Тісті берілістердің бүйірлік саңылаулары

414. Тісті іліністердегі радиальдық саңылау 0,2-0,4 модуль шектерінде болады.

415. Тісті берілістердің тістеріндегі жанасу дағы жұмыстық беттің ортаңғы бөлігінде тістің ұзындығы мен биіктігі бойынша симметриялы түрде орналасады.

416. Цилиндрлік берілісті редукторларда тістердегі түйісу ізінің ұзындығы (жанасу белгісі) тістің ұзындығы бойынша 75 % кем емес және биіктігі бойынша 35-40 % кем болмайды.

Конус тәрізді 8-ші дәлдік дәрежелі тісті берілістерде жанасу белгісінің ұзындығы тістің ұзындығының 50 %-нан кем болмайды.

Бұл көрсеткіштер 9 дәлдік класты тісті берілістер үшін сәйкес 40 %-ға тең болады.

417. Иірмекті берілістерде жанасу белгісінің ең кіші өлшемдері кестеде көрсетілген мәндерден 1 мм артпайды.

418. Осьтік иірмектің (люфт) араластырғыштығы 1 мм-ден аспайды.

419. Біліктер мен осьтердің қисықтығы келесі мәндерден артпайды:

біліктің айналыс жиілігі минутына 500-ден артық болғанда 1 м ұзындығына - 0,15 мм, бірақ біліктің барлық ұзындығы бойынша 0,3 мм-ден артық емес;

біліктің айналыс жиілігі минутына 500-ден кем болғанда 1 м ұзындығына - 0,25 мм, бірақ біліктің (осьтің) барлық ұзындығы бойынша 0,8 мм-ден артық емес.

420. Бұрау немесе тереңдігі 0,05 диаметрден артық көлденең жарықтың қалдық деформациясы болған жағдайда біліктерді ауыстырылады.

421. Байланысқан түзутісті және қисықтісті дөңгелектердің бір-біріне қатысты алғанда осьтік бағытта рұқсат етілетін жылжуы олардың ендерінің 0,3-0,7 айырмасынан артық болмайды.

422. Тісті дөңгелектер және тегершіктер тістерінің қалыңдығы бойынша (бастапқы шеңбердің доғасы бойынша есептегенде) тозуы кестеде көрсетілген шектерден артқан жағдайда ауыстырылады.

423. Тістері цементацияланған тісті дөңгелектер цементация қабаты тозған кезде ауыстырылады.

424. Айналым жылдамдығы 8 м/с артық жылдамдықпен жұмыс істейтін редукторлардың жылдам жүрісті сатыларының тозған дөңгелектері парымен ауыстырылады.

425. Тісті дөңгелектер тістерінің тозу дәрежесіне байланыссыз дереу жөндеуге немесе ауыстырылуға жатады:

тістерінің бірінің түбінде қажулық жарық болған кезде;

қажулық үгілумен (питтинг) бүлінген тістердің жұмыстық бетінің ауданы – 30 %-дан, тістің жұмыстық бетінің және үгілу ойығы тістің қалыңдығының – 10 %-нан артқан кезде.

426. Тістердің ұзындығы бойынша біртекті емес тозуы байқалған кезде тісті беріліс білігінің орналасуы тексеріледі.

Цилиндрлік тісті берілістерде біліктердің параллель еместігі және қисаюы (әрбір 1000 мм ұзындығына) кестеде көрсетілген мәндерден артпайды.

427. Тықылдату арқылы немесе күпшегінде, шығырында майдың ағуы бойынша немесе дискісінде жарықтар аңғарылған тісті дөңгелектер ауыстырылады.

429. Ұсатқышты және онымен байланысқан жабдықтарды іске қосу және тоқтату тәртібі технологиялық регламентпен бекітіледі.

430. Ұсатқышты іске қосар алдында келесілер тексеріледі: жетек қайысының тартылуы, шаңға қарсы тығыздағыштың жарамдылығы және сақтандыру қондырғылары.

431. Ұсатқыштардың майының температурасы төмендеген кезде жақтық ұсатқыштардікі 35 ⁰С-тан төмен, конустық ұсатқыштардікі 25 ⁰С-тан төмендеген кезде май қыздырғыш іске қосылады.

432. Ұсатқышқа материал беруді қозғалғалмалы ұсатқыш органы номиналды теңселу жиілігіне жеткен кезде жүргізеді.

433. Шаңбасу жүйесін іске қосуды ұсатқышқа кен берумен бір уақытта жүргізеді.

434. Ұсатқышты жұмыстық кеңістігінде кен болған кезде ауысымды тапсыру және қабылдау үшін тоқтатуға рұқсат берілмейді.

435. Ұсатқыштарды пайдалану кезінде қызмет көрсетуші келесілерге қадағалайды:

1) ұсатқыштар мен қосалқы құрылғылардың барлық тораптары мен бөлшектерінің ақаусыздығын;

2) ұсатқыштың бірқалыпты тиелуін;

3) бастапқы кен мен ұсату өнімдерінің ірілігіне бақылау жүргізуді;

4) ұсатқыштың түсіру саңылауын реттеуді жүргізуді.

436. Жақты және конусты ірі ұсату ұсатқыштарына тиелетін бастапқы матеиалдың ірілігі тиеу (қабылдау) саңылаулары енінің 0,8-нен, ал орташа және ұсақтап ұсату ұсатқыштарынікі 0,85-нен артық болмайды.

437. Ұсатқыштардың техникалық күйі іріленудің шектік коэффициенті^* келесіге тең ұсатылған өнім алуды қамтамасыз етеді:

1) ірі ұсататын жақты ұсатқыштар үшін 1,7

2) ірі ұсататын конусты ұсатқыштар үшін 2,2

3) орташа ұсататын конусты ұсатқыштар үшін 2,9

4) майда ұсататын конусты ұсатқыштар үшін 3,8

438. Ұсатылмаған заттарды аңғару және тұту құрылғысы жоқ орташа және майда ұсату ұсатқыштарын жұмысқа қосуға тыйым салынады, құрылғылардың ақаусыздығын тексеру және оларды қажетті күйге келтіру технологиялық регламентке сәйкес жүргізілуледі.

439. Жұмыстық кеңістіктен ұсатылмаған заттар мен шойтастарды алып шығу жұмыстары ерекше қауіпті болып табылады және технологиялық регламентпен жүргізіледі.

440. Ұсатқыштың жұмыстық кеңістігіне 428 тармақта көрсетілген жұмыстарды орындау үшін адамдар түсетін жағдайда сақтандыру белдіктерін, жұмыс істеп жатқандарға кен кесектерінің және бөгде заттардың байқаусызда түсіп кетуін болдырмау үшін ұсатқыштың тиеу саңылауының үстіне төсегіш құрылғылары міндетті түрде қолданылады.

441. Ұсатқыштардың айналымдық сұйық майлау жүйесі үшін индустриальдық 50 майы (машиналық МҚ) ҚНжЕ 20799-75. Жалпы мақсаттағы индустриалдық май. Техническалық шарттар бойынша пайдаланылады. Орталықтандырылған қою майлау жүйесі үшін - индустриалдық ИП-1 майлағышы, ҚНжЕ 23510-79*. УНИОЛ-2 майлағышы. Техникалық шарттар бойынша пайдаланылады.

442. Егер талдау кезінде майдағы: механикалық қоспалар – 2 %-дан; судың мөлшері - 2,5 %-дан жоғары; – қышқылдық санның мәні - 1 г майға КОН 1,5 мг жоғары мөлшерде аңғарылса, онда май ауыстырылады.

443. Ұсатқыш жабдықтарды техникалық қарап, тексеру және жөндеу мерзімділігі ұйымның техникалық жетекшісі бекіткен кестемен анықталады.

444. Бір жинақтағы сынатәрізді белдіктердің ұзындықтарының айрмашылықтары 15 мм артық болмайды. Жаңа белдіктерді пайдаланылғандармен бірге қолдануға рұқсат берілмейді.

445. Сауыттық плиталардың қаттылығы Бринелль бойынша 160 - 217 бірлік шектерінде болады.

446. Сауыттық плиталардың шектік тозуы олардың алғашқы қалыңдығының 70 % артпайды.

447. Конустардың қозғалмалы және қозғалмайтын сауыттары мен корпустары, реттелетін сақиналары және табақшалары арасындағы кеңістікті құю технологиясы және оған материал таңдау технологиялық регламентпен анықталады.

2 – параграф. Жақты ірі ұсату ұсатқыштары
448. Жақты ұсатқыштарды іске қосу алғашқыдан соң келесі ретпен жүргізіледі:

1) бос жүрісте жұмыс істеу - 4 сағат бойы;

2) жүктемемен жұмыс істеу (құжаттықтан 50 % артық емес) - 8 сағат бойы;

3) толық жүктемемен жұмыс істеу - 8 сағат бойы.

449. Ұсатқыштың жұмысы жабдықтарға жалпы нәтижелерден басқа келесі нәтижелерге жеткен кезде қанағаттандырарлық деп есептеледі:

1) ұсату торабында, кергіш плиталар мен сухарьларда тарсылдаған дыбыстар, сондай-ақ тартқыштар мен амортизаторлық және тұйықтағыш құрылғыларда шықырлаған дыбыстар болмайды;

2) қозғалмалы жақтағы, шатуньдағы және артқы тіректегі сухарьдің қызуы 50 ⁰С-тан артпайды;

3) ұсату өнімдерін ҚНжЕ 7084-80. Жақты ұсатқыштар. Техникалық шарттар талаптарына сәйкес шығару.

450. Үйіп толтырылған ұсатқыштарды іске қосуға рұқсат берілмейді.

451. Сатымен іске қосу немесе арнайы жетектік қозғалтқышы жоқ жақты ұсатқышты іске қосу негізгі білік пен шатунның эксцентрикалық бөлігін жоғары күйге қойған соң жүргізіледі. Алдын-ала бұру үшін шығыр, кран немесе басқа тарту құрылғыларын пайдалануға болады.

452. Қоршаған ортаның жоғары температурасында жақтың мойынтіректері мен шатунды суыту жүйесі іске қосылады.

453. Ұсатқыш көмейін ұсатылатын материалдан электрлік қозғағышты көп рет қосу және өшіру арқылы босатуға тыйым салынады.

454. Плиталардың тіректік беттерінің жазық еместігі 1 метрге 2мм-ден артпайды.

455. Ұсататын плиталар тіректік бетімен толық жанасады, 0,2-0,3 мм-лік жергілікті саңылауларға рұқсаттама беріледі.

Өңделмеген плиталарды орнатуды 500 маркалы жылдам қататын бетон ерітіндісінде жүргізуге рұқсат етіледі.

456. Қозғалмалы жақтың жетектік білігі мен осінің көлденең күйден ауытқуы 1 м ұзындығына 0,1 мм-ден артпайды.

457. Саңылауларының қозғалысы күрделі жақты ұсатқыштардағы керме плиталары сухарьларының тіректік беттері параллельді болуы тиіс. Параллельдіктен ауытқу 1 м-ге 1,5 мм-ден артпауы тиіс.

458. Керме плиталардың тіректік беттері параллель болады. Параллельдіктен ауытқу 1 м-ге 0,5 мм-ден артпайды.

459. Керме плиталардың тіректік беттерінің және сухарьлердің астарлық салмаларының жанаспаулары 1 м ұзындыққа 0,1 мм-ге рұқсат етіледі.

460. Электрлік қозғағыш пен ұсатқыш біліктерінің параллель еместігінің рұқсат етілетін мәні 1 м-ге 1 мм-ден артық емес. Тегершіктер арықшаларының жылжытылуы 2,6 мм-ден артық емес.

461. Қозғалмалы жақтың мойынтіректеріндегі диаметрлік саңылау 0,7 мм-ден артық болмайды.

462. Кермелік сақина және негізгі біліктің мойынтірегіндегі бүйірлік қақпағындағы шығыңқы жер арасындағы, сондай-ақ бүйірлік қақпақ және сыртқы сақина арасындағы осьтік саңылау 0,3 мм-ден артпайды.

463. Шығатын саңылаудының өлшемін реттеу кезінде тұйықтайтын құрылғының серіппелерін тарту сәйкес мәнге жүргізіледі.

464. Қозғалмалы жақтың негізгі белдігі мен осінің мойынтіректеріндегі саңылауларды ұлғайтқан кезде астарлық салмалар арасындағы төсемдерді алып тастау арқылы оларды алғашқы өлшемдеріне дейін қалпына келтіруге рұқсат етіледі.

465. Қозғалмалы жақтың негізгі белдігі мен осінің мойындары рұқсат етілетін шектерден жоғары мәнге тозған жағдайда қалпына келтіру мойынды жөндеу өлшеміне дейін егеу және астарлық салмаларды қайта кұю арқылы жүргізіледі.

466. Ұсатқыштар көмейі ұзындықтары бойынша біркелкі тиелмеген (біржақты) жағдайда оларды пайдалануға тыйым салынады.

467. Сақтандыру керме плитаның беріктігін қимасын ұлғайту немесе алдын-ала есептемей және дайындаушымен келісімдемей материалын ауыстыру жолымен өсіруге рұқсат етілмейді.

468. Қызмет көрсететін адам технологиялық регламентте көрсетілген жақты ұсатқыштың болуы мүмкін ақауларын және оларды жою жолдарын біледі.