Жаңадан бастаушыларға арналған механикалық ӨҢдеу
Сапаға бастайтын жолды ұстанамыз
жүктеу/скачать 6.75 Mb. Pdf көрінісі
|
| Сапаға бастайтын жолды ұстанамыз
Енді сіздің метрологияға арналған арбаңызды толтырған соң мен ең маңызды заттардың бірін ұмытып кеттім десем де болғаны, ол бақылаушы-қабылдаушының қолайлы орналасқан орны болып табылады. Учаске цех секілді өте таза күйде ұстауды, сондай-ақ учаске ауаны жоғары сапалы фильтрлеу жүйесімен жабдықталуы, ылғалдылықты 55 пайыз деңгейінде ұстап тұруы және температурасы 68 ° F + / -3 ° F (оның метрикалық баламасы ‒ 20 °C) болуы талап етіледі. Егер маған сенбесеңіз, 4 ASME Y14.5-2009 парақшасын қараңыз. Сіздің метрологиялық жабдықты жеткізушіңізде тағы басқа бірнеше ұсыныс болуы мүмкін, дегенмен бұл басты мәселе болып табылады. Сіз бәрін орнына жайғастырып болған соң осының бәрін сақтау үшін мықты, жақсы жабылатын жәшіктер қажет болады. Әрбір жеке бөлшек пайдаланудан бұрын калибрленуі (сіздің сапа ресімдеріңізге байланысты одан кейінгі бірнеше кезең ішінде де ұдайы калибрленуі тиіс), жапсырмамен белгіленуі тиіс, сондай-ақ цехқа кіргізілетін және одан шығарылатын заттарды белгілеуге арналған жүйе қажет. Осының бәрі қалай жұмыс істейтінін білу үшін сізге көптеген нұсқаулықтарды оқып шығу қажет болады. Сізде қажетті заттың барлығы да бар шығар, бірақ сапа бөлімін басқару үздік жабдықты сатып алудан да маңыздырақ. Осы тараудың басында аталып кеткендей, жақсы метрология бақылаушы-қабылдауды отыратын орынды және жабдықты үнемі бақылауды былай қойғанда есепті дұрыс жүргізуді, өлшем стандарттарын жасау мен дыбыстың калибрленуін және бақылауды қолдауды білдіреді. 11- ТАРАУ. G- КОДТЫҢ ҚҰПИЯСЫН АШАМЫЗ Менен: «Бэббидж мырза, айтыңызшы, егер сіз машинаға бұрыс сандарды енгізсеңіз бұрыс жауаптар шығады ма ?» деп екі рет сұрады. Мен осындай сұраққа алып келетін ойлардың жаңылысуын дұрыс түсінетін жағдайда емеспін. ЧАРЛЬЗ БЭББИДЖ Қалай десеңіз де, білдекті қолмен айналдырған кез, мен осы кітапта бірнеше рет айтып кеткен саптамалар мен иінтіректерді бұрау динозаврлар мен Додж де Сотодан да көнелеу. Әрине, мен 1 және 2-бөлімдерде айтып кеткен қол жону білдектері мен консоль жоңғылау білдектерінің көбі әлі де бар. Шын мәнінде, олардың біршама саны негізінен аспаптық цехтар мен әуесқой цехтарда пайдаланылып, жыл сайын жасалып сатылуда. Оларға сұраныстың азайғанын осы салада жүргендерден ешкім де жоққа шығара алмас әрі оларды кері қайтару мүмкіндігі тираннозавр Рексті клондаудан да (немесе жаңа жылтыраған Де Сотоның конвейерден шығып келе жатқанын көруден де) азырақ. Мұның орнына сандық бағдарламалық басқаруы бар (СББ) білдек жабдығы (және олардың үйренуші інілері ‒ жартылай СББ) барынша қолжетімді болды және пайдалануда қарапайым болғаны соншалықты, қол жабдығының анағұрлым төмен тиімділігіне келісудің еш себебі қалмай отыр. Осыны ескере отырып, СББ құралдарын жұмыс істететін нәрсені білген артық болмас еді, бұл оларды бағдарламалау тілі болып табылады. СББ бағдарламалау тақырыбын бір тарауда қамту үшін ол тым терең және күрделі. Дегенмен мен кейбір G- мен M-кодтардың ең маңыздыларына, «режимдер» мен «жылжытулар» дегеніміздің не екеніне көбірек тоқталып кетемін және жалпы СББ бағдарламалау мәселесін қарастырамын. Әзірше сізге осы да жеткілікті болуы тиіс. Сіз оқиын деп отырғаныңыздың бәрі «FANUC»-қа және тағы да «FANUC»- қа ‒ үйлесімді басқару элементтеріне жатады (олардың көбі). Мұның себебі СББ басқаруға арналаған «FANUC» дербес компьютерлер үшін Майкрософт секілді (бұл растау болып табылмайды). «FANUC»-қа мүлдем бет түземеген білдек өндірушілердің өзі («Mazak» және басқа да диалогтық режимде басқарылатындар) әдеттегідей G-кодты оқу үшін «ISO/EIA» нұсқасын ұсынады. Дегенмен білдек өндірушілердің және басқару жүйелерінің арасында G-code деп аталатын СББ әмбебап дерлік бағдарламалау тілін түсіндірудің көптеген нұсқалары бар. Осы орайда бәріне скептик көзімен қарау керек және үнемі соңғы пікір үшін операторға арналған Нұсқаулықты қараған жөн. ОСЫ ТААРУДА: 1. G, M, S және T әріптерімен мәлімдеме жасау 2. Бағдарламамен танысу: ішкі бағдарламалар, макростар, кескіштің өтемі және тағы да басқалар 3. Қайталым: тиянақталған және көп рет қайталанған қайталымдар 4. Заттардың координаттардың декарттық жүйесі арқылы бейнеленуі ЕСКЕРТУ |