Сабақ барысы: І Ұйымдастыру кезеңі

І кезең а)Білетін білімдерін қайталау

Тақырыпты меңгеру кезеңдері:

Вертикаль сызылған координаталық түзу қалай аталады?

Горизанталь сызылған координаталық түзу қалай аталады?
Қиылысатын екі түзудің ортақ неше нүктесі болады?
Неліктен нүктелер координаталары реттелген сандар жұбын құрайды?

• 
  Кесіндінің екі ұшының координаталары арқылы оның ортасының координаталарын қалай табуға болады?
  
• 
  Кесіндінің бір ұшының және ортасының координаталары арқылы оның екінші ұшының координаталарын қалай табуға болады?
  

Қиылысатын түзулер жазықтықты неше тікбұрышқа бөледі? 

Координаталық ширек нені бейнелейді?

Координаталық жазықтықтағы нүктелердің координаталары қалай аталады?

І кезең.Нүкте мен түзу геометрияның негізгі ұғымдары. Нүктені латын алфавитінің А,В,С әріптерімен, ал түзуді кіші а,в,с әрпімен белгілейді.

Нүктенің координаталық түзудегі орны бір ғана санмен анықталады. Оң сандар мен теріс сандар және 0 саны координаталық түзуде`(сан түзуінде) кескінделеді. Оң бағытқа қарама-қарсы – теріс бағыт деп аталатын бағытта теріс сандар кескінделеді.Өзара 90⁰ бұрыш жасап қиылысатын екі түзу перпендикуляр түзу деп аталады.

Өзара перпендикуляр екі түзу жүргізейік. Горизонталь осьті х-пен белгілеп, оны абсцисса осі деп, ал вертикаль осьті у-пен белгілеп, ордината осі деп атаймыз. Олардың О қиылысу нүктесін координаталар басы деп атаймыз. Санақ басы О нүктесінде қиылысатын өзара перпендикуляр екі координаталық түзу тік бұрышты координаталар жүйесін құрайды

Тік бұрышты координаталар жүйесі орналасқан жазықтық тікбұрышты декарттық координаталар жүйесінде координаталық жазықтық деп аталады. Бұл жүйені хОу жүйесі деп аталады.

Берілген нүктенің абсциссасы мен ординатасы нүктенің координаталары деп аталады. Нүктенің координатасын жазу кезінде рет сақталады, бірінші орынға абсциссаны, екінші орынға ординатаны жазады.

Координаталық осьтер жазықтықты төрт бөлікке –І,ІІ, ІІІ, ІV координаталық ширекке бөледі. Ширектердің рет саны сағат тілінің қозғалыс бағытына қарсы бағытта анықталады. Алдымен әрбір ширектегі абсциссалардың таңбалары , содан соң ординаталардың таңбалары жақшалардың ішінде көрсетіледі.
Әр ширекте екі координатаның да таңбалары сақталады.

Нүкте абсцисса осіне тиісті болса,онда оның ординатасы нөлге тең.

Нүкте ордината осіне тиісті болса , оның абсциссасы нөлге тең.

Координаталар басының абсциссасы да, ординатасы да нөлге тең О(0;0)