Мәселе (тұтынушының ауруы) және шешім

Тұтынушының ауруы ретінде бұл жердегі мәселені мен әйел қауымдарының өзіне қарауға, қадағалауға арналған тиімді, қол жетімді, сапалы салонның болмауын айта аламын. Немесе, салондардың аздығы, заманауи құрылғы, сертификатталған мамандар, жақсы қызмет көрсету орталығының болмауы басты мәселе ретінде алынады. 

Менің бастағалы отырған бизнесім клиенттер үшін қолжетімді әрі сапалы және ең бастысы олардың мәселелерін шеше алады. Себебі, адамдар, әсіресе, әйелдер қауымы өте таңдамшыл, өзіне ең сапалыны қалайды. Әрдайым әр нәрсеге көңіл бөледі (ол әлбетте дұрыс). Менің бастағалы отырған бизнесім – әр қыз – келіншектің көңілінен шығады. 

Шешім ретіндегі менің нақты ұсынатын қызметім – сұлулықтың кез – келген саласын клиенттерге ұсыну. Яғни, жоғарыда айтып өткендей әйелдер қауымы өте талғамшыл келеді. Бір клиентке әрлену керек болса, екінші клиент керісінше, терісін, бет күтімін, аяқ және т.б. күтімін жасатқысы келеді. Менің шешімім – кез – келген саланы ұсыну. Себебі, әдетте, мысалға айтсақ, бір салонға шашын түзетуге барса, тағы бетін әрлеу үшін олар екінші салонға барып жүруге мәжбүр (және әрдайым көңілден шыға бермейді). Және артық жүріс, уақыт алады. Ал менің бастағалы отырған бизнесім, яғни, менің сұлулық салонымда барлық салалар бар, барлық сұлулыққа арналған бөлімдер бірге орналасқан әрі жабдықталған. Мысалы, бір маман клиенттің шашын жөндесе, екіншісі оның бетін әрлей береді. Сонда клиент үшін біріншіден, мамандандырылған жұмыскерден – сапалы жұмыс, екіншіден, уақытын үнемдейді.

Құнды ұсыныс – әрдайым бірегей, тек бір түрде бола бермейді. Жарнама ретінде біз әр апта немесе айда жаңа ұсыныстар ұсына отырып, клиенттерді жақсы жеңілдіктермен қуанатамыз. Себебі, бұл клиенттерді тек біздің салонға келуге арбайтын бір маркетингтік жол болып есептеледі. Әлбетте, клиент көп кезде бізге кейбір клиенттерді қабылдап үлгермеуіміз мүмкін. Бірақ бұл жағдай ол клиенттен айрылып қалу керек деп есептелмейді. Клиенттің көңілінен барынша шығу үшін оларға күту залында отырғанда қалаулары бойынша сусындар, тәттілер ұсынылады, әрине тегін беріледі.