Беруін талдау Оқу құралы Қостанай
Факторлық талдаудың үлгiлерi
жүктеу/скачать 0.97 Mb.
|
- Бұл бет үшін навигация:
- Бақылау сұрақтары
| 1.3 Факторлық талдаудың үлгiлерi
Кәсіпорынның қаржылық тұрақтылық жағдайына көптеген факторлар әсер етеді, оларды В.М. Радионова және М.А. Федотова келесідей түрлерге жіктейді: пайда болу орнына байланысты - ішкі және сыртқы; 1. нәтижесінің маңыздылығына байланысты – негізгі және негізгі емес; 2. құрылысы бойынша - қарапайым және күрделі; 3. әрекет ету уақыты бойынша - тұрақты және уақытша. Ішкі факторлар кәсіпорынның өзінің жұмысын ұйымдастыруына байланысты болады, ал сыртқы факторлар кәсіпорын еркіне бағынышты емес. Негізгі ішкі факторларды қарастырайық. Кәсіпорыннын тұрақтылығы ең бірінші өндіріс шығындарымен үздіксіз байланысқан өндірілген өнім мен көрсетшген кьізметтің құрамы мен құрылымына тәуелді. Сондай-ақ, тұрақты және айнымалы шығындар арасындағы қатынас манызды болып табылады. Кәсіпорынның өндірілетін өнім және өндіріс технологиясымен тығыз байланысқан қаржылық тұрақтылығының маңызды факторларының бірі – активтердің тиімді құрамы мен құрылымы, сондай-ақ кәсіпорынның басқару стратегиясын дұрыс таңдап алуы болып табылады. Ағымдағы активтерді басқару өнері - кәсіпорын шотында оның ағымдағы жедел қызметі үшін қажет болатын қаржының ең төменгі сомасын ұстаудан тұрады. Қаржылық тұрақтылықтың ішкі, маңызды факторларының бірі - бұл қаржы ресурстарының құрамы мен құрлымы, оларды басқару стратегиясы мен тактикасының дұрыс таңдалып алынуы. Кәсіпорынның өз қаржы ресурсы, соның ішінде таза табысы қаншалықты көп болса, соншалықты ол өзін жайлы сезіне алады.Сонымен бірге тек таза табыстың көлемі ғана емес, сонымен қатар оны тарату құрылымы, әсіресе өндірісті дамытуға бағытталған бөлігі де өте маңызды болып табылады.Кәсіпорынның қаржылық тұрақтылығына қарыздық капиталдар нарығындағы қосымша жұмылдырушы (мобилизацияланушы) қаражаттар үлкен әсерін тигізеді. Бақылау сұрақтары: 1. Кәсіпорынның қаржылық тұрақтылығы нені білдіреді? 2. Кәсіпорынның қаржылық тұрақтылық жағдайына әсер ететін фак-торлар қалай жіктеледі ? 3. Кәсіпорынның қаржылық жағдайы. жүктеу/скачать 0.97 Mb. Достарыңызбен бөлісу:
|