютті көрсеткіштерін талдау және табыстылықтың салыстырмалы көрсеткіштерін талдау жасай білу. Жоспар: 3.1 Табыстылықтың түсінігі мен мәні 3.2 Табыстылықтың абсолютті көрсеткіштерін талдау 3.3 Табыстылықтың салыстырмалы көрсеткіштерін талдау 3.1 Табыстылықтың түсінігі мен мәні Табыстар дегеніміз - қаржының келуі немесе активтер құнының өсуі, не болмаса пассивтердің азаюы түріндегі есепті кезендегі экономикалық пайданың ұлғаюы болып табылады, бұл акционерлер салымдарының есебінен өсуден басқа жағдайдағы капиталдың өсуіне әкеледі. Табыстылықтың көрсеткіштер жүйесі ең алдымен қаржьшық нәтижелердің абсолютті көрсеткіштерінен тұрады, олар: өнімді (жұмыс, қызметті) өткізудеи алынатын табыс; жалпы табыс; негізгі қызметтен алынатын табыс; салық салынғанға дейінгі дағдылы қызметтен алынатын табыс; салық салынғаннан кейінгі дағдылы қызметтен алынатын табыс; төтенше жағдайларданалынған табыс; кәсіпорын қызметінің соңғы қаржылық нәтижесі болып табылатын таза табыс. Табыс өз қызметтерін тиімді орындай алуы үшін келесідей негізгі шарттар қажет болады: Жуықтаудың белгілі бір дәрежесінде, өнім бағасы еңбектің қоғамдық қажетті шығындарын көрсетуі тиіс және ол сондай-ақ еңбек өнімділігінің үздіксіз өсуі мен өзіндік құнның төмендеуін ескеруі қажет. 1. Бұйымдарды калькуляциялау және өнімнің өзіндік құнын анықтау жүйесі ғылыми негізделген болуы керек. 2. Табысты бөлу (тарату) механизмі белсенді роль атқаруы керек және өндірістің дамуы мен оның тиімділігін арттыруда ынталандырушы фактор болуы тиіс. 3. Табысты тиімді пайдалану тек қалған барлық қаржы тұтқаларының жүйесінде (амортизациялық аударымдар, қаржылық санкциялар, салық салу, акциздер, жал төлемі, дивидендтер, пайыздық мөлшерлемелер, арнайы қорлар, салымдар, пай (жарна) төлемдері, инвестициялар, есеп айырысу нысандары, несие түрлері, валюта және бағалы қағаздар курсы және т.б.) ғана мүмкін. Табыстылық көрсеткіштерін талдау міндеттеріне мыналар жатады: табыстылықтың абсолютті көрсеткіштерінің жоспарының орындалуын бағалау; таза табыстың қалыптасуының құрамдас элементтерін зерттеу; табысқа әсер ететін факторлардың әсерін анықтау және сандық өлшеу; табысты бөлу бағыттарын, пропорцияларын және тенденцияларын зерттеу; табыстың өсу резервтерін анықтау; кәсіпорынның даму перспективасын ескере отырып, табысты тиімді пайдалану жөнінде ұсыныстар жасау; табыстылықтың (рентабельділіктің) әр түрлі коэффициенттерін және олардың деңгейлеріне әсер етуші факторларды зерттеу. жүктеу/скачать 0.97 Mb. Достарыңызбен бөлісу:
|