Кейіпкер – көркем шығармада суреттелетін оқиғаға қатысушы адам, әдеби образ.
Коммуникация – латын тілінен аударғанда «ортақ атқару», «хабарлама» деген мағына беретінін атап көрсетеді: «Кез келген коммуникацияның екі қыры болады. Мәселен, хабар таратушы – хабар алушы, жазушы – оқушы, сөйлеуші
– тыңдаушы, продуциент – реципиент, адресант – адресат.
Концептуалды қызмет – тілдік субьектілердің сөз қолданыстарының деңгейіне байланысты атқарылады.
Конститутивті қызмет – тілдік жағдаятқа байланысты жүзеге асады.
Көркем мәтін – коммуникация формасы, оған байланыс, белгі (код), меңгеру, тезаурус, дүниетаным, коммуниканттардың әлеуметтік, тарихи,
ұлттық ерекшеліктері, интенцияның (мақсат, дәлел, себеп) коммуникативті- прагматикалық қарым-қатынас талаптарына сәйкес келуі жатады.
Көркем шығарма – көп қабаттан құралатын күрделі құбылыс. Автордың дүниетанымы, ой-қиялы, өмірлік тәжірибесі, тілдік қабілеті арқылы жүзеге асқан идеясының арқасында көркем шығарма оқырман жүрегіне жетеді.
Лексикалық ая – адамның тіл арқылы жанама қызметіне қатыспайтын сөз мазмұнының құрамдас бөліктері.
Лингвокогнитивтік деңгей – тұлғаның интеллектуалдық аясын қамтып зерттеушіге тіл арқылы, сөйлеу және түсінілім процестері арқылы адамның біліміне, санасына, таным процестеріне шығуға мүмкіндік береді.
Мәтін – автордың ойын объективтеу, оның шығармашылық түпниетін жарыққа шығару, Адам мен оның әлемі жөніндегі білімдерін жеткізу үшін, аталмыш ұғым-түсініктерін автор санасынан сыртқа шығарып, өзге адамдардың да игілігіне айналдыру мақсатымен жасалады.
Метафора мен метонимия – семантикалық деривацияның арнайы тәсілдері; поэтикалық мәтіннің лингвосемиотикалық қырын танытатын лингвокогнитивтік құралдар.
Достарыңызбен бөлісу: |
