І бөлім. Азамат тарихында білім берудің, мектептің және педагогикалық ой- пікірлердің дамуы
жүктеу/скачать 1.23 Mb.
|
- Бұл бет үшін навигация:
- Екінші кезеңде
- Үшінші кезеңде
| Оқушылар ұжымы дегеніміз – қоғамдық мәні бар, ортақ мақсаттар негізінде, жалпы маңызды бағыттарға байланысты қарым-қатынас жасайтын оқушылар бірлестігі.
Ұжымның міндеттері және қарым-қатынас аспектілері Тәрбиеленушілік Оқушылар ұжымы үш кезеңнен өтеді. Ұжымның даму кезеңдерін айқындаған А.С.Макаренко. Ол балалар ұжымы дамуының мақсатына, іс-әрекетінің мазмұнына, тәртібіне, балалардың арақатынасы тәуелділігіне байланысты ажыратады. Бірінші кезеңде оқушылар ұжымы жеткіліксіз ұйымдастырылған топ. Сондықтан мұғалім сынып өмірін ұйымдастыру үшін жұмысты талап қоюдан бастайды. Бұл кезеңде ұжым іс-әрекетінде белсенді, ынталы, оқушыларға сүйену керек. Ұжым өміріне мұндай тәсіл сынып белсенділері, жұмыс істейтін оқушылар тобын көбейтуге және балалар мен мұғалімдердің жұмысты бірлесіп істеуіне әсер етуі мүмкін. Бірінші кезең аяқталу үшін мына мәселелерді еске алған жөн: - ұжымды нығайтуға бағытталған мақсаттарды анықтау; - ұжым іс-әрекетінің дамуы; - жеке адам арасындағы қарым-қатынас іскерлік және гуманистік қатынастардың пайда болуы; - барлық ұжым мүшелері қолдайтын белсенділер тобының бөлінуі; Бұл кезеңде мұғалімнің негізгі қызметі- оқушылардың ұжымдық іс- әрекетін ұйымдастыру, оларды әр түрлі іс-әрекеттеріне қатыстыру, ұжымды балаға педагогикалық ықпал жасайтын құралға айналдыру. Екінші кезеңде ұжым өзін-өзі басқаруға, яғни сынып жетекшішісінің ұйымдастырушылық қызметінен тұрақты ұжым органдарына көшеді. Сондықтан бұл кезеңде белсенді топпен жұмыс істеудің маңызы зор. Мұғалімнің қызметі- коммуникативті, яғни балалармен байланыс жасау, ұжымның өмірі үшін оқушылардың ынтасын қуаттау, жалпы міндеттерді орындауда барлық оқушылардың күш-қуатын нығайту. Ұжымның бұл даму кезеңінде параллельді ықпал жасау принципі қолданылады, яғни тұлғаға талап қою ұжым арқылы жүзеге асырылады. Үшінші кезеңде- бұдан былай белсенді топтың және ұжым (сынып) іс-әрекетінің дамуымен сипатталады, онда қоғамдық (ұжымдық) пікір пайдаланылады. Бұл саты ұжымның өрлеу кезеңі. Ұжым өмірінде, оқушылар арсында жалпы істі бірлесіп орындаудың арқасында ұжымдық, гуманистік қатынастар дамиды, демек, ұжымда тілектестік, бір-біріне ілтипатты болу, жолдастарының қуанышына, мұқтаждығына үн қатуға дайын тұру, мінез-құлық нормасын сақтау, нормаға бағыну сияқты болымды қасиеттер пайда болады. Ұжым қоғамдық пікірмен сипатталады. Қоғамдық пікір- бұл ұжым мүшелерінің талаптарды, пікірлерді бағалаудағы бірлігі. Ұжымдық талқылау, бағалау, жариялылық, әрекеттілік-қоғамдық пікірдің негізгі ерекшелігі. Оқушылар ұжымын нығайту мен қалыптастыруда аса маңызды мәселелердің бірі-ұжым алдындағы мақсатты-перспективаны таңдау. А.С.Макаренконың теоиярлық мұрасына сүйеніп, оның жақын, орта және қашық атты перспективаларын еске түсірген жөн. жүктеу/скачать 1.23 Mb. Достарыңызбен бөлісу:
|