Жүйелеушілік қызмет оқу пәнінің мазмұнын құрайтын ақпараттың қатаң түрде
бірізді баяндалуын қамтамасыз етеді. Оқулықтың өзі оқушыға дәйекті білім, айналадағы
әлем туралы біртұтас түсінік бере отырып, ғылыми жүйелеу тәсілдері мен әдістеріне де
үйретуге тиіс. Оқулықтағы мәліметтердің берілуі, тараулардың, параграфтардың атаулары
логикаға сай құрастырылуы қажет (логикалық реттілік, жүйелілік, қысқа айтушылық).
Оқулықтың өн бойында түстердің біртүрлілігі, логотиптердің бірлігі сақталуы қажет.
Оқулықтағы аббревиатура, терминдердің белгіленуі, өлшем бірліктері халықаралық
бірліктер жүйесіне, сонымен бірге терминдердің анықтамалары мен түсініктері,
халықаралық деңгейде қабылданған терминологияға сай болуы керек.
Достарыңызбен бөлісу: |
