Білім беру ұйымдарында мемлекеттік аралық бақылауды өткізу ережесін бекіту туралы

(2009.30.11. берілген өзгерістер мен толықтырулармен)

«Білім туралы» Қазақстан Республикасының 2007 жылғы 27 шілдедегі Заңының 5-бабының 18) тармақшасына сәйкес БҰЙЫРАМЫН:

1) «Қазақстан Республикасының білім беру ұйымдарында мемлекеттік аралық бақылауды өткізу ережесін бекіту туралы» Қазақстан Республикасы Білім және ғылым министрінің 2004 жылғы 29 желтоқсандағы № 1056 бұйрығының (Қазақстан Республикасының нормативтік құқықтық актілерін мемлекеттік тіркеу тізілімінде № 3335 тіркелген, Қазақстан Республикасының нормативтік құқықтық актілері бюллетенінде 2005 жылғы, № 3-8, 23-құжатпен жарияланған);

2) «Қазақстан Республикасының білім беру ұйымдарында мемлекеттік аралық бақылауды өткізу ережесін бекіту туралы» Қазақстан Республикасы Білім және ғылым министрінің 2004 жылғы 29 желтоқсандағы № 1056 бұйрығына өзгерістер енгізу туралы» Қазақстан Республикасы Білім және ғылым министрінің міндетін атқарушының 2006 жылғы 7 ақпандағы № 61 бұйрығының (нормативтік құқықтық актілерді мемлекеттік тіркеу тізілімінде № 4088 тіркелген, 2006 жылғы 10 наурыздағы № 42-43 (1022-1023) «Заң газетінде» жарияланған);

3) «Қазақстан Республикасының білім беру ұйымдарында мемлекеттік аралық бақылауды өткізу ережесін бекіту туралы» Қазақстан Республикасы Білім және ғылым министрінің 2004 жылғы 29 желтоқсандағы № 1056 бұйрығына өзгерістер мен толықтырулар енгізу туралы» Қазақстан Республикасы Білім және ғылым министрінің 2006 жылғы 7 ақпандағы № 610 бұйрығының (нормативтік құқықтық актілерін мемлекеттік тіркеу тізілімінде № 4476 тіркелген, 2007 жылғы 12 қаңтардағы № 5 (1208) «Заң газетінде» жарияланған) күші жойылды деп танылсын.

ҚР Білім және ғылым министрінің 2009.30.11 № 553 Бұйрығымен бүкіл мәтін бойынша «БТМСҰ0» аббревиатурасы «ҰТО» аббревиатурасымен ауыстырылды (ресми жариялаған күннен кейін он күнтізбелік күн өткен соң қолданысқа енгізіледі) (бұр.ред.қара)

№ 561 бұйрығымен бекітілген

ҚР Білім және ғылым министрінің 2009.30.11 № 553 Бұйрығымен атауы өзгертілді (ресми жариялаған күннен кейін он күнтізбелік күн өткен соң қолданысқа енгізіледі) (бұр.ред.қара)

2. Ереже меншік нысандары мен ведомстволық бағыныстылығына, типтері мен түрлеріне қарамастан білім беру ұйымдарына жүреді.

3. Білім беру ұйымдарындағы МАБ-тың міндеттері:

1) білім алушылардың оқу жетістіктерін бағалауды жүзеге асыру;

2) оқу процесін ұйымдастырудың тиімділігін бағалау;

3) білім беру ұйымдары көрсететін білім беру қызметінің сапасына салыстырмалы талдау болып табылады.

4. МАБ-ты өткізу мерзімін Қазақстан Республикасы Білім және ғылым министрлігі (бұдан әрі - Министрлік) белгілейді.

2. Орта білім беру ұйымдарында МАБ-ты өткізу

6. МАБ білім алушылар білім алып жатқан білім беру ұйымдарының базасында өткізіледі.

ҚР Білім және ғылым министрінің 2009.30.11 № 553 Бұйрығымен 7-тармақ өзгертілді (ресми жариялаған күннен кейін он күнтізбелік күн өткен соң қолданысқа енгізіледі) (бұр.ред.қара)

7. МАБ-ты дайындау және өткізу жөніндегі жұмыстарды үйлестіру мақсатында әрбір білім беру ұйымдарында мемлекеттік комиссиялар (МК) құрылады. МК құрамына облыстық, Астана және Алматы қалаларының білім басқармалары немесе аудандық (қалалық) білім бөлімдерінің, ата-аналар жұртшылығының, мектеп педагогтерінің өкілдері, сондай-ақ білікті педагогтер арасынан тағайындалатын хатшы кіреді.

МАБ-ты өткізудің белгіленген тәртібінің және оның технологияларының сақталуына бақылауды жіберілген Министрліктің уәкілетті өкілдері жүзеге асырады.

ҚР Білім және ғылым министрінің 2009.30.11 № 553 Бұйрығымен 8-тармақ өзгертілді (ресми жариялаған күннен кейін он күнтізбелік күн өткен соң қолданысқа енгізіледі) (бұр.ред.қара)

ҚР Білім және ғылым министрінің 2009.30.11 № 553 Бұйрығымен 9-тармақ өзгертілді (ресми жариялаған күннен кейін он күнтізбелік күн өткен соң қолданысқа енгізіледі) (бұр.ред.қара)

10. Тапсырмаларды жалпы білім беретін оқу бағдарламаларының негізінде ҰТО әзірлейді, олардың мазмұны аталған бағдарламалардың шеңберінен шықпауы керек.

11. 9 (10) сыныптарда МАБ рәсімдеріне орыс тілінде оқытатын мектептердің оқушылары үшін - қазақ тілі, қазақ тілінде оқытатын мектептердің оқушылары үшін - орыс тілі және шет тілінің біреуі міндетті түрде енгізіледі.

МАБ өткізілетін басқа да оқу пәндерінің тізбесін жыл сайын Министрлік белгілейді.

12. МАБ-ты өткізу үшін әрбір тестілеу пәніне 45 минут беріледі.

13. Әрбір пән бойынша тест тапсырмаларының саны бастауыш білім беру ұйымдарында - 20, негізгі орта білім беру ұйымдарында - 30.

14. МАБ-тың нәтижесі әрбір дұрыс жауап 1 баллмен бағаланады.

15. МАБ-тың нәтижелері оқушылардың назарына ол аяқталғаннан кейін 10 күнтізбелік күн ішінде жеткізіледі.

16. МАБ-ты тапсыру нәтижелері бойынша оқушылардың білім жетістіктері, егер ол Министрлік белгілеген шекті деңгей жалпы тест тапсырмаларының 30% дұрыс жауаптарына тең болған жағдайда «игерді» деген белгімен бағаланады.

ҚР Білім және ғылым министрінің 2009.30.11 № 553 Бұйрығымен 17-тармақ өзгертілді (ресми жариялаған күннен кейін он күнтізбелік күн өткен соң қолданысқа енгізіледі) (бұр.ред.қара)

17. МАБ рәсімдерінің нәтижелері бойынша 7% білім алушылары шекті деңгейден өте алмаған орта білім беру ұйымдары кезектен тыс мемлекеттік аттестаттауға жатады.

Облыстардың, Астана және Алматы қалаларының білім басқармалары жыл сайын есептік кезеңнен кейінгі жылдың 15 қаңтарына дейін білім беру ұйымдарының кезектен тыс аттестаттау қорытындылары туралы ақпаратты Министрлікке ұсынады.

 

 

3. Жоғары білім беру ұйымдарында МАБ-ты өткізу

19. МАБ меншік нысаны мен ведомстволық бағыныстылығына қарамастан жоғары оқу орындарындағы барлық оқыту нысандары бойынша білім алушы студенттер үшін өткізіледі.

20. Мамандықтардың тізбесін, пәндердің тізбесін, сондай-ақ МАБ пәндері бойынша тест тапсырмаларының спецификациясын Министрлік бекітеді.

21. МАБ-ты өткізу үшін мамандықтарды есепке ала отырып, үлгілік оқу бағдарламаларының негізінде МЖМБС-тың міндетті компонеттерінің пәндері бойынша әзірленген тест тапсырмалары қолданылады.

22. Тест тапсырмалары Сараптама кеңесінде МЖМБС-ға сәйкестігіне сараптамадан өтеді. Сараптама кеңесі туралы ережені және оның құрамын Министрлік бекітеді.

23. Министрлік базасында МАБ өтетін жоғары оқу орындарының тізбесін (бұдан әрі - базалық жоғары оқу орны) белгілейді, ол білім беру ұйымдарының назарына МАБ-ты өткізгенге дейін кемінде бір ай бұрын жеткізіледі.

24. Жергілікті жерлерде МАБ-ты ұйымдастыру және үйлестіру жөніндегі жұмыстарды мемлекеттік комиссия жүзеге асырады.

25. МАБ Қазақстан Республикасы Индустрия және сауда министрлігінің Техникалық реттеу және метрология комитетімен келісілген және Министрлік бекіткен, ҰТО әзірлеген технология бойынша кешенді тестілеу (бұдан әрі - тестілеу) нысанында 5 пән бойынша өткізіледі.

26. Тестілеу қазақ, орыс немесе ағылшын тілдерінде өткізіледі.

27. Тестілеудің нәтижелері тестілеуге қатысқан студенттердің назарына ол аяқталғаннан кейінгі 24 сағат ішінде жеткізіледі.

28. Тестілеу нәтижелерімен келіспеген студент апелляцияға өтініш бере алады.

29. Тестілеу нәтижелері бойынша егер медициналық мамандықтар бойынша шекті деңгей жалпы тест тапсырмаларының 60% дұрыс жауаптарына, барлық қалған мамандықтар бойынша 40%-ға тең балл жинаған студенттер сынақтан өтеді.

30. Білім беру ұйымы білім алушылардың тізімдік құрамының кемінде 70%-ының қатысуын қамтамасыз етуі керек.

31. Студент тестілеуге келмеген жағдайда оның емтихандық тізімдемесіне «келген жоқ» деген белгі қойылады.

32. МАБ-тың негізгі рәсімдерінің нәтижелері бойынша 7% білім алушылары 25% және одан да көп мамандықтар бойынша шекті деңгейден өте алмаған білім беру ұйымдары кезектен тыс мемлекеттік аттестаттауға жатады.