НОРМАТИВТІ СІЛТЕМЕЛЕР
Берілгенжұмыста бірқатар Мемлекеттік стандарттар қолданылды:
Каталогтық және библиографиялық түсініктемелердегі қысқартылған щзыс сөздері және тіркестері ГОСТ 7.12 – 70.
Мөлшездегі және шекті ауытқуларды енгізу ГОСТ 2.307 – 68.
Өлшемдер жүргізуді стандарттау және аттестациалау ГОСТ 8.010 – 72.
АНЫҚТАМАЛАР
Ағзаның қызметтік қорлары дегеніміз – оның өз жұмыс қабілетін, жасушалық деңгейде жүретін энергетикалық және пластикалық процестердің үдемелі қарқындылығын, ағза мүшелеріндегі физиологиялық процестер мен дене қабілеттерін арттыруының жасырын мүмкіндіктері [1].
Антопометриялық пішін (профиль) сигмалық айырмашылықтарды қисық сызық түрінде бейнелеу [1, 16б].
Дәрігерлік ұстаздық бақылау дегеніміз жылдық жаттығу айналымы барысындағы дәрігер мен бапкердің бірлесе бақылауы [1, 124 б].
Дененің дамуы деп әр адамның жұмыс қабілеті мен биологиялық жетілу сатысын сипаттайтын құрылымдық және қызметтік көрсеткіштердің жинағын атайды [1, 8 б].
Дене сымбаты деп әр адамның дағдылы отыру, тұру, жүру мәнерін атайды [1, 8 б].
Дене пішіні деп дененің тотальды өлшемдерін, оның әр бөлімдерінің мөлшерлері мен сыртқы пішінін, олардың бір бірімен сай келушілігін (пропорция), сүйек, бұлшық ет, май тіндерінің дене салмағындағы үлестерін айтады [1, 14 б].
Дене құрылымы деп ағзаның сыртқы және ішкі әсерлерге жауап өзгешелігін анықтайтын, тұқым қуалай және жүре қалыптасқан қызметтік, құрылымдық көрсеткіштерінің жинағын атайды [1, 14 б].
Денсаулық дегеніміз ауру мен кемтарлықтың жоқтығы ғана емес, ол физикалық (дене), рухани және әлеуметтік толық аман – есендік [1, 18б].
Денсаулықтың саны дегеніміз- тіршілік ету мүмкіндігі сақталатын сыртқы орта өзгерістерінің шегі [1, 19б].
Денсаулық деңгейі дегеніміз – қалыпты қоршаған ортадағы тіршілік белгілерінің үдемелі қарқындылығы [1, 21б ].
Жинақталған күрделі әсер жылдық жаттығу жүйесінің белгілі бір кезеңінен кейін байқалатын өзгерістер, яғни бірнеше тікелей және созыңқы әсерлер жинағы [1, 125 б].
Иммунитет дегеніміз жұқпалы ауруларға ғана қарсыласу қасиеті емес, ол зат алмасу барысында пайда болатын әр түрлі тотығу заттарына, шөгінділерге де қарсы тұру қабілеті [2, 34 б].
Достарыңызбен бөлісу: |
