Жарақаттық шоктың емі: Жарақаттық шоктың емі: Қансырауды тоқтату, иммобилизация, науқасты абайлап тасымалдау, науқасты жылыту. Ауыру сезімін жою: наркотикалық анальгетиктер - промедол, омнопон, морфин (бас ми, кеуде және ішкі ағзалардың жарақаттары кезінде қолдануға болмайды). Наркотикалық емес анальгетиктер 4-5мл 50% анальгин, азоттың асқын тотығымен ингаляциялық анестезия. Жергілікті анестетиктермен блокада жасау - олар ауыру сезімін жоя отырып, жарақаттанған ішкі ағзалардың клиникалық көрінісін өшірмейді. Өкпедегі газ алмасуды демеп тұру - оксигенотерапия, ауа жүретін жолдардың обструкциясын жою, жасанды тыныс алдыру. ЦҚК тапшылығының орнын толтыру, микроциркуляцияны қалпына келтіру: (коллоидты полиглюкин, реополиглюкин, рефортан, стабизол, альбумин, желатиноль) және кристаллоидты (физиологиялық ерітінді, Рингер-Локк ерітіндісі, лактосол 5% глюкоза ерітіндісін қолдануға болмайды себебі жасушалардың ішіне еніп,өкпе мен мидың ісінуін шақыруы мүмкін)ерітінділердің инфузиясы, метаболикалық бұзылыстарды жою үшін - натрий гидрокарбонаты, трисамин. Қанның бөліктерін құюға көрсеткіш болғанда (жаңа мұздатылған плазма, эритроцитті масса, ЦҚК-ң 35-40% қанжоғалтқанда - тұтас қан, тромбомасса) қолданылады. Міндетті түрде, орталық веналарға (бұғана асты, мойындырық веналарына) түтік қойылады, АҚ төмен болған сайын, ерітінділерді енгізудің жылдамдығы жоғары болу керек. АҚ анықталмайтын болса, 2-3 венаға инфузия жүргізіледі, оның жылдамдығы 200-250 мл/мин болу қажет.
Достарыңызбен бөлісу: |
