Дипломдық ЖҰмыс 5В011200 «Химия» мамандығы Өскемен қ., 2021 ж. Қазақстан Республикасы Білім және ғылым министрлігі
Пән:химия Мұғалімнің аты-жөні:Мүслімхан Аяулым
жүктеу/скачать 2.28 Mb.
|
Қорытындылай отырып химия сабағын кіріктіріп оқытудың қысқаша үлгісін ұсындым[15,16]. Көрсетілген тақырып бойынша оқушыларда заттар олардың қасиеттері жөнінде негізгі ұғымдар мен түсініктері қалыптасады, химиялық терминдермен олардың атауларын тек қазақ тілінде емес, сонымен қатар ағылшын тілінде де меңгереді. Менің ойымша химия сабақтарын ағылшын тілінде жүргізіп, мақсат еткен межеге жету үшін бізге аянбай еңбек ету керек деп есептеймін. Қалай болғанда да бұл бағдарлама бүгінгі күннің талабы екендігі анық. Сондықтан жаратылыстану пәндерін ағылшын тілінде оқыту жаңа мағлұматтарға жол ашады. Жастар заман көшімен бірге жүре алады деген ойдамын. «Химия» пәні қоршаған ортадағы химия ғылымы түсіндіретін заңдар мен заңдылықтарды, принцип пен ережелерге бағынатын түрлі құбылыстар мен процестерді зерттеп оқытуға негізделеді. Әлемде су, ауа, топырақ пайдалы қазбалар тәрізді табиғи заттар көптеп кездеседі. Олар адамның тiршiлiк әрекетiне өте маңызды және де химия табиғат байлықтарына ұқыпты қарау қажеттiлiгiн түсiнуге мүмкiндiк бередi. Жер ресурстары мен олардың қорлары шексiз емес екендігі белгілі. Химия оқушыларға заттардың әртүрлілігі мен олардың айналуларының маңыздылығын түсінуге көмектесiп, табиғи ресурстарды ұқыпты қолдануға баулиды. Оқушылар жаңа заттарды алу мүмкіндіктеріне көз жеткізіп, қоршаған ортаның экологиялық жағдайын ағымдағы мәліметтер негізінде нақты бағалауға үйренеді. Бұл пән оқушылар дүниетанымын дамытуға үлес қосып, олардың әлемнiң ғылыми бейнесін қалыптастыруында маңызды мәнге ие. Мектепте химияны оқыту қоршаған ортада болып жатқан химиялық құбылыстар мен процестердің мәнiн түсiнуге жағдай жасап, салауатты өмiр салтын жүргiзуге жетелейді. Бұл пән оқушылардың сыни тұрғыдан ойлауын, эксперименттік және тәжірибелік дағдыларының кең спектрін дамытып, мәселені шығармашылық әдіс-тәсілдер арқылы шешуге бағдарлайды. Химияны оқу арқылы оқушылар стандартты лабораториялық құрал-жабдықтар мен эксперименталды амал-шарттардың іс-жүзінде қолданылуын түсінеді. Қоғам дамуына байланысты бүгінгі таңда оқушылардың бойында тиімді қарым-қатынас жасау дағдыларын дамыту және халықаралық деңгейдегі жоғарғы оқу орындарына түсуге қолдау көрсету мақсатында лингвистикалық құзыреттіліктерді қалыптастыруды көздейді. Осы мақсатқа жету үшін орта мектептер қос тілде кіріктіре білім беру саясатын жүзеге асыруға ат салысуда. Орта мектептерінде қос тілде білім беру саясаты тілдерді оқыту әдіс-тәсілдерін, тілдік және өзге пән мұғалімдерінің рольдерін белгілейді[17]. Мұғалімдер оқушылардың бойында бұл қасиеттерді әртүрлі оқыту стратегиялары арқылы қалыптастырады және дамытады деп күтілуде. Олардың ішіне мыналар кіреді: оқушылардың жеке пікірін тыңдай білу, олардың алдында меңгерген білімдері мен түсініктерін дамыту үшін оны қолданудың маңыздылығын құптау; жүйелі түрде іріктелген тапсырмалар мен іс-әрекет түрлері арқылы оқушыларды ынталандыру және ауқымды оқыту; міндеттерді шешу әдіс-тәсілдерін оқушыларға түсінікті жолмен құру және көрсету; оқушылардың білім алуын бағалау арқылы қолдау; оқушылардың зерттеу жұмыстарын жүргізуіне және зерттеу әдіс–тәсілдеріне негізделген белсенді оқытуды марапаттау; оқушылардың сыни тұрғыдан ойлау дағдыларын дамыту; сынып жұмысының жеке, топтық және жалпы сыныптық үйлесімді барлық жұмыс түрлерін ұйымдастыру. «Химия» пәнін оқытуда қолданылатын педагогикалық әдіс-тәсілдер: мұғалімнің демонстрация мен оқушылардың лабораториялық жұмыстарды орындауы; проблеманы жобалау және жеке тәжірибелерді қою арқылы зерттеу; оқушының түрлі ақпарат көздерінен бүгінгі проблемалар жайлы мәліметтер жинақтауы, синтезді жүзеге асыруы, алынған мәліметке баға беруі және қорытынды шығаруы; химияны түсіну және түсіндіру үшін теория мен модельдерді қолдану; жаратылыстану-ғылыми құбылыстарды сиптаттау, түсіндіру және болжау; теориялық модельдерді түсіну және олардың мүмкіндіктерін ескере отырып, олармен жұмыс жасау; ойын/модельдеуді қолдану; пікірталастар мен дебаттар өткізу; Пән оқытушыларының қос тіл саясатына сәйкес оқушылардың тілдерді меңгеруін қолдауы. Пән мазмұнын оқытуды қолдау үшін пән мұғалімдері, пәнге қатысты оқушылардың ғылыми тілді меңгеруіне назар аударады. Мұғалім әр сабаққа арналған тілдік мақсаттарды анықтайды. Мысалы, оқушылар ауызша түрлі заттардың, мысалы металл немесе бейметалл қасиеттерін сипаттап, ол жайлы не білетіндіктерін жазып бере алады. Пән мұғалімдері оқушылардың ғылыми тілді қолдануына назар аударуы және олардың тілдік жетістіктерін бағалауына қолдау көрсетуі тиіс. Оқушылардың пән мазмұны мен тілді қолдануын дамыту мақсатында оларды жүйелі және ұйымдастырылған түрде диалог пен жазылымға қажетті сөз тіркестерінен тұратын тілдік тірекпен қамтамасыз ету керек. Мұғалімдердің пән арқылы оқушылар бойында тыңдалым, айтылым, оқылым және жазылым дағдыларын жоғары деңгейде дамыту көзделеді. Оқушылардың көп тілде кіріктіре оқыта білімдерін қалыптастырудың әдістемелік жолдарын құру алдында психологтардың, дидактардың, әдіскерлердің зерттеу нәтижелерін зерделеу арқылы біздің зерттеуімізде оқушылардың білімдерін қалыптастыруға арналған тәсілдерді іріктеуде пайдаландық. Оның негізінде кіріктіре оқытуды іске асырудың жүйесі және нәтижеге жету жолы қарастырылады. Кіріктірілген бағдарламаға сай, пәндік және тілдік мақсатты ескере отырып, кіріктірлен сабақ жоспарлары мен оқушының күтілетін нәтижеге жету талаптарына негізделген қалыптастырушы бағалау жұмыстары құрылады. Пән мен тілді кіріктіре оқыту мәселерін қарастыру кезінде алыс және жақын шетел ғалымдарының бұл мәселемен айналысқандықтарын көре отырып, олардың еңбектерімен танысып,талдау жасай отырып, әдістемелік моделімізге CLIL(Content and language integrated learning) әдісін зерттеуімізге тірек еттік. Сабақ жоспарының құрылымы тіл мен пәнді кіріктіре оқытуда қолданылатын осы әдістің 4 қағидатына негізделіп құрылуы ұсынылады. Бағалау оқушының мақсатқа жету жолындағы жетістік критерийлерін орындау сапасына сай критериалды бағалау жүйесімен анықталынады. Мұғалімнің әдістемелік жүйені тиімді қолдануына қарай нәтижесінде оқушыда пәндік, тілдік және жан-жақты дағды, құзіреттіліктері қалыптасады[18]. Осының нәтижесінде кіріктірілген білім беру моделін құрастыруға болады (6-кесте). Кесте 6 Химиядан 8 сыныпта кіріктірілген білім беру моделі
жүктеу/скачать 2.28 Mb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||