1-модуль жалпы білім беретін мектептерде мемлекеттік тілді оқытудың ерекшеліктері
Сөздік қорды дамытуға арналған тапсырмалар
жүктеу/скачать 420.06 Kb. Pdf көрінісі
|
| Сөздік қорды дамытуға арналған тапсырмалар.
Төмендегідей сұрақтарды қамтитын тапсырма беруге болады: - Сөздерді үш категорияға жіктеңіз. - Берілген тізімді толықтыру үшін сөздікті пайдаланыңыз - Тізімдегі сыйлықтарды кімдерге сыйлар едіңіз? (сыйлықтар тізімі мен есімдерді жазыңыз) - Тізімде берілген сөздердің пайдасын анықтаңыз - Бір бөлмелі үйде тұрамын деп ойлаңыз. Үйге қандай заттар сатып алар едіңіз? - Қасыңыздағы жұбыңызға үш затты сипаттаңыз және олардың қандай зат екенін сұраңыз. - Мәтіннің бірінші абзацын жазыңыз. Ол бөлікке 5 зат атауын қосыңыз. - Өзіңізде бар бір заттың пайда болу тарихын айтып беріңіз. Ол сіздің қолыңызға қалай түсті? Ол зат сізде қашаннан бері бар және оны қаншалықты жиі қолданасыз? 12 Сөздік қорды меңгертуде мұғалімнің өзі де ресурс көзі ретінде қызмет атқара алады. Бұл орайда мұғалімге мынадай талаптар жүктеледі: ✓ Тіл үйрету стратегияларын жетік игеруі; ✓ Оқушы қажеттілігін анықтай білуі (тақырыптық қызығушылығынан хабардар болу, сөздік қоры мөлшерін бағамдай білуі, сынып пен жеке оқушының жылдамдық межесін бағалауы мен үйлестіруі); ✓ Мұғалімнің тікелей модель бола алуы. Мұғалім күнделікті сабақта оқушыларымен тақырыптан тыс сөйлесу барысында, олардың жағдайын сұрау барысында да ресурс көзі бола алады. Мысалы: «Қане, қарайық...», «Енді тыңдайықшы .....», «Келесі кім ?....», «Енді біз сөйлейміз....», «Біз қазір.....», «Аяқтадық па?....», «Демалысыңыз қалай өтті?», «Иә, дәл солай!», «Бұл керемет қой!», «Көңіл аудармай-ақ қойыңыз...», «Оқасы жоқ ...» деген сияқты сөз орамдарын мұғалім жиі қолданатын болса, оқушылар оларды жиі еститін болса, өздерінің сөздік қорына қосып отырады. Мұғалімнің өзі баяндап берген әңгімесі де оқушының сөздік қорын әжептеуір байытады. Алайда мұғалім әңгімелеу барысында оқушылар білетін сөздерді немесе мағынасын болжап түсіне алатын сөздерді таңдап қолданғаны жөн. 13 Сонымен қатар, оқушылардың өздері де ресурс көзі бола алады. Оқушыларды топтарға бөліп белгілі тақырыпқа білетін сөздерді жаздыру, белгілі бір әріптен басталатын сөздерді жазу, таңдаған тақырыпқа таныстырылым жасауды тапсыру, сөздердің мағынасын өз сөзімен түсіндіру оқушылардың өзара бір- біріне ресурс қызметін атқаруына септігін тигізеді. Немесе қарапайым әдіс – оқушылар «Сөз қорабын» жасап, ол қораптағы сөздерді сабақтардың арасында қайталау да өз көмегін тиігізеді. (сөздік дәптері немесе сөздер жазылған карточкалар жиынтығы). 14 жүктеу/скачать 420.06 Kb. Достарыңызбен бөлісу:
|