Білім беру саласындағы мемлекеттік қызметтер регламенттері туралы
жүктеу/скачать 0.84 Mb.
|
- Бұл бет үшін навигация:
- ҚАУЛЫ ЕТЕДІ
- «Жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау» мемлекеттiк қызмет регламенті
- 1. Негізгі ұғымдар
- 2. Жалпы ережелер
- 3. Мемлекеттік қызмет көрсету тәртібіне қойылатын талаптар
- 4. Мемлекеттік қызмет көрсету үдерісіндегі іс-әрекет (өзара іс-қимыл) тәртібін сипаттау
- 5. Мемлекеттік қызметтер көрсететін лауазымды тұлғалардың жауапкершілігі
- Өкілетті органдардың мекенжайлар тізбесі Ақтөбе облысының жалпы білім беретін мектептері
| Білім беру саласындағы мемлекеттік қызметтер регламенттері туралы
Ақтөбе облыстық әкімдігінің 2012 жылғы 25 желтоқсандағы № 464 қаулысы. Ақтөбе облысы Әділет департаментінде 2013 жылғы 28 қаңтарда № 3507 тіркелді РҚАО ескертпесі. Құжаттың мәтінінде түпнұсқаның пунктуациясы мен орфографиясы сақталған. Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін өзі басқару туралы» Заңының 27-бабына, Қазақстан Республикасының 2000 жылғы 27 қарашадағы «Әкімшілік рәсімдер туралы» Заңының 9-1-бабына және Қазақстан Республикасы Үкіметінің 2012 жылғы 31 тамыздағы № 1119 «Қазақстан Республикасы Білім және Ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы» қаулысына сәйкес Ақтөбе облысы әкімдігі ҚАУЛЫ ЕТЕДІ: 1. Қоса беріліп отырған білім беру саласындағы мемлекеттік қызметтердің мына: 1) «Жетімдерді, ата-анасының қамқорлығынсыз қалған балаларды әлеуметтік қамсыздандыруға арналған құжаттарды ресімдеу»; 2) «Негізгі орта, жалпы орта білім беретін білім беру ұйымдарында экстернат нысанында оқуға рұқсат беру»; 3) «Техникалық және кәсіптік білім беру ұйымдарында оқитын студенттерге жатақхана беру»; 4) «Техникалық және кәсіптік білім беру бағдарламалары бойынша кадрлар даярлауды жүзеге асыратын білім беру ұйымдарына құжаттарды қабылдау және оқуға қабылдау»; 5) «Білім туралы құжаттардың телнұсқаларын беру»; 6) «Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау»; 7) «Бастауыш, негізгі орта, жалпы орта білім беру ұйымдарына денсаулығына байланысты ұзақ уақыт бойы бара алмайтын балаларды үйде жеке тегін оқытуды ұйымдастыру үшін құжаттарды қабылдау»; 8) «Мектепке дейінгі білім беру ұйымдарына құжаттарды қабылдау және балаларды қабылдау»; 9) «Арнайы жалпы білім беретін оқу бағдарламалары бойынша оқыту үшін мүмкіндіктері шектеулі балалардың құжаттарын қабылдау және арнайы білім беру ұйымдарына қабылдау»; 10) «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау»; 11) «Шалғайдағы ауылдық елді мекендерде тұратын балаларды жалпы білім беру ұйымдарына және үйлеріне кері тегін тасымалдауды ұсыну үшін құжаттар қабылдау»; 12) «Жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау»; 13) «Аз қамтылған отбасы балаларының қала сыртындағы және мектеп жанындағы лагерьлерде демалуы үшін құжаттарды қабылдау» регламенттері бекітілсін. 2. Ақтөбе облысы әкімдігінің 2012 жылғы 3 шілдедегі № 234 «Білім беру саласындағы мемлекеттік қызметтердің регламенттерін бекіту туралы» қаулысының (нормативтік құқықтық актілерді мемлекеттік тіркеу тізілімінде 2012 жылғы 9 тамызда № 3405 тіркелген, «Ақтөбе» және «Актюбинский вестник» газеттерінің 2012 жылғы 16 және 21 тамыздағы № 104, 105, 106, 107 жарияланған) күші жойылды деп танылсын. 3. «Ақтөбе облысының білім басқармасы» мемлекеттік мекемесі (Ж.Б.Самұратова) (бұдан әрі – Басқарма) осы мемлекеттік қызметтер регламенттерін Басқарманың ғаламтор–ресурсында орналастыруды қамтамасыз етсін. 4. Осы қаулының орындалуын бақылау облыс әкімінің орынбасары С.Қ.Нұрқатоваға жүктелсін. 5. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі. Облыс әкімі А. Мұхамбетов Ақтөбе облысы әкімдігінің 2012 жылғы 25 желтоқсандағы № 464 қаулысымен бекітілген «Жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау» мемлекеттiк қызмет регламенті 1. Негізгі ұғымдар 1. Осы «Жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау» мемлекеттiк қызмет көрсету регламентінде (бұдан әрі - Регламент) мына түсініктер пайдаланылады: 1) мемлекеттік қызметті алушы – «Қазақстан Республикасы Білім және ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 31 тамыздағы № 1119 қаулысымен бекітілген «Жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау» мемлекеттік қызмет стандартының (бұдан әрі – Стандарт) 6-тармағына сәйкес мемлекеттік мекемелердегі білім алушы мен тәрбиеленуші; 2) орындаушы – міндетіне жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау бойынша құжаттарды ресімдеу кіретін жалпы білім беретін мектеп қызметкері. 2. Жалпы ережелер 2. Мемлекеттік қызметтің нормативтік құқықтық анықтамасы: Жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау. 3. Мемлекеттік қызмет Регламенттің 1-қосымшасына сәйкес аудандардың және облыстық маңызы бар қалалардың жергілікті атқарушы органдарының қарамағындағы жалпы білім беретін мектептермен (бұдан әрі - ЖББМ) көрсетіледі. 4. Көрсетілетін мемлекеттік қызметтің нысаны: автоматтандырылмаған. 5. Мемлекеттік қызмет «Білім туралы» Қазақстан Республикасының 2007 жылғы 27 шілдедегі Заңының 6-бабы 2-тармағының 19) тармақшасына, 3-тармағының 21) тармақшасына, 4-тармағының 14) тармақшасына, сондай-ақ Қазақстан Республикасы Үкіметінің 2012 жылғы 31 тамыздағы № 1119 «Қазақстан Республикасы Білім және ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы» Қаулысына сәйкес көрсетіледі. 6. Көрсетілетін мемлекеттік қызметтің аяқталу нәтижесі – Стандарттың 5-тармағына сәйкес ЖББМ-де тегін ыстық тамақпен қамтамасыз етілгені туралы анықтаманы қағаз түрінде бере отырып (бұдан әрі - анықтама), ЖББМ-де оқушылар мен тәрбиеленушілердің жеке санаттарына тегін ыстық тамақ беру болып табылады. 7. Мемлекеттік қызмет тегін көрсетіледі. 3. Мемлекеттік қызмет көрсету тәртібіне қойылатын талаптар 8. Жергілікті атқарушы органдардың мекен-жайлары туралы ақпарат осы регламенттің 1-қосымшасында көрсетілген. 9. Мемлекеттік қызмет көрсету мәселелері мен барысы туралы ақпаратты Ақтөбе облысы әкімдігінің www.aktobe.gov.kz ресми порталынан, аудан және Ақтөбе қаласы әкімдіктерінің интернет- ресуртарынан алуға болады. 10. Мемлекеттік қызмет көрсету мерзімдері Стандарттың 7-тармағында көрсетілген. 11. Мемлекеттік қызмет көрсетуден бас тартуға негіз стандарттың 16-тармағында келтірілген. 12. Мемлекеттік қызметті алу үшін құжаттар ұсынылған сәттен мемлекеттік қызметтің нәтижесін беру сәтіне дейінгі мемлекеттік қызметті көрсету кезеңдері: 1) мемлекеттік қызметті алушы немесе оның заңды өкілі (заңды өкілдері) (бұдан әрі - алушы) ЖББМ-ге құжаттарды ұсынады; 2) орындаушы құжаттарды тіркейді, қажетті құжаттарды қабылдап алғаны жөнінде қолхат береді және құжаттарды ЖББМ директорына ұсынады; 3) ЖББМ директоры құжаттарды қарайды, шешім қабылдайды және орындаушыға жолдайды; 4) орындаушы анықтама немесе бас тартуды дайындайды және ЖББМ директорына қол қоюға ұсынады; 5) ЖББМ директоры анықтамаға немесе бас тартуға қол қояды және орындаушыға жолдайды; 6) орындаушы анықтаманы немесе бас тартуды тіркейді және алушыға береді. 4. Мемлекеттік қызмет көрсету үдерісіндегі іс-әрекет (өзара іс-қимыл) тәртібін сипаттау 13. Мемлекеттік қызмет алу үшін құжаттарды тапсыру кезінде алушыға қызметті алатын күнін көрсете отырып, Стандарттың 7 қосымшасына сәйкес қажетті құжаттарды қабылдап алынғандығы жөнінде қолхат беріледі. 14. Алушы мемлекеттік қызметті алу үшін Стандарттың 11-тармағында көрсетілген құжаттарды ЖББМ-ге ұсынады. 15. Мемлекеттік қызмет көрсету үдерісіне келесі құрылымдық-функционалдық бірліктер (бұдан әрі-ҚФБ) қатысады: 1) ЖББМ директоры; 2) орындаушы. 16. Әрбір әкімшілік іс-әрекеттің (рәсімнің) орындалу мерзімі көрсетілген ҚФБ-тің әкімшілік іс-әрекеттер (рәсімдер) реттілігінің және өзара байланысының мәтінді кестелік сипаттамасы Регламенттің 2-қосымшасында келтірілген. 17. Функционалдық өзара іс-әрекет сызбасы Регламенттің 3-қосымшасында келтірілген және ол мемлекеттік қызмет көрсету үдерісіндегі әкімшілік іс-әрекеттердің (рәсімдердің) логикалық реттілігі мен ҚФБ арасындағы өзара байланысын көрсетеді. 5. Мемлекеттік қызметтер көрсететін лауазымды тұлғалардың жауапкершілігі 18. Қабылданған шешiмдерге және мемлекеттiк қызмет көрсету барысындағы іс-әрекетке (әрекетсiздiкке) жауапкершілік Қазақстан Республикасының заңнамаларында көрсетілген тәртіпте бiлiм беру ұйымының бiрiншi басшысына жүктеледі. «Жалпы білім беретін мектептердегі білім алушылар мен тәрбиеленушілердің жекелеген санаттарына тегін тамақтандыру ұсыну үшін құжаттар қабылдау» мемлекеттік қызмет көрсету регламентіне 1-қосымша Өкілетті органдардың мекенжайлар тізбесі Ақтөбе облысының жалпы білім беретін мектептері
жүктеу/скачать 0.84 Mb. Достарыңызбен бөлісу:
|