Бөліммен 2013 жылы атқарған жұмысы туралы есеп Өсімдік шаруашылығы



жүктеу 38.03 Kb.
Дата22.02.2016
өлшемі38.03 Kb.
Бөліммен 2013 жылы атқарған жұмысы туралы есеп
Өсімдік шаруашылығы. Орал қаласының агроөнеркәсіп кешені 35 агроқұрылымдарынан құралады, оның ішінде 1-мемлекеттік кәсіпорын (сорт сынау инспектурасы), 9 - ЖШС және 25 -шаруа қожалығы.

Қала аумағында 45,8 мың га ауыл шаруашылық алқабы бар, оның ішінде:

- егістік – 22,6 мың га,

- шабындық – 2,5 мың га,

- жайылым - 9,8 мың га,

- тыңайған жер - 9,8 мың га,

- көп жылдық өсімдіктерге - 1,0 мың га.

2013 жылы қалалық аграршылармен – 13,2 мың.га жерге дәнді дақылдар егілді, соның ішінде:

- жаздық дәнді дақылдар – 8,96 мың.га,

- күздік дәнді дақылдар – 4,3 мың.га,

- майлы дақылдар – 1,4 мың.га, былтырғы көрсеткіштен 10 есе көп,

- картоп – 1053 га,

- мал азықтық дақылдар (еркек шөп) – 800 га,

- көкөніс және бақша дақылдары – 788 га.

Өткен жылы Орал қаласы бойынша ауылшаруашылығы дақылдарын жинау көлемі төмендегіні құрап отыр:

- жаздық дәнді дақылдардың 6757 га алқабынан орташа өнімділігі 5,2 ц/га, жалпы 4122 тонна өнім жиналды;

- күздік дәнді дақылдардың 2029 га алқабынан орташа өнімділігі 5,5 ц/га, жалпы 1110 тонна өнім жиналды;

- 1053 га картоп алқабынан орташа өнімділігі 156 ц/га, 16426 тонна өнім жиналды;

- 788 га көкөніс және бақша дақылдары алқабынан 28719,3 тонна өнім жиналды;

Бүгінгі күні көкөніс өсіруде ынғалсақтау технологиясы өзекті мәселе болып табылады. Өткен жылы қаланың көкөнісшілері өнімділікті көтеру мақсатында тамшылатып суару көлемі 31 га алқапта қолданылып, былтырғы жылмен салыстырғанда 4 есеге артып отыр.

Бұл озық технология әдісі қалалық аграршылармен көкөніс өсіруде әрі қарай дамып және бірнеше есе ұлғаятын болады.

Мал шаруашылығы. Орал қаласында 2014 жылғы 01 қантар жағдайы бойынша:

- ірі қара малы – 3598 бас

- ұсақ мал – 3646 бас

- жылқы – 224 бас

- шошқа – 1300 бас

- құс – 361 мың бас

Былтырғы жылдың осы кезеңімен салыстырғанда барлық түрлері бойынша мал басы санының 105 % көбейгені байкалып отыр.

Орал қаласында 9 шаруашылық мал өсіру шаруашылығымен айналысады, мал саны 1156 басты құрады, соның ішінде, 626 бас Герефорд, 73 бас Қазақтың ақбас.

Сонымен қатар қала мал өсірушілерінің ірі қара малын өсіруде негізгі бағыты етті бағыт болғандықтан, тұқымдықты асылдандыру үшін 6 бас тұқымды өндіргіш бұқалары сатып алынды. Бұл жұмыстар өз жалғасын табатын болады.

Жылыжай. Қала тұрғындарын қысқы кезеңде көкөністермен қамтамасыз ету мақсатында жалпы көлемі 5300 м2 болатын қала аумағында 5 жылыжай қызмет етеді. Соның ішінде өткен жылы жалпы көлемі 3500 м2 болатын 3 жылыжайды іске қосты.

Ағымдағы жылы Круглоозерное ауылдық округінде 8 га көлемін қамтитын көкөніс өсіретін жылыжай кешені іске қосу жоспарланған.

Аталған жылыжай кешендерінен өткен жылы 50 тоннадан астам көкөніс алынды (қияр, қызанақ және т.б. азық-түлік тауарлары).

Мемлекеттік қолдау. Өткен жылы Орал қаласы бойынша аграршыларды қолдауға берілген субсидия көлемі 184 млн. 886 мың теңгені құрады, соның ішінде мал шаруашылығына 169 млн. 970 мың теңге және өсімдік шаруашылығы саласына 14 млн. 900 мың теңге бөлінді.

2013 жылы Қазақстан Республикасының Үкіметі тарапынан 800 тонна арзандытылған әр литріне 84 тенгеден дизель отыны бөлінді.



Несиелендіру. Сонымен қатар, өткен жылы «ҚазАгро» ҰБХ» акционерлік қоғамының еңшілес компаниялары арқылы қаланың ауыл шаруашылығы құрылымдары 42 млн. 600 мың тенгеге несие алуға құжаттар толтырды.

- «Сыбаға» бағдарламасына бойынша 4,0 млн. теңге.

- «Егінжай» мемлекеттік бағдарламасы бойынша 20 млн. 700 мың теңге.

- «Бизнес-аймақтар» мемлекеттік бағдарламасы бойынша 5 млн. 500 мың теңге.

- «Жұмыспен қамту-2020» мемлекеттік бағдарламасы бойынша 19 млн. теңге.

Шегірткелерге қарсы өңдеу. Ағымдағы жылдың өнімін зиянды организмдерден сақтап қалу бағытында 2013 жылы 4000 га ауыл шаруашылығы жерлеріне үйірлі және саяқ шегірткелерге қарсы өңдеу жұмыстары жүргізілді.

2014 жылы зиянды организмдерге қарсы ауыл шаруашылығы алқаптарын өндеу көлемі 12500 га құрап отыр.



Жерлерді түгендеу. Өткен жылы маңызды тапсырмалардың бірі ауыл шаруашылығы жерлерін түгендеу болып табылады. Ол үшін қала әкімінің шешімімен арнайы жұмыс тобы құрылған болатын.

Жұмыс тобы жұмысының нәтижесінде ағымдағы жылы қаланың 7 агроқұрылымының 799 га ауылшаруашылығы жерлерін мақсатты пайдаланбай отырғаны анықталып, актілер толтырылып, құжаттары тиісті мемлекеттік мекемеге әрі қарай мемлекеттік қорға қайтару жұмыстарын жалғастыру үшін жолданды.



Өткен жылы ауыл шаруашылығы жерлерін түгендеу жұмыстары басталғалы мемлекеттік қорға қайтарылып, қайта ауылшаруашылығы айналымына 1448 га ауылшаруашылығы жерлері енгізілді. Бұл жұмыстар әрі қарай өз жалғасын табатын болады.


©dereksiz.org 2016
әкімшілігінің қараңыз

    Басты бет