СЕППЕНІ ҚОЛДАНУ Мақсаты: емдік.
Қолдану көрсетілімдері: баздануда, тершеңдікте теріні құрғату.
Дайындаңыз: сеппені, сүлгіні немесе салфетканы, суды, қолғапты, қауіпсіз жинауға және жоюға арналған контейнерді, дәрігердің ем тағайындайтын парағын (Ф-004 1/у) .
Іс-әрекет алгоритмі:
Дәрілік препаратты қолдану бойынша нұсқаумен танысыңыз.
Дәрігердің ем тағайындайтын парағына сәйкес, сеппенің жарамдылығын (атын, сақталу мерзімін ) тексеріңіз.
Пациентке емшара мақсаты мен барысын түсіндіріңіз. Пациентке ұнтақ дәрі туралы мәліметті беріңіз. Емшара жүргізуге келісімін алыңыз.
Гигиеналық деңгейде қолыңызды тазартыңыз, қолғапты киіңіз.
Пациенттің ұнтақ себетін терісі аймағын жылы сумен жуып, сүлгімен (сүрткімен) сүртіп құрғатыңыз.
Сеппесі бар ыдыстың түбін жоғары қаратып төңкеріп, сілкіген қозғалыспен бір қалыпта терінің қажетті бетіне ұнтақты себіңіз (теріге «опа» жаққандай).
Қолғапты шешіп, қауіпсіз жинауға және жоюға арналған контейнерге салыңыз. Қолыңызды жуып, кептіріңіз.
Достарыңызбен бөлісу: |
