Эвакуациялық шараларын ұйымдастыру және өткiзу жөнiндегi Нұсқаулықты
жүктеу/скачать 317 Kb.
|
| 51. Жолдардың асуы қиын учаскелерiнде автомобиль қозғалысын азаматтық қорғаныстың инженерлiк қызметтерiнiң құрамалары, жол ұйымдарының (құрамаларының) және азаматтық қорғанысының әскери бөлiмдерiнiң күштерi, сондай-ақ өзара әрекет ету жоспарлары бойынша азаматтық қорғанысқа көмек көрсету үшiн бөлiнетiн бөлiмдер қамтамасыз етедi. Осы мақсатта жолдардың жағдайы мен жыл мезгiлiне байланысты жолдардың жүруге жарамдылығын арттыру мен көпiрлердi күшейту жөнiндегi жұмыстар жүргiзiледi, тiк өрлерден, ылдилардан және жолдардың асуы қиын учаскелерiнен өту кезiнде автокөлiкке көмек көрсету үшiн ауыр сүйретпелер бөлiнедi, күртiк қарлардан тазартылады.
Эвакуациялық маршруттарда су кедергiлерiнде көпiрлер болмаған жағдайда өзен кеме шаруашылығы бөлген жүзу құралдарынан паромдық өткелдер жабдықталады. Қажет болған жағдайда өткелдер ұйымдастыру азаматтық қорғанысымен инженерлiк әскерлердiң арнаулы бөлiмдерi тартылуы мүмкiн. 52. Орналастырылатын және эвакуацияланатын халықты қорғау үшiн мыналар пайдаланылады: 1) эвакуациялық жинау пункттерi мен отырғызу пункттерiнде - қолда бар паналар, қоғамдық және тұрғын үйлердiң жер қабаттары мен басқа да осы пункттерге жақын орналасқан үңгiрленген тұрақтары, сондай-ақ қарапайым бассауғалар; 2) эвакуациялаудың аралық пункттерiнде, дамылдау орындары мен түсiру пункттерiнде - қоғамдық және тұрғын үйлердiң жер қабаттары, ұралар мен басқа да үңгiрленген тұрақтар бассауғалауға икемдеп келтiруге жарамды басқа да қарапайым бассауғалар. Бұл бассауғаларды дайындау азаматтық қорғанысты даярлыққа келтiруге арналған өкiм алғаннан кейiн 12 сағаттан аспайтын мерзiмде жүзеге асыруға тиiс. Қауiпсiз аймақтағы тұрақты орналастыру орындарында халықты қорғау үшiн күнi бұрын әзiрленген радиацияға қарсы бассауғалар, радиациялық бассауғалауға икемделiп үңгiрленген тұрақтар, сондай-ақ қауiп төнген кезеңде тұрғызылатын бассауғалар пайдаланылады. Бұл бассауғаларды даярлау азаматтық қорғанысты дайындық қалпына келтiруге арналған өкiм алғаннан кейiн екi тәулiктен аспайтын мерзiмде жүзеге асырылуға тиiс. Орналастырылатын және эвакуацияланатын халықты қорғау үшiн сонымен қатар жеке қорғану құралдары пайдаланылады. Бұл құралдар халыққа азаматтық қорғанысты дайындыққа арналған жоспарларда көрсетiлген тәртiп бойынша берiледi. Тыныс жолдарын қорғайтын өнеркәсiпте жасалынған құралдар (газтұтқыштар, респираторлар) жетiспеген жағдайда, халықтың өздерi жасаған қарапайым құралдар (шаң-тозаңға қарсы ПТМ-1 шүберек бүркеме немесе мақта-дәке байламдарды) пайдаланылады. Орналастырылатын және эвакуацияланатын халықтың өзiнде жеке қорғанатын құралдар әрдайым дайын тұруы керек. 53. Халықты орналастыру мен эвакуациялау кезеңiнде медициналық шараларды шығарылатын және әкетiлетiн халықтың денсаулығын қорғау мақсатында денсаулық сақтау органдары жүзеге асырады. Бұл мақсатта мыналар жүргiзiледi: 1) эвакуациялық жинау пункттерiнде, отырғызу және түсiру пункттерiнде, эвакуациялық маршруттарында, эвакуациялық аралық пункттерде және тұрақты орналасу орындарында халықты медициналық жабдықтау; 2) емдеу мекемелерiмен бiрге әкетiлетiн көлiкпен тасымалдайтын ауруларға медқызмет көрсету және эвакуациялау; 3) орналастырылатын және эвакуацияланатын халықтың орналасатын орындарының санитарлық-гигиеналық жағдайына, сондай-ақ тамақтануына, ас суымен қамтамасыз етiлуiне және монша-кiр жуу қызметiнiң көрсетiлуiне бақылау жасау; 4) категорияланған қалалардың қорғалған стационарлық емдеу мекемелерiнде уақытша қалдырылған көлiкпен тасымалданбайтын ауруларға медициналық қызмет көрсету; 5) эпидемиялық жағдайда үздiксiз бақылау жасау, жұқпалы аурумен ауыратынды белсендiлiкпен анықтау, оларды оқшаулау емдеу және эпидемияға қарсы басқа да шараларды орындау; 6) медициналық қызмет көрсетуге тартылатын медпункттер мен емдеу-профилактикалық мекемелерiн қажеттi медициналық мүлiктермен жабдықтау. 54. Эвакуациялық жинау пункттерiнде, отырғызу мен түсiру пункттерiнде, сондай-ақ эвакуацияның аралық пункттерiнде эвакуациялық шараларды өткiзу кезiнде жергiлiктi емдеу мекемелерiнiң күшiмен және жабдықтарымен медициналық пункттер өрiстетiледi, оларда медициналық персоналдың тәулiктiк кезекшiлiгi ұйымдастырылады. Темiржол станцияларында, теңiз және өзен аймақтары мен азаматтық авиацияның iрi әуежайларында ұйымдастырылатын отырғызу пункттерiнде медициналық пункттер ведомстволық медициналық қызметтердiң (Қазақстан Республикасы Көлiк министрлiгiнiң) күштерiмен және қаражаттарымен өрiстетiлуi мүмкiн. Эвакуациялық маршруттарда, әдеттегiдей, медициналық пункттер өрiстетiлмейдi, ал медициналық қызмет көрсету үшiн маршрут бойынша елдi мекендерге немесе соған жақын орналасқан жергiлiктi емдеу мекемелер пайдаланылады. Осы медициналық мекемелердiң орналасқан жерлерi жолдарды сiлтеме белгiлермен белгiленуi тиiс. Жаяу эвакуациялау маршрутында немесе оған жақын жерде медициналық мекемелер болмаған жағдайда, дамылдау орындарында медициналық пункттер кеңiнен ашылады. Мұндай пункттердiң орнына автомобильдердегi, жылжымалы медициналық бригадалар бөлiнуi мүмкiн. 55. Көлiкпен тасымалдайтын ауруларды, медициналық персоналды және олардың отбасы мүшелерiн эвакуациялау емдеу мекемелерiнде ұйымдастырылатын эвакуациялық жинау пунктi арқылы әдеттегiдей, автомобиль көлiгiмен жүзеге асырылады. Емдеу мекемелерiнде ауруларды эвакуациялау мен бiр мезгiлде көшiрiлген қалалық ауруханалардың жұмыс iстеуiн қамтамасыз ету үшiн және қауiпсiз аймақта азаматтық Қорғанысының медициналық қызметiнiң кереует жүйесiн өрiстету үшiн медициналық мүлiктердiң бiр бөлiгi жетiледi. Ауруларды эвакуациялау үшiн жағдайға байланысты азаматтық қорғанысының автосанитарлық отрядтарының (автосанитарлық колонналарының) және автосанитарлық эскадрияларының бөлiмдерi пайдалануы мүмкiн. Ауруларды эвакуациялауға бөлiнген көлiк ыңғайлы, сондай-ақ ауруларды тасымалдауға және жол бойы қызмет көрсетуге икемделген болуға тиiс. 56. Емдеу мекемелерi, медициналық персонал және медициналық мүлiктер (қоймалар, дәрiханалар және басқалары) төтенше жағдай жағдайында азаматтық қорғанысының қауiпсiз аймақта медициналық қызмет жүйелерiнiң керуеттерiн дер кезiнде өрiстету мақсатында бiрiншi кезекте нөмiрленуi тиiс. Эвакуацияланатын аурулар қауiпсiз аймақта қалалық емдеу мекемелерi толық өрiстетiлгенге дейiн уақытша жергiлiктi емдеу мекемелерiнде орналастырылады. 57. Медициналық күштердiң сұранымдарын және эвакуациялық шараларды қамтамасыз етуге арналған жабдықтары анықтау кезiнде төмендегi есептеулердi басшылыққа алу қажет: 1) эвакуациялық жинау пунктiнде, отырғызу және түсiру пункттерiнде, эвакуацияның аралық пункттерiнде және дамылдау орындарында кеңейтiлген әрбiр медициналық пунктте санитарлық автомобиль (ауруларды тасымалдау үшiн) екi медициналық бике және бiр санитар (санитарлық жасақ) бөлiнедi, бiр ауысымда (бiрлескен жиналу пункттерiмен отырғызу пункттерi кеңiнен ашылған жағдайда медперсоналдың және санитарлық көлiктiң сондай көлемiнде бiр медициналық пункт ашылу мүмкiн); әрбiр медициналық пунктке құрамында екi дезинфектор немесе санитарлық жасақтың буыны бар дезинфекциялық бригада бекiтiледi; 2) санитарлық автомашинадағы жылжымалы медициналық бригада жаяу саптарға қызмет көрсету үшiн бiр дәрiгер (фельдшер) және бiр медициналық бике бөлiнедi; машинада кезектен тыс көмек көрсету үшiн төсек болуға тиiс; 3) жаяу саптық құрамында санитарлық сумкамен жабдықталған санитарлық жасақ болады. Эвакуациялық шаралар аяқталғаннан кейiн медициналық персонал өздерiнiң емдеу мекемелерiне қайтып келедi. 58. Орналастырылатын және эвакуацияланатын халықты эвакуациялық жинау пункттерiнде және отырғызу пункттерiнде сумен қамтамасыз ету қалалық және объектiлiк сумен жабдықтау жүйелерiн пайдалану есебiнен жүзеге асырылады қажет болған жағдайда қосымша су тарту қондырғылары жабдықталады. Эвакуациялау маршруттарында және халықты ұйымдастыру маршруттарында ас сумен қамтамасыз ету үшiн қолда бар артезиандық скважиналар, шахталық құдықтар, бұлақтар пайдалынады. 59. Орналастырылатын және эвакуацияланатын халықты орналастыру пункттерiнде су көздерiн иемденушi ұйымдардың күштерiмен қорғау үшiн осы су көздерi жөнiнде аудандардың азаматтық қорғанысының инженерлiк қызметтерi төмендегi шараларды өткiзедi: 1) скважиналардың сағаларын герметизациялау; шахталық құдықтар мен бұлақтарды радиоактивтi шаң-тозаңнан қорғау; 2) таза судың резервуарларын оқтайландырылған сүзгiш-сiңiргiштермен жабдықтау; 3) жылжымалы сыйымдылықтан суды бөлетiн жабық пункттердi жабдықтау; 4) қолда бар су көздерi жетiспеген жағдайда азаматтық қорғанысының инженерлiк қызметтерi құрамаларының күшiмен қосымша скважиналарды бұрғылау немесе оларды қорғауға қажеттi шараларды жүргiзе отырып құдықтар қазу жүргiзiледi. Жекелеген жағдайларда, жерасты суларының жетiспеуi немесе болмауы кезiнде ашық су тартуларды жабдықтауға болады. Бұл жағдайда сүзгiш-сырғыш су тартулар жасалады немесе суды тазалаудың табельдiк және қолданбалы тәсiлдерi қолданылады. 60. Қауiпсiз аймаққа шығаруға жататын материалдық құндылықтардың тiзбесiн облыстық, қалалық әкiмдер, министрлiктер мен агенттiктер анықтайды. 61. Алайда қалалардан бiрiншi кезекте эвакуациялауға мыналар жататынын ескеру қажет: 1) орналастырылатын және эвакуацияланатын халықты қауiпсiз аймақта жабдықтауға арналған азық-түлiк, дәрi-дәрмектер, өнеркәсiп тауарлары, сондай-ақ мұражайлық және банкалық құндылықтар, мұрағаттық материалдар, бiрегей жабдықтар. Материалдық құндылықтарды эвакуациялау жөнiндегi тасымалдауды тапсырыстар негiзiнде көлiк органдары жоспарлайды онда тиеу-түсiру және мақсатты станциялар (пункттер), жүктi жөнелтушiлер және алушылар, жүктердiң аттары, шыққан жерi және вагондардың (автокөлiктiң) саны, тиеу-түсiру мерзiмдерi көрсетiледi. Жүктердi тасымалдау көлемi көлiктiң мүмкiндiгiне, тиеу-түсiру алаңдарының болуына, жұмысшы күшiне, механикаландыру құралдарына қарай күн сайын анықталады. Мүмкiн болған жағдайда жүктердi шығаруды орналастыратын және эвакуацияланатын халықты тасымалдаумен бiр мезгiлде, мүмкiн болмаған жағдайда - олар аяқталғаннан кейiн жүзеге асырылады. 62. Халықты орналастыру және эвакуациялау басталысымен халық эвакуацияланған қаладан шығатын жүктердi қайта рәсiмдеу ұйымдастырылады. Төтенше жағдай пайда болғанға дейiн қайта рәсiмдеу үшiн жабдықтау, көлiк және аумақтың атқару органдары өкiлдерiнен жедел топ құрылады. Аса маңызды материалдық құндылықтарды әкету үшiн Қазақстан Республикасы Үкiметiнiң шешiмiмен әуе көмегi пайдаланылады. 6. Орналастыру және эвакуациялауды қамтамасыз ету Халықты орналастыру мен эвакуациялауды ұйымшылдықпен жүргiзудi қамтамасыз ету мақсатында эвакуациялау маршруттары мен халықты орналастыру орындарында барлау ұйымдастырылады. Эвакуациялық шараларды қамтамасыз ету үшiн барлаудың арнаулы инженерлiк, медициналық, радиациялық, химиялық және басқа түрлерiнiң неғұрлым маңызды орны бар. 63. Инженерлiк барлау - орналастыру және эвакуация кезiнде мыналарды қамтамасыз етедi: 1) халықты орналастыру және эвакуациялау жүзеге асырылатын жолдар мен нөмiрлердiң, ондағы инженерлiк құрылыстардың жағдайын анықтау; 2) жолдардың асуы қиын учаскелерiн (жыл мезгiлi мен ауа райы жағдайын ескере отырып) және колонна жүретiн жолдардың бағыты мен осындай жол учаскелерiндегi айналып өту бағыттарын анықтау; 3) су кедергiлерi арқылы резервтiк өткелдердi жабдықтау жөнiндегi жұмыстар көлемiн және орындарды анықтау; 4) халықты түсiру пункттерiне жеткiзу үшiн темiржол, су және автомобиль көлiктерiне отырғызу пункттерiн жабдықтау жөнiндегi жұмыстар көлемiн анықтау; 5) бассауғалауға икемдеу үшiн жарамды үңгiрленген жартылай және жер бетiндегi құрылыстардың қолда барын және жағдайын анықтау; 6) су көздерiнiң қолда барын, жағдайын және дебитiн, сондай-ақ сумен жабдықтаудың қосымша көздерiн жабдықтау орындарын анықтау. Инженерлiк барлауды инженерлiк барлау командалары жүргiзедi. 64. Медициналық барлау халықтың орналастырылатын және эвакуацияланатын аудандардың санитарлық-эпидемиялық жағдайын, сондай-ақ халықты әкету мен шығарудың маршруттарын анықтайды. Оны орналастыру мен эвакуациялауды қамтамасыз ететiн, және медициналық барлау бөлiмдерi арнайы тағайындаған азаматтық қорғанысының медициналық құрамалары жүргiзедi. 65. Халықты маршруттарда радиациялық және химиялық барлау эвакуациялаушы ұйымдар айрықша кезеңге арнап маршруттар бастықтарының басқару тобына бөлiнетiн күштермен және құралдармен ұйымдастырылады. Радиоактивтi және химиялық зақымдануды дер кезiнде анықтау мен бақылау үшiн және олар шоғырланған орындарда халықты қорғау шараларын қабылдау үшiн эвакуациялық жинау пунктiнде, отырғызу мен түсiру пункттерiнде, қозғалыс маршруттарында тұрақты радиациялық және химиялық бақылау ұйымдастырылады. Сонымен бiрге халықты жаяу тәсiлмен эвакуациялау маршруттарында радиациялық химиялық бақылауды қозғалысты реттеу күзеттерi жүргiзедi. 66. Орналастыру мен эвакуациялауды жүзеге асыру кезеңiнде барлау азаматтық қорғаныс жоспарында көзделiнген көлемде ұйымдастырылады және толық жүргiзiледi. 67. Табиғи және техногендiк сипаттағы төтенше жағдай қауiпi төнгенде және туындаған кезеңде, сондай-ақ соғыс уақытында орналастырылатын және эвкуацияланатын халықты тасымалдау үшiн темiр жол, автомобиль, су және әуе жолы көлiгi мейлiнше пайдаланылады (соның iшiнде жеке иемденушiлердiң көлiктерi - автомашиналар, моторлы қайықтар және басқалары бар). 68. Орналастыру мен эвакуациялауды көлiкпен ойдағыдай орындауға мына жағдайда қол жеткiзiледi: 1) көлiктiң барлық мүмкiндiгiн барынша пайдаланғанда; 2) көлiктiң барлық түрлерiмен келiсiп жұмыс iстегенде; 3) тасымалдауды жүзеге асыруға көлiк органдарының жоғары дәрежедегi даярлығы мен көлiк құралдарының сапалы даярлығы болғанда. 69. Халықты темiржол көлiгiмен орналастыру және эвакуациялау үшiн Қазақстан Республикасы Көлiк және коммуникация министрлiгiнiң жолаушылар мен жүк тасушы паркiнiң вагондары, басқа министрлiктер мен агенттiктер темiр жолының жылжымалы құралы (көрме жолдары) пайдаланылады. Темiр жолымен эвакуациялық тасымалдау, әдеттегiдей, жолаушылар немесе жүк вагондарынан құралатын айналма пойыздармен жүзеге асырылады. Пойыздар құрамының ұзындығы жергiлiктi жағдайға қарай белгiленедi. 70. Автомобиль көлiгi көбiнесе қысқа қашықтыққа тасымалдау үшiн пайдаланылады. Эвакуациялық тасымалдауға жұмылдырылатын автомобильдер колонналар құрайды; әрбiр колонна мүмкiндiгiнше тасымалдауды бiр маршрутта жүзеге асырады. Аудандардың автомобиль көлiгi негiзiнен халықты эвакуацияның аралық пункттерi мен түсiру пункттерiнен орналастыру орындарына әкету үшiн қолданылады. Облыстық (республиканың) азаматтық қорғанысының бастығының шешiмi бойынша қалаларға жақын тұрған аудандардың автомобиль көлiгi халықты қалалардан тасымалдау үшiн тартылуы мүмкiн. 71. Халықты су көлiгiмен орналастыру және эвакуациялау үшiн көлiк, кәсiпшiлiк, қызмет және басқа да кемелер мен жүзу құралдары тартылады. Су көлiгiнiң азаматтық кемелерiн иемденушiлердiң жұмысшыларын, қызметшiлерiн және отбасы мүшелерiн навигациялық кезеңде орналастыру мен эвакуациялау, әдетте, су көлi құралдарымен жүзеге асырылуға тиiс. Навигацияаралық кезеңде су көлiгiн автомобиль немесе темiржол көлiгiмен алмастыру көзделiнедi. 72. Әуе көлiгi көбiнесе министрлiктер мен агенттiктердiң жедел топтарын, қызметi жаңа аудандарға ауыстырылатын қорғаныс және айрықша экономикалық маңызы бар ғылыми-зерттеу мекемелерiнiң ғылымдары мен қызметкерлерiн, сондай-ақ асуы қиын аудандарға эвакуацияланатын халықты шалғай жерлерге әкетуге пайдаланылады. 73. Орналастырылатын және эвакуацияланатын халықты тасымалдау жоспарларын облыстың (қаланың) төтенше жағдай жөнiндегi басқармаларының тапсырысы бойынша көлiк органдары жасайды. Жоспарларда пойыздар мен вагондардың түрлерi, сонда-ақ олардың саны, автомобильдер мен кемелердiң түрлерi, жөнелтiлген және түсiру пункттерiне келген уақыты, пойыздардың, автоколонналардың, кемелердiң жүру маршруттары және әкетiлетiн халықтың саны көрсетiледi. Тасымалдау жоспарлары төтенше жағдай жөнiндегi басқармалармен, бөлiмдермен келiсiледi және көлiк органдарының бастықтарымен (меншiктiң барлық түрлерiндегi көлiк құралдарын иемденушiлермен) бекiтiледi. 74. Халықты эвакуациялық тасымалдау жоспарлау кезiнде темiржол басқармасының (бөлiмiнiң) темiржол көлiгi жолдардағы әскери қозғалыс кестесiнiң iс-әрекетiн ескере отырып, пойыздар қозғалысының мейлiнше өткiзу қабiлеттiлiгiне арналған эвакуациялық кестесiн жасайды. Темiржолдардың көлiктiк мүмкiндiктерiн неғұрлым тиiмдi пайдалану мақсатында халықты тасымалдауға бөлiнетiн пойыздардың ұзындығын мейлiнше арттыру мүмкiндiгiн қарастырады: 1) төтенше жағдай жөнiндегi басқармалармен бiрлесе отырып, вагондарға тығыз отырғызудың нормаларын белгiлейдi; 2) стансалардың, кiрме жолдардың және халықты отырғызумен түсiру органдары санын мейлiнше пайдалануды алдын-ала ескередi. Темiр жол көлiгiмен эвакуациялық тасымалдау жоспарын бiр мезгiлде республиканың бүкiл темiр жол тарабында iске қосу халықты орналастыру мен эвакуациялауды өткiзуге арналған өкiмдi хабарлағаннан кейiн 4 сағаттан соң көзделiнген. 75. Халықты автомобиль көлiгiмен тасымалдауды жоспарлағанда олардың ведомстволық қатыстылығына қарамастан адамдарды тасымалдауға жарамды барлық автомобильдерi пайдалану көзделiнедi: 1 )жүргiзушiлердi екi ауысыммен қамтамасыз ету мен жүк автомобильдерiн адамдар тасуға арналған орындықтармен жабдықтау жөнiндегi шаралар жасалады; 2) көлiк құралдарына тығыз отырғызу нормалары белгiленедi; 3) әскери командованиемен автомобиль жолдарын пайдалану тәртiбi келiсiледi. 76. Су көлiгiнiң мүмкiндiгiн әсiресе отырғызу мен түсiру пункттерiнiң саны шектеулi болғанда неғұрлым толық пайдалану мақсатында жоспарларда тез тұрғызылатын айлақтық қондырғыларын салу құрылысы ескерiледi, жабдықталмаған жағалау маңында және кемежай пункттерi аудандарында адамдары рейдтiк көптеп отырғызу (тығыз отырғызу) және түсiру ұймдастырылады, iрi кемелердiң шөгуiне байланысты оларға жақын келуi мүмкiн емес. 77. Халықты орналастыру және эвакуациялауды жүргiзу кезеңiнде қолда бар маршруттар бойынша қалалық жолаушылар көлiгiнiң тәулiк бойы жұмыс iстеуi көзделiнедi; олардың неғұрлым түскендерiне қосымша көлiк құралдары бөлiнедi. 78. Эвакуациялық шараларды жүргiзу барысында туындайтын мiндеттердi шешу үшiн республиканың, облыстың, қаланың азаматтық қорғаныс бастықтарының автокөлiк резервiн жоспарлау қажет. 79. Тасымалдау жоспарлау бiрге төтенше жағдай жөнiндегi басқармалар, бөлiмдер көлiк органдарымен бiрлесiп өндiрiс пен қызмет көрсету саласында iстемейтiн халықты күнi бұрын жетудiң есептеулерiн жасайды. Есептеулер көлiктiң барлық түрiнiң орташа тәулiктiң мүмкiндiктерi негiзiнде әрбiр бағыттар бойынша шығарылады. 80. Бұл ретте мыналар ескерiледi: 1) кесте бойынша жүретiн пойыздарда, автобустарда және кемелерде бос орындарды пайдалану (басқа жолаушыларға билет сатуды шектей отырып); 2) қосымша пойыздар, автобустар мен кемелер белгiлеу (жолаушылар легi көбейген кезде белгiленедi); 3) айналымда тұрған пойыздарға қосымша жолаушылар вагондарын тiркеу; 4) эвакуацияланатын халықты кесте бойынша жүретiн автобустар кемелерге эвакуациялық тасымалдау үшiн қабылданған нормаға дейiн отырғызу; 5) жеке иемденушiлердiң көлiгiн пайдалану. 81. Азаматтық қорғанысты даярлыққа келтiруге өкiм алысымен төтенше жағдай жөнiндегi басқармалар, бөлiмдер көлiк органдарымен бiрлесiп, эвакуациялау тасымалдарын анықтайды. Сонымен бiрге жоспарларға жоспарды нақтылау күнiнде көлiктiң нақтылы қолда барын, сондай-ақ егер АҚ қалпына келтiруге арналған өкiм алғанға дейiн өндiрiс пен қызмет көрсету саласында iстемейтiн адамдарды эвакуациялау жүргiзiлсе халықты эвакуациялық тасымалдау көлемi азайғанын ескеретiн өзгерiстер енгiзiледi. Азаматтық қорғаныс құрамаларын қауiпсiз аймаққа олардың штаттық көлiгiмен шығарады. Одан әрi қарай осы құрамалардың көлiгi орналастырылатын және эвакуацияланатын халықты әкетуге пайдаланылуы мүмкiн. 82. Халықты орналастыру мен эвакуациялауды жүргiзуге өкiм алған кезде: 1) темiр жол көлiгiнiң органдары эвакуациялық пойыздар құрастырады, оларды уақытында отырғызу жолдарына бередi және пойыздардың эвакуациялық кесте бойынша жөнелтiлуiн қамтамасыз етедi; эвакуация жүргiзiлiп жатқан қаладан келетiн пойыздардан жолаушылардың қауiпсiз аймаққа түсуiн қамтамасыз етедi; 2) автокөлiк (автожол) қызметтерi адамдарды тасымалдау үшiн жүк автомобильдерiн жабдықтайды, автоколонналар құрастырады және оларды отырғызу орындарына берудi ұйымдастырады, эвакуациялық тасымалдаудың белгiленген кестесiн орындауды қамтамасыз етедi; 3) су көлiгi органдары жасалынған жоспарларға сәйкес отырғызу үшiн кемелердi уақытында берудi қамтамасыз етедi, халықты әкету үшiн су көлiгiнiң қосымша резервтерiнiң мүмкiндiгiн қарастырады, эвакуация жүргiзiлетiн қалаға баратын жолаушылардың кемелерден түсуiн ұйымдастырады; 4) көлiк және коммуникация министрлiгi жоспарларға сәйкес әуемен тасымалдауды қамтамасыз етедi. 83. Пойыздарды, автоколонналарды, кемелердi беру кестесi бұзылған кезде республиканың, облыстың және қалалардың азаматтық қорғанысының бастықтары көлiк органдарының ұсынысына сәйкес көлiкпен маневр жасауға немесе автокөлiк резервiн пайдалануы шешiм қабылдайды. Бұл жағдайда төтенше жағдай жөнiндегi басқармалар, бөлiмдер және эвакуациялық органдар халықтың отырғызу пункттерiне келу кезектiлiгiне қажеттi түзетулер енгiзедi сондай-ақ халықты орналастыру мен эвакуациялау жоспарына тиiстi өзгерiстер жасайды. 84. Эвакуациялық шараларды уақытында жүргiзу шешушi деңгейде оларды жан-жақты материалдық қамсыздандыруға байланысты болады. Бұл ретте басты назар орналастырылатын және эвакуацияланатын халықты орналастыру аудандарында жабдықтаудың материалдық-техникалық базасын күнi бұрын даярлауға аударылады. 85. Қауiпсiз аумақта жабдықтау базасын дамыту жөнiндегi шаралар есептесу жылына арналған жоспарлар мен республика аймақтарының экономикасы объектiлерiн дамытудың алдағы жоспарлары бойынша, сонда-ақ халықты орналастыру мен эвакуациялауды әзiрлеу және өткiзу барысындағы төтенше жағдай жөнiндегi және азаматтық қорғанысының басқармалар мен бөлiмдердiң жоспарлары бойынша жүзеге асырылады. 86. Халықты орналастыру мен эвакуациялау (жергiлiктi халықпен бiрге) орналастыру орны бойынша сауда және қоғамдық тамақтандыру кәсiпорындарына бекiтiледi және белгiленген тәртiптi азық-түлiкпен (тамақпен), өнеркәсiптiк тауарлармен қамтамасыз етiледi. Эвакуациялық шараларды жүргiзу барысында халықты орналастыру аудандарындағы сауда жүйесi қажет болған жағдайда қалаларда өндiрiстiк қызметтерiн тоқтататын сауда мен қоғамдық тамақтандыру кәсiпорындары есебiнен кеңейтiледi. 87. Жол жүру барысында эвакуацияланатын халық өздерiнiң жеке запастары есебiнен тамақтанады. Елеусiз қашықтыққа (екi және одан асатын тәулiкте) эвакуациялау кезiнде жол бойы азық-түлiкпен (тамақпен) жабдықтау көзделiнедi. 88. Эвакуациялық шараларды жүргiзу барысында қалалардан материалдың қаражаттар запасын шоғырландыру және оларды радиоактивтiк, химиялық және бактериологиялық (биологиялық) зақымданудан қорғау жүзеге асырылады. Халықты орналастырылатын және эвакуацияланатын аудандарға азық-түлiк запасын әкету үшiн ең алдымен мамандандырылған көлiк, одан әрi жалпы мақсаттағы бос қалған көлiк пайдаланылады. 89. Эвакуациялық шараларға тартылатын автокөлiкке жанар май құю үшiн жағар запасын бiрiншi рет шығындай отырып, автомайқұю құралдарының стационарлық жүйесi пайдаланылады. Май құю стансалары жүйесi жеткiлiктi түрде дамымаған маршруттарда жылжымалы автомайқұю стансалары ұсынылады. 90. Халықты орналастыру және эвакуациялауды жүргiзу барысында техникалық жабдықтау әрбiр маршрутта ұйымдастырылады. Маршруттар техникалық қызмет құрамаларына бекiтiлген учаскелерге бөлiнедi. Ақаулы машиналарды техникалық жөндеудi ақаулы машиналар пункттерде немесе жөндеу-қалпына келтiру топтары жүргiзедi. жүктеу/скачать 317 Kb. Достарыңызбен бөлісу:
|