Фельдшерлік-акушерлік пункттің мейіргері, фельдшері, акушері лауазымына біліктілік сипаттамалары № ҚР ДСМ-305/2020 бұйрыққа сәйкес айқындалады

51. Фельдшерлік-акушерлік пункттің мейіргері, фельдшері, акушері лауазымына біліктілік сипаттамалары № ҚР ДСМ-305/2020 бұйрыққа сәйкес айқындалады.

52. МСАК көрсететін медициналық ұйымның жұмыс режимі демалыс және мереке күндері МСАК кезекші дәрігерлерінің жұмысын қамтамасыз ете отырып, барлық мамандар мен құрылымдық бөлімшелер үшін жылжымалы кесте бойынша сағат 08.00-ден 20.00-ге дейін белгіленеді.

Шақыруларды қабылдау МСАК ұйымының жұмысы аяқталғанға дейін 2 сағат бұрын аяқталады.

Шақыруларға қызмет көрсетуді МСАК дәрігері, қызмет көрсету аумағындағы фельдшер жұмыс күні ішінде жүзеге асырады. Көрсетілімдер болған кезде жоспарлы және шұғыл тәртіппен қызмет көрсетілетін аумақтағы (ФАП, МП) ауылдық елді мекенде халықтың шақыртуларына қызмет көрсетуді жүзеге асырады.

53. Дәрігерлік амбулаторияның (отбасылық денсаулық орталығы) медицина қызметкерлері дәрігерге дейінгі медициналық көмек, мейіргерлік күтім, МСАК, медициналық оңалту және паллиативтік көмек көрсетеді.

54. Осы Стандарттың 25-28-тармақтарына сәйкес дәрігерлік амбулаторияның мейіргері (отбасылық денсаулық орталығы) медициналық қызметтерді жүзеге асырады.

55. Осы Стандарттың 38-41-тармақтарына сәйкес дәрігерлік амбулаторияның (отбасылық денсаулық орталығы) фельдшері мен акушері медициналық қызметтерді жүзеге асырады.

56. МСАК дәрігерлері қабылдауда мыналарды жүзеге асырады:

56. МСАК дәрігерлері қабылдауда мыналарды жүзеге асырады:

1) пациентті мейірімділікпен қарсы алу;

2) пациентті сәйкестендіру;

3) пациенттің немесе оның заңды өкілінің медициналық көмек алуға ақпараттандырылған келісімін ресімдеу;

4) анамнезді және шағымдарды жинау;

5) пациентті қарап-тексеру;

6) алдын ала диагноз қою;

7) клиникалық хаттамаларға сәйкес зерттеудің зертханалық және аспаптық әдістерінен өту үшін диагностикалық зерттеулерге жолдама беру;