Жазғы демалыс лагерлерінде дене шынықтыру сауықтыру жұмыстарын ұйымдастыру
жүктеу/скачать 1.82 Mb.
|
- Бұл бет үшін навигация:
- «Таныстыру
- «Кім көп секіреді»
- «Жеңіске жету»
| « Толағай» сайысы
Мақсаты: оқушыларға адам денсаулығының қымбаттылығын, өмір сүру үшін қажеттілігін, бағалы байлық екенін түсіндіру. Оқушыларға сұлу да сымбатты, денсаулығы зор, күшті болу үшін денені шынықтыру, оларға спортпен айналысуын қажет екендігінің манызын түсіндіру. 1-жүргізуші: Құрметті лагерь демалушылары, жетекшілер және оқушылар! «Денсаулық-байлық негізі» дегендей бүгінгі «Толағай» сайысына қош келдіңіздер! 2-жүргізуші: «ТОЛАҒАЙ» сайысы әр топ оқушылары және жетекшілері арасында өткелі отыр. Сайысқа әр топтан бір оқушы топ жетекшісімен шығады. Әр топ жеңіс мәресіне жету үшін бірнеше кезеңнен тұратын кедергілерге төтеп беруі тиіс. 1-жүргізуші:Денсаулық-ол шыныққан, Барлық денең мүшесі. Денсаулық-ол тыныққан, Жүйке тамыр жүйесі. 2-жүргізуші:Денсаулық-ол күлуің, Көңіл-күйің жадырай. Денсаулық-ол жүруің, Ешбір жерің ауырмай. 1-жүргізуші:Біздің жетістіктерімізді бағалайтын әділқазылар алқасымен таныстыруға рұқсат етіңіздер! __________________________________________________________________________________________________________________________ __________________________________________________________________________________________________________________________ 1-жүргізуші:Дені сау ұрпақ – ұлт болашағы болмақ. Сондықтан бала өмірінде салауатты өмір салтын қалыптастыру сауықтыру лагерінің басты мақсаты. 2-жүргізуші: «Спорт – денсаулық кепілі» десек, «ТОЛАҒАЙ» сайысы салауатты өмір салтын насихаттау мақсатында ұйымдастырылып отыр. Біріншіден, дені сау ұлттың қалыптасуына ат салысады, екіншіден бағдарламаға қатысқан әр қатысушыларға рухани және мәдени мереке сыйлайды. 1-жүргізуші: Ендеше, «ТОЛАҒАЙ» сайысы – оқушыларды спортқа баулиды. Тәрбиеші мен баланың арасындағы бірлік пен татулық қасиеттерін нығайта түспек! 2-жүргізуші: Ойнайық, ойнайық та ойлайық! Қатардан артта қалып қоймайық, Белсенді болайық ортада, Уақытты тектен-тек жоймайық! 1-жүргізуші:Ойнайық,ойнайық та ойлайық! Күшімізді көрсетейік,сынайық! Жеңсең де,жеңбесең де ренішсіз болайық, Қаймықпай,көңілді болып тарайық! 2-жүргізуші:Бүгінгі спорттық сайыс 7 кезеңнен тұрады. 1-жүргізуші: Сайысқа ...........команда қатысады.Ал, енді «Таныстыру» кезеңін бастайық! (топтың атауы, эмблемасы, ұраны) Әр топ өздерін таныстырып өтеді.
І тур: «Кім жылдам?» (тәрбиеші допты полға ұрып, оқушысына алып барады. Оқушысы допты алып, колесоға түсіру қажет,түсіргенге дейін тұрады. Түсірген соң, тәрбиеші допты алып, 2 оқушыға жүгіріп алып барады. Оқушысы (қыз) да допты 1оқушыға (ұл) алып келеді.) ІІ тур: «Білімді кенгуру»(команда мүшелері кезекпен допты тізеге қысып, жасалған кедергілерден секіріп барып, математикалық бір-бір есепті шығару керек) 2-жүргізуші: ІІІ тур: «Кім көп секіреді?»(оқушылар скакалканы екі жақтан ұстап, тәрбиешіні секіртеді) /10-нан аса/ 1-жүргізуші: ІҮ тур: «Эмоцияны немесе іс-әрекетті қайтала!» (оқушылар кезекпен-кезек орындықта байланып тұрған шарды алып, отырып жару керек. Шардың ішіндегі жазылған эмоцияны түсіндіру керек. Кезекте тұрған тәрбиеші соны шешу керек, яғни айту керек. /Шар жарылғанша, қайталайды./ Кездескен кедергілерден өту қажет: обручтан өту, бір аяқпен секіру) 2-жүргізуші: Ү тур: «Жеңіске жету» (Оқушылар кезекпен-кезек кездескен кедергілерден өтіп, /змейка- доппен, обручты айналдыру-3 рет, скакалкамен ту тұрған жерге жетіп, туды алып келеді де кезекте тұрғанға береді. Ол алып қайтадан орнына апарады және соңғысы алып келеді.Кім жылдам әрі бірінші алып келсе,жеңіске жетеді) 1-жүргізуші: Денсаулықтың маңызына қанығып, Халқымыз жүр шат күлкіні жамылып. Той – думанда да, кездесу мен жиын да, Өтеді әр кез салауаттың бағында. 2-жүргізуші: Ендігі кезек, бүгінгі сайыста белсенділік танытып отырған көрермендерге берейік. Сонымен «Белсенділер» тобымен өткізілетін сайыс: 1-жүргізуші: 1. Қол күресі. (ұлдар үшін) 2. Арқан тартысу. /оқушылар және тәрбиешілер/ 3 .Мақал-мәтелдер сайысы. /Мақалды аяқтау және осы мақалдың мағынасын түсіндіру/ Денсаулық - ........................ (зор байлық) Тәні саудың - ...................... (жаны сау) Емнің алды - ....................... (еңбек) Тазалық – саулық негізі, Саулық - .................. негізі. (байлық) Шынықсаң - ......... ........... (шымыр боласың) Ауырып ем іздегенше, Ауырмайтын ............. ізде. (жол) Сау дене,озат ақыл, адал көніл- Үшеумен бақытты болады ....(өмір). 1-жүргізуші:Салауат бағы баулиды бізді жақсылыққа, Жетелейді елдің сәні ынтымаққа. Денсаулықтың түсіндіріп қадірін, Жол салады айдын шалқар болашаққа. 2-жүргізуші: Өмір,өзін қайдасын, Күн мен түнді жалғайсың. Жақсыларға жақынсың, Жамандарға шалғайсын. Уақыт, уақыт, куәсің сен бәріне, Нұр төгеді сиқырлы кітап біздерге. Денсаулықтың әліппесі әрқашан, Жыр шашады қуана мына еліне. 1-жүргізуші:Ендеше, осы денсаулықтың әліппесін әрқашан жадында ұстанатын белсенді де білгір, денсаулығы мықты, спорт десе, ішкен асын жерге қойып, спортты сүйетін топтардың жетістіктерін марапаттау рәсіміне көшелік. 2-жүргізуші: Марапаттау рәсімін әділқазылар алқасына береміз. (Әділқазылар алқасы марапаттау рәсімін өткізеді) 1-жүргізуші: Ұрпақ керек ертеңгі алға, Болашақты болжайтын. Дені таза, тәні таза, Елін, жерін қорғайтын! 2-жүргізуші: Денсаулық-басты байлық өмірдегі, Нәр беретін асыл ғой көңілдегі. Салауатты өмір салтын насихаттап, Атанайық жақсы азамат өңірдегі. 1- жүргізуші:Еліміздің болашағы- дені сау азаматтардың қолында. Денсаулықтың кепілі – салауаттылық. 2- жүргізуші: Салауатты өмір салтын сақтап, болашағымызды сәулелендірейік! «Толағай» сайысы осымен тәмамдалды. Белсенділік танытып, тамашалағандарыңыз үшін көп-көп рахмет! жүктеу/скачать 1.82 Mb. Достарыңызбен бөлісу:
|