Дипломдық ЖҰмыс (жоба) Күндізгі оқу бөлімінің курсанты Ж. Н. Жолдасбеков
ТОЖҚҚ техникалық қызмет көрсету жүйесін ұйымдастыру
жүктеу/скачать 281.58 Kb.
|
| 4.2 ТОЖҚҚ техникалық қызмет көрсету жүйесін ұйымдастыру
Пайдалану үдерісінде ТОЖҚҚ жарамды күйде ұстау үшін техникалық қызмет көрсетілуі қажет. Жалпы техникалық қызмет көрсетуді орындау ережесін белгілі бір бұйым түріне пайдалану жөніндегі дайындаушы зауыттың басшылығы белгілейді. Пайдаланылатын ТОЖҚҚ негізгі түрлеріне техникалық қызмет көрсету тәртібі мен ұстауға қойылатын талаптар 6-қосымшада жазылған. Осы Ережеде жазылмаған ТОЖҚҚ техникалық қызмет көрсету және ұстау тәртібі, сондай-ақ өзге де түрдегі тексеру аспаптары ҚР ТЖМ ӨҚҚК келісілгеннен кейін пайдалану жөніндегі зауыт нұсқаулығына сәйкес болуы қажет. Техникалық қызмет көрсету жүйесі, әдетте, мыналарды: 1) жауынгерлік тексеріс; 2) №1, № 2, № 3 тексерістер; 3) тазалау және дезинфекциялау; 4) ағымдық жөндеу жүргізуді қарастырады. ТОЖҚҚ техникалық қызмет көрсету жөніндегі жұмысты орындау 7-қосымшаға сәйкес № 1, №2 және № 3 тексерістерді тіркеу журналдарына жазылады. №3 тексеріс пен жөндеу нәтижелері 5-қосымшаға сәйкес сондай-ақ ТОЖҚҚ есепке алу карточкасына жазылады. № 3 тексеріс барысында жүргізілген № 2 тексеріс пен ағымдық жөндеу нәтижелері № 3 тексерісті тіркеу журналына жазылады. ТОЖҚҚ негізгі тораптары мен тетіктерін бөлшектеуді қажет етпейтін жауынгерлік, № 1, № 2 тексерістер мен тазартуды егер дайындаушы зауыт немесе ГТҚҚ Тәлімдемесінде өзгеше көрсетілмесе, ТОЖҚҚ бекітілген газ-түтіннен қорғаушы тікелей жүргізеді. Жауынгерлік тексеріс жүргізуді ұйымдастыру Жауынгерлік тексеріс - өрт сөндіру және авариялардың зардаптарын жою жөніндегі қойылған міндеттерді тікелей орындау алдында тораптар мен тетіктердің жарамдылығы мен дұрыс жұмыс істеуін (іс-әрекетін) жедел тексеру мақсатында жүргізілетін ТОЖҚҚ техникалық қызмет көрсету түрі. Оны ТОЖҚҚ әрбір тікелей іске қосу алдында ГТҚҚ звеносы командирінің басшылығымен (қарауыл бастығы, бөлімше командирі, мақсаты бойынша) белгіленген ретпен тыныс алу аппаратының (ООГ) иесі орындайды. Звено командирі өз әрекеттерінің дұрыстығын дербес бақылайды. Жауынгерлік тексеріс реті 6-қосымшада келтірілген. Тексеріс бір минуттан аспауы керек. Тексерілген ТОЖҚҚ жарамдылығы және оны іс қосуға дайындығы туралы газ-түтіннен қорғаушы ГТҚҚ звеносының командиріне баяндайды. №1 тексерісті жүргізуді ұйымдастыру №1 тексеріс – Газқағардың (тыныс алу аппаратының) тораптары мен тетіктерін пайдалану, дұрыстығын тексеру және дұрыс жұмыс істеуін (іс-әрекетін) тексеру үдерісінде ТОЖҚҚ тұрақты қолдау мақсатында жүргізілетін техникалық қызмет көрсету түрі. Қарауыл бастығының (өрт сөндіру қызметінде аға ауысым кезекшісінің) басшылығымен – егер ТОЖҚҚ пайдалану қарауыл қызметін өткеруден (жауынгерлік кезекшіліктен) бос уақытта қарастырылса, тікелей жауынгерлік кезекшілікке түспес бұрын, өртте немесе сабақтарда қолданылғанның орнына алынған тыныс алу аппаратын жауынгерлік есепке қоймас бұрын кезекшілік барысында, сондай-ақ таза ауада және тыныс алуға жарамсыз ортада жаттығу сабақтарын өткізу алдында тыныс алу аппаратының (ООГ) иесі жүргізеді. Тексерістердің нәтижелері № 1 тексерістерді тіркеу журналына жазылады. Резервте тұрған ТОЖҚҚ тексеруді № 1 тексерістерді тіркеу журналына жаза отырып, бөлімше командирі жүргізеді. Кезекші қарауылда тексеріс қарауыл бастығының бақылауымен жүргізіледі. Жаттығу жүргізу алдында – сабақ жетекшісінің бақылауымен. Қызметі оларға бекітілген ТОЖҚҚ тікелей мақсаты бойынша қолдануды көздейтін өрт сөндіру қызметінің, басқару органдарының, бөлімшелердің, мекемелердің лауазымды тұлғалары тексерісті олардың жеке қорғану құралдары бекітілген ГТҚҚ бақылау бекетінде орындайды. №2 тексерісті жүргізуді ұйымдастыру №2 тексеріс – пайдалану және сақтау үдерісінде ТОЖҚҚ жарамды күйде және дайындықта тұрақты ұстауға бағытталған, оларға техникалық қызмет көрсету түрі. ТОЖҚҚ-ны пайдалану үдерісінде № 3 тексерістен (тек ООГ үшін), зарасыздандырудан, жөндеуден, регенеративті патрондарды ауыстырғаннан, ГТҚҚ (белгілі бір) газ-түтіннен қорғаушыға бекіткеннен кейін, сондай-ақ егер ТОЖҚҚ жыл бойы қолданылмаса, айына бір рет (тек ООГ немесе тыныс алу аппараттары үшін дайындаушы зауыт ай сайын тексеруді белгілеген) ТОЖҚҚ қызмет көрсетудің түрі, ол тұтыну және сақтау кезінде (процесінде) жақсы жағдайда және дайындықта ұстауға бағытталған. №3 тексеру өткеннен, дезинфекция, жөндеу, регенеративтік патрондарды ауыстырғаннан кейін, сондай-ақ оларда жұмыс істегеннен кейін жүргізіледі. №2 тексерісті қарауыл бастығының (өрт сөндіру қызметінде аға ауысым кезекшісінің) немесе орталықтан қызмет көрсету кезінде (дайындаушы зауыттың талаптарына сәйкес) ГТҚҚ аға шеберінің (шеберінің) басшылығымен ТОЖҚҚ иесі жүргізеді, бұл жағдайда ГТҚҚ базасынан алынған тыныс алу аппараты бар бекітілген маскаға №1 тексеріс қана жүргізіледі. № 2 тексеріс нәтижелері № 2 тексерістерді тіркеу журналына жазылады. Резервтегі ТОЖҚҚ №2 тексерісті бөлімше командирлері кезекші қарауыл бастығының, ал орталықтандырылған қызмет кезінде ГТҚҚ аға шеберінің (шеберінің) басшылығымен жүргізіледі. Кезекші қарауылдардың (кезекші ауысымдардың) құрамына кірмейтін басқару органдарының, бөлімшелердің, мекемелердің лауазымды тұлғалары №2 тексерісті олардың ТОЖҚҚ бекітілген ГТҚҚ бақылау бекетінде, ГТҚҚ аға шеберінің (шеберінің) бақылауымен дербес жүргізеді. №3 тексерісті жүргізуді ұйымдастыру №3 тексеріс - белгіленген күнтізбелік мерзімде, толық көлемде және тиісті кезеңмен, бірақ жылына бір реттен кем емес жүргізілетін техникалық қызмет көрсету түрі. Пайдаланудағы және резервтегі, сондай-ақ тазарту мен дезинфекциялауды қажет ететін барлық ТОЖҚҚ тексеріледі. Оқшаулағыш газқағарлар мен сығылған ауасы бар тыныс алу аппараттарын №3 тексеру бөлек жұмыс үстелдерінде белгілі бір бұйымға пайдалану құжаттамасында белгіленген талаптарға сәйкес жүргізіледі. Тораптар мен (немесе) бөлшектерді ауыстыру бұйымның есепке алу карточкасында жазылады. Жаңа ТОЖҚҚ үшін №3 тексеріс белгілі бір бұйым түріне дайындаушы кәсіпорын белгілеген кепілдеме қызмет мерзімі аяқталғаннан кейін алғаш рет жүргізіледі. ТОЖҚҚ-ны №3 тексеріске техникалық қызмет көрсетудің жылдық жоспар-кестесіне сәйкес басқару органы, бөлімшелер, мекемелер ұсынады. ТОЖҚҚ-ны №3 тексеріске қабылдау және тексеру жүргізілгеннен кейін пайдаланатын басқару органына, бөлімшеге, мекемеге беру туралы деректерді ГТҚҚ аға шебері (шебері) №3 тексерістерді тіркеу журналына енгізеді. Тазарту мен дезинфекциялау жүргізуді ұйымдастыру Тазару және дезинфекциялауды ГТҚҚ базасының аға шеберімен (шеберімен) нақты бір өнімнің пайдалану құжаттамасында белгіленген бірізділікпен келесі жағдайларда жүргізіледі: консервациялаудан шығарғаннан кейін; №3-тексеруді жүргізгеннен кейін; инфекциялық ауру айқындалуына байланысты дәрігердің ұйғарымы бойынша; ООГ, сондай-ақ басқа тұлғамен тыныс алу аппаратының өң жағын пайдаланғаннан кейін және оның құтқару құрылғысымен әр пайдаланнған сайын; ООГ, сондай-ақ тыныс алу аппаратының өң бөлігін резервке қойғанда: сақтауға қойғанда. ТОЖҚҚ дезинфекциялау үшін өңделген этил спирті және басқа да медицина да қолданылатын дезинфекциялау құралдары қолданылады (егер басқасы ТОЖҚҚ пайдалану жөніндегі нұсқаулықта қарастырылмаған болса): (6 %) сутектің асқын оксидтер ерітіндісі; (0,5 %) марганецті калий ерітіндісі Этил спиртінен басқа, жоғарыда аталған ерітінділерді қолданып дезинфекция жасалғаннан кейін маска сумен жуылады және пайдалану жөніндегі нұсқаулықта белгіленген температуралық режимде жылы ауада кептіріледі. Дезинфекциялау үшін органикалық іріткіштерді пайдалануға жол берілмейді. Ағымдағы жөндеу жұмысын жүргізуді ұйымдастыру Жөндеу дегеніміз - ТОЖҚҚ және (немесе) оның жеке элементтерін қалпына келтіру үшін орындалатын операциялар жиынтығы. Жөндеу ұсақ ақауларды жоюда, тұтыну сипаттамаларын ауыстыру қалпына келтіру жолымен және (немесе) жеке тораптар мен бөлшектерін қалпына келтіруде, параметрлерін реттеу және тиісті техникалық қызмет көрсету түрлерін өткізуді қамтиды. Ақаулар анықталған жағдайда ТОЖҚҚ пайдалану тоқтатылады, олар жауынгерлік есептен алынады және ГТҚҚ базасына беріледі. Пайдаланудан алыну және ГТҚҚ базасына өткізу белгіленген тәртіпте құжатпен рәсімделеді. №1- және №2-тексерулер барысында ақаулықтар табылған жағдайда ТОЖҚҚ «№1 тексеру журналына» «жарамсыз» деген және «№2 тексеру журналына» «(нақты ақаулық) себебінен» деген жазу басылып, жауынгерлік есебінен алынады және ГТҚҚ базасына жіберіледі. Газ түтіннен қорғаушыларға ТОЖҚҚ жұмыс параметрлерін жөндеу және реттеу жұмыстарын өздігінен орындауға тыйым салынады. Қабылдау-тапсыру ақаулығы 8-қосымшаға сәйкес тапсырушы мен қабылдаушының қолымен көрсетіліп, актіде белгіленуі тиіс. Тапсыру және қабылдаушылардың ақаулықты көрсете отырып, қол қойылған актіде тіркеледі. ТОЖҚҚ-ны №3-тексеруге, жөндеуге тапсыруды қызмет жөніндегі бөлімше бастығының орынбасары немесе газ-түтіннен қорғау қызметіне жауапкершілік атқаратын қарауылдың бастығы жүргізеді. Ал №2-тексеру орталықтандырылған тексеру жүргізген жағдайда (ГТҚҚ шеберлерімен) аға инженер немесе ауысымдағы кезекші қарауылдың бастығы (кезекші ауысымның жетекшісі) жүргізеді. ТОЖҚҚ-ны жөндеуге қабылдағаннан кейін ГТҚҚ аға шебері (шебері) ағымдағы жөндеу кезінде жұмыс көлемін анықтау мақсатында және жөндеудің сапасын бағалау үшін бастапқы мәліметтерді алу үшін бұйымының алғашқы диагностикасын өткізуді ұйымдастырады және жүргізеді. Көрсетілген кемістік бойынша жөндеу жұмысын жүргізумен қатар барлық қосымша айқындалған бұзылулар мен ақаулар жойылады. Егер көрсетілген ақаулықтар пайдалану жөніндегі құжаттарда баяндалған әдістермен жойылмаса немесе ТОЖҚҚ кепілдікте болса, дайындаушы ұйымның сервистік қызметіне жүгіну қажет. ГТҚҚ аға шебері (шебері) №3 тексеру жүргізу кезінде пайдалану жөніндегі құжаттарға қойылатын талаптардың орындалуын, қолданылудағы материалдардың сапасы мен бұйымдардың жинақтылығын қамтамасыз етеді. ТОЖҚҚ жөндеу аяқталғаннан кейін, бұйымның пайдалану жөніндегі құжаттамасымен белгіленген жұмыс өлшемдерін бақылау үшін № 2 тексеруге жатады. ТОЖҚҚ жөндеуге қабылдау туралы және жөндеуден кейін пайдаланып жатқан басқару органына, бөлімшеге беру туралы мәліметті ГТҚҚ базасының аға шебері (шебері) № 3-тексерістерді тіркеу журналына енгізеді. ТОЖҚҚ жөндеуге және техникалық қызмет көрсетуге тапсыру-қабылдау тәртібі Бұйымдарды № 3-тексеруге тапсыру мерзімі олардың іс жүзіндегі техникалық жағдайына байланысты ағымдағы жөндеу жұмысын жасауға арналған жылдық кестемен белгіленеді. Орындауға тапсырылған және қабылданған жұмыстар келісілгеннен кейін өнім ГТҚҚ базасымен жөндеу жұмысын жүргізуге қабылданады. Жөндеуді жүргізу бойынша жұмыстардың басы болып, ТОЖҚҚ ақаулығы туралы актіге қабылдаушы және тапсырушы жақтардың қол қойылған күндерінен басталады. Базаның аға шебері (шебері) өнімді тексеруге (жөндеуге) қабылдағаннан кейін, жұмыстың сапалы түрде орындалуына, талап етілетін сапамен тексерісті және жөндеу жұмыстарын жүргізуге тапсырыстарды, ережелері мен талаптарын орындаудың белгіленген мерзімдерін сақтауға жауапты болып табылады. Ол өз бетімен бұзылған бұйымдарды зерттеу әдістерін таңдауды, себептерінің талдауы мен ақаулықтың туындау жағдайларын, бұйымның жұмысқа қабілеттілігін қамтамасыз етеді. Тексеріс жүргізуге немесе жөндеу жұмысын жүргізуге жұмыс орындарын дайындайды. Бақылау-диагностикалық және жөндеу жұмыстарын жүргізудің нәтижелерін ГТҚҚ базасының аға шебері (шебері) тиісті тексерістерді тіркеу журналына және бұйымының тіркеу кәртішкесіне жазады. № 3 тексеру және жөндеу жүргізу кезіндегі жұмыстың жүргізілу нақтылығы ГТҚҚ базасы аға шеберінің (шебері) қолымен № 3 тексерістерді тіркеу журналындағы басқарма, бөлімше, мекеменің пайдаланып отырған органы өкілімен расталады. ГТҚҚ базасының сапасыз орындалған жұмысына келіспеушіліктер басқарма, бөлімше, мекемелердің пайдаланып отырғандарының басшыларымен тіркеуге, қарауға және тиісті шаралар қолдау үшін газ-түтіннен қорғау қызметінің бастығына жіберіледі. Пайдалану жөніндегі нұсқаулықта баяндалған ережелер иесімен сақталмаған жағдайда, пайдаланудың кепілдік мерзімі аралығында бұйымның тапсырылған техникалық сипаттамалары мен пайдалану құжаттамасының талаптарына сәйкес келмеуіне келіспеушілік көрсету қолданыстағы келіспеушілік (наразылық) көрсету тәртібіне сәйкес рәсімделеді және бұйымды шығарушы ұйымға жіберіледі. жүктеу/скачать 281.58 Kb. Достарыңызбен бөлісу:
|