Дипломдық ЖҰмыс (жоба) Күндізгі оқу бөлімінің курсанты Ж. Н. Жолдасбеков
ГТҚҚ базасында жұмыс істеу кезінде техника қауіпсіздігі талаптары
жүктеу/скачать 281.58 Kb.
|
| ГТҚҚ базасында жұмыс істеу кезінде техника қауіпсіздігі талаптары
ТОЖҚҚ-ға және арнайы қорғау киім-кешекке техникалық қызмет көрсеткенде және жөндегенде Қазақстан Республикасы Ішкі істер министрлігі Төтенше жағдайлар комитеті өртке қарсы бөлімшелерінде қолданыстағы және бұйымдардың пайдалану жөніндегі құжаттамаларында баяндалған нұсқаулықтарды, нормаларды, еңбек қауіпсіздігі және еңбекті қорғау ережелерін нұсқаулыққа алу қажет. ТОЖҚҚ өрт сөндіру автомобилдерінде( кемелерде) тасымалдау. 1) кезекші қарауылдардың (ауысымдардың) жеке құрамына бекітіліген ТОЖҚҚ өрт сөндіру автомобильдерінде (кемелерде) тік немесе көлденен күйінде, бекітпе арматурасын (бұрама) сыртқа қаратып, арнайы жабдықталған ұяларда орналастырылады және тасымалданады және сыртқа шығып кетуден арнайы бекітпелермен бекітіледі. Тыныс алу аппараттарының маскалары ұяшықтары бар арнайы жабдықталған жәшіктерде орналастырылады. Механикалық зақымданудан сақтау үшін ұяшықтың түбі мен қабырғаларына соққыны бәсеңдеткіш материалдармен қапталады. 2) Өрт сөндіру автомобилі (кеме) резервтегі маскасы бар жиынтықта бір резервті ТОЖҚҚ-мен жабдықталады. 3) Өрт сөндіру автомобилдерінде (кемесінде) алып жүретін әрбір тыныс алу аппаратында ауасы бар бір резервтік баллон (баллондар жиынтығы) қарастырылуы тиіс. Резервте тұрған баллондардың басындағы бұрамасында міндетті түрде бұқтырмасы болуы тиіс. 4) Өрт сөндіру автомобилінде (кемеде) алып жүретін әрбір оқшаулау газ қағарға оттегі бар бір-бір баллон және регенераторлы патрон, сондай-ақ оларды ауыстыру құралдары қарастырылады. Резервтік регенеративті патрондарды және оттегі (ауа) бар баллондарды тасымалдау бұралған қалпақтарымен (бекітпелері) жүзеге асырылады, ал регенеративті патрондарға сонымен қатар пломба салынады. 5) Баллондар мен регенеративті патрондар түбі мен қабырғалары соққыны бәсеңдететін материалмен қапталған арнайы жасалған ұяшықтары бар жәшіктерде орналасады. Тасымалдау кезеңінде жәшіктер мөр салынып, сыртқы бетіне белгі орнатылады: әрбір регенеративті патронға - патрон нөмірі, патронды жарақтандыру және химиялық жұтқыштың шығарылған (соңғы сынау) күні, патронның салмағы жазылады. 6) Алып жүретін өрт сөндіру жабдығының табеліне енгізілген, арнайы қорғау киім-кешек жиынтығы өрт сөндіру автомобильдерінде (кемелерде) буып түю сөмкелерінде болады. Сақтағанда және тасымалдағанда тасымалдау ережелерін сақтау және оларды дымқылданудан, ластанудан және механикалық зақымданулардан сақтау қажет. 7) ТОЖҚҚ резервті регенеративті патрондарына, тыныс алу аппараттарының құтқару құрылғылары мен өздігінен құтқарушыларына сыртқы ауаның жағымсыз температурасының әсерін болдырмау үшін әдеттегідей, олар өрт сөндіру автомобилінің жауынгерлік есеп кабинасында орналастырылады. ГТҚҚ бақылау бекетінде жұмыс жасау және ТОЖҚҚ қызмет көрсету барысындағы қауіпсіздік шаралары 1. ГТҚҚ бақылау бекеті (бұдан әрі бекет) жеке бөлмеде орналасады; 2. Бекет бөлмесінің есігі құлыпқа жабылуы тиіс, кілт қарауыл бастығында (кезекші ауысым жетекшісінде) болады, кілттің екінші комплектісі ББП сақталады; 3. Бекет ішіндегі ауа температурасы 15–20 0С аралығында болу тиіс, ауының ылғалдылығы 65%-дан артық болмау керек; 4. Бекетті жарықтандыру санитарлық нормалардың талаптарына сәйкес болуы керек; 5. Бекет ішіндегі терезелер тікелей күн сәулесі түспес үшін пердемен жабық болуы керек немесе терезе шынысы боялған болуы тиіс; 6. Бекет бөлмесінде тазалық сақтау керек. Бекет ішінде темекі шегуге тыйым салынады; 7. Бекеттің барлық электр аспаптары ақаусыз және электр аспаптарын пайдалану және қауіпсіздігі ережелерінің талаптарына сәйкес болуы тиіс, ақаусыз штепселдік ағытпа мен сөндіргіш арқылы қосылып, жерге қосылуы керек. Электр жабдықтарын жөндеуді тек аталған жұмыстарды орындауға арнайы рұқсатнама алған тұлғалар ғана жүргізе алады; 8. ТОЖҚҚ тексеруін тек бекітілген газ-түтіннен қорғаушы ғана жүргізе алады (резервті – бөлімше командирлері), қарауыл бастығының басшылығымен (кезекші ауысым жетекшісінің); 9. Ақаулық анықталған кезде ТОЖҚҚ есептен алынып, ГТҚҚ базасына жіберіледі (бұл жөнінде ТОЖҚҚ тексерісін тіркеу журналында жазба жүргізіледі және ТОЖҚҚ ақаулығы жөнінде Акт жасалады). Газ-түтіннен қорғаушыға өз еркімен ТОЖҚҚ жөндеп, жөнге салуына тыйым салынады; 10. абдықталған, бос және ақаулы регенеративті патрондар, сондай-ақ толтырылған және бос оттегі (ауа) баллондары бітеуішпен, ал жабдықталған регенеративті патрондар пломба салынып сақталады; 11. Оттегі (ауа) баллондарын жылудың қыздыратын көздерінен (ысытатын аспаптар, жылыту радиаторлары, пеш), сондай-ақ күн көзінен алшақ жерде сақтау керек; 12. ТОЖҚҚ техникалық қызмет көрсету үшін қолданатын құрал-сайман мен ескі заттар таза, майсызданған (майдың дағы жоқ) болуы керек. Газ түтіннен қорғаушылардың киімі майлы болмау керек, қолы сабынмен жуылуы тиіс; 13. ТОЖҚҚ қызмет көрсететін құрал-сайман механикалық ақаусыз және жарықсыз болуы керек; 14. Білте ретінде жуылған мақталы-қағаз матадан жасалған бумаларды пайдалануға болады; 15. Білтені жандыру үшін электр тұтатқыш, сөндіру үшін қақпағы бар арнайы жанбайтын футляр қолданылады; 16. ТОЖҚҚ бөлшектері мен тораптарын сабын қосылған жылы сумен жуу керек, бұл мақсатта ащы сұйықты пайдалануға болмайды (сілті, еріткіш, ацетон, бензин және т.б.); 17. ТОЖҚҚ бөлшектері мен тораптарын кептіру температурасы 500С аспайтын ауада жүргізіледі; 18. ТОЖҚҚ металл бөлшектері мен бұрандалы қосылған жерлерін қандай да болмасын маймен майлауға болмайды; 19. Баллондағы оттегі мен ауаның бар болуын қосылған манометрсіз вентилді ашу жолымен тексеруге тыйым салынады; 20. Баллонның вентилі ашық болған кезде ТОЖҚҚ оттегі мен ауа баллонын қосатын гайканы бұрауға болмайды; 21. Газқағарды жауынгерлік есепке алған кездегі баллондағы оттегі қысымы 15,7Мпа (160 кгс/см2) кем болмауы тиіс; 22. Тыныс алу аппаратын жауынгерлік есепке алған кездегі баллондағы ауа қысымы 24,5Мпа (250 кгс/см2) кем болмау керек (жұмыс қысымы 29,4Мпа (300 кгс/см2) және 15,7Мпа (160 кгс/см2) тыныс алу аппараттары үшін (жұмыс қысымы 19,6Мпа (200 кгс/см2) тыныс алу аппараттары үшін); 23. Реометр-манометрмен жұмыс жасаған кезде U-тәріздес түтікке тазартылған немесе химиялық тазартылған суды құю керек, түтіктің сынуы және қолдың жарақатына әкеліп соғатын қатты соққыларды болдырмау керек. Оттегі және ауа баллондарын толтыру кезінде компрессорлы жабдықпен жұмыс істеу тәртібі 1) Тыныс алу аппараттарының шағын литражды баллондарын ауамен толтыру ГТҚҚ базасының ауамен толтыру пунктерінде жүргізіледі. Толтыру екі негізгі сызба бойынша жүргізіледі: баллондарды жоғары қысымды компрессорлық, құрылғымен (ауаны тазалау және кептіру сүзгісі бар) толтыру; ауаны көліктік баллоннан тығыздағыш компрессормен одан әрі жұмыстық қысымға дейін тығыздаумен шағын литражды баллонға қайта жіберу. 2) Көліктік баллондар таза атмосфералық ауамен 14.7 МПа қысымға дейін толтырылады. тығыздалған ауаны тазалайтын және кептіретін сүзгісі бар ауа компрессоры құрылғысымен: ОКН-М оттекті кептіргішімен бірге КР-2 үлгісіндегі ауа компрессорымен немесе ауа тазалаудың талап етілген деңгейін қамтамасыз ететін басқа да кұрылғылармен (1-кесте). 3) Ауаны тазалау және кептіру блоктарын орнатқан кезде мынадай талаптар орындалуы керек: компрессордың өнімділігі тазалау және кептіру блогінің жұмыстық қысымынан артпауы тиіс; өтетін ауаның қысымы тазалау және кептіру блогінің жұмыстық өткізу қабілетінен артпауы тиіс; пайдалану процесінде зиянды қоспалардың өтіп кетуін болдырмау мақсатында тазалау және кептіру блогі жұмысының ұзақтығын (уақыт бойынша немесе толтырылған баллондардың саны бойынша) ескеру қажет. Сүзгіш құрылғының жұмыс уақыты мен толтырылған баллондардың саны ауа тазарту сүзгішінің жұмысы есебінің журналында тіркеледі. 4) Тыныс алу аппараттарының баллондары, сондай-ақ көліктік баллондар қоспалар мен ылғалдық құрамы 1-кестеде көрсетілген шамадан аспауға тиісті таза атмосфералық ауамен толтырылуы керек. 1-кесте
5) Ауаның сапасын: компрессорлық қондырғыны және ауаны тазалау және кептіру сүзгілерін пайдаланудың алдында; компрессорды жөндегеннен кейін; сузгінің құрамдас бөліктерін ауыстырғаннан кейін; газ-түтіннен қорғаушылардың тарапынан ауаның сапасына шағым болған кезде тексеру қажет. Ескерту: Компрессорлық қондырғыларды ауаны лабораториялық талдаусыз пайдалануға тыйым салынады. 6) Ауаның сапасына, онда зиянды қоспалардың болмауына бақылауды тиісті қорытынды (сертификат) ресімдей отырып, жергілікті санитарлық-эпидемиологиялық стансалар, кәсіпорынның өнеркәсіптік-санитарлық лабораториялары және т.б. жүргізуі тиіс. Талдауға арналған ауаның сынамасы сүзгіштен кейін компрессор штуцерінен алынады. 7) Сығымдалған ауадан құрамы көрсетілген мәнінен жоғары қоспалар табылған кезде бұзылу себебін анықтап, жою, бұдан соң ауаға талдау жүргізу қажет. 8) Компрессорлық қондырғыны монтаждау кезінде 8x1,5, 9x2 немесе 10x2 мм диаметрлі қызыл мыс құбырша қолданылады. 9) Жаңа ауа баллондарын толтырған кезде немесе толтыру үшін келіп түскен баллондарда ауаның қалдык. қысымы болмаған кезде оларды ауамен шаяды. Ол үшін әрбір баллон 4-5 МПа қысымға дейін ауамен толтырылады, содан кейін ауа шығарылады. Бұдан кейін баллон оны жұмыстық қысымға дейін толтыру үшін жарамды деп саналады. 10) Ауасы бар көліктік баллондарды алған кезде ауа сапасы баллондарды толтырған кәсіпорындардың тиісті құжаттарымен куәландыруға тиіс. 11) Тыныс алу аппараттарының шағын литражды баллондары мен көлік баллондарын тазартылмаған техникалық ауамен толытруға тыйым салынады. 12) Тыныс алу аппараттарының баллондарын УКЗ-400В компрессорлық қондырғысын немесе ГТҚҚ жылжымалы базаларында орнатылған өзге де компрессорлық құралдарды қолдана отырып, тікелей өрт болған жерде толтыруға болады. Ауасы бар көліктік баллонда қалдық қысым 0,5 МПа-дан кем болмауға тиіс. 14) Ауамен толтырылған шағын литражды және көліктік баллондардың есебі ауа толтырылған баллондар есебінің журналында (4-қосымша) жүргізіледі. 15) Жүктеме циклінің шектеулі саны бар тыныс алу аппараттарының баллондарын пайдаланған кезде баллондарды ауамен толтыру циклінің есебін жүргізу талап етіледі. Ол үшін әрбір баллонға төлқұжатқа сәйкес баллондарды толтыру циклі санының есебі жөнінде формуляр (5-қосымша) жүргізіледі. жүктеу/скачать 281.58 Kb. Достарыңызбен бөлісу:
|