НЕДИ АДАМ? Келям бла Къалам – Буду Адам. НЕДИ ПОЭТ?

БИЗНИ КЪУТХАРЛЫКЪ

Сёзге таянама алай,

Таяннганча Ташха, Терекге.

Кёкден къарагъан Джулдуз бла Ай

Мени – Джер адамны – тартады Кёкге.
Кёкден эннген Сёзню кёлеккесиди

Джюрекден чыкъгъан Сёз да.

Чексиз джууукъ-узакъ Кёкге къарай,

Джумулады кёз да.

Дайым къуллукъ этеме анга.

Халкъ поэти тюл, Хакъ поэти –

Олду эм сыйлы ат джазгъаннга.

Къазауат этмеген Шайыргъа саналырмы?

Адамны, адам улуну къутхарыргъа кюрешмеген,

Адамлыкъ, ёзденлик ючюн сермешмеген –

Кесини адамлыгъын, ёзденлигин да сакълаялырмы?
Адам – джаныуаргъа, Халкъ да – сюрюуге

Бурула баргъанын кёре туруб,

Къазауат этмей эсенг ёрге туруб –

Сора, къаллай адамса, шайырса сен?!

Къалай тынгылайды быллай кюнде?

Душман халкъны динсиз, тилсиз, джуртсуз эте тургъанда да,

Тынгылаб тургъан –

Ол къаллай имамды, шайырды, адамды?!
Сёзге таянама алай,

Таяннганча Ташха, Терекге.

Кёкден къарагъан Джулдуз бла Ай,

Тартханлай турады Кёкге.

Аякъ юсюне сюейди мени.

Джаным саулай къоймай ёлюрге,

Кёлюмю этеди Минги.

Халкъны Сёз бла уятыргъа, сагъайтыргъа кюрешеме,

Халкъны Сёз бла джакъларгъа, сакъларгъа кюрешеме.

Сауутум-сабам сёз болгъаны ючюн.

Халкъ поэтле туралла тынгылаб.

Мен – Хакъ Поэти – алагъа къараб:

«Поэт да тюлсюз, Адам да тюлсюз»,- дейме.

Тынгылаб тургъан айдынланы барына –

Миллетёкюллеге, имамлагъа, тарихчилеге, джазыучулагъа... –

Барына, барына береме налат.

Анга ийнанама, анга таянама –

Керти Сёздю бизни къутхарлыкъ джангыз.

Къарайды Кёкден да, кёлден да, байракъдан да Ай бла Джулдуз.

Ёлсем да, сын ташымдан къарарыкъды Ай бла Джулдуз.

ХАКЪ СЁЗ

Шимал Каваказны къушу Къарачай,

Сеннге джууукъду Джулдуз бла Ай.

Алгъынча сюеледи Хасаука,

Огъурсуз къарай душманнга-джаугъа.
...Джылла, ёмюрле ётдюле,

Темирле, Къурчла кетдиле.

Халкъ кючлюдю къурчдан, темирден –

Къайытды тутмакъдан, сюргюнден...

Джуртубузну, тилибизни, тарихибизни да сыйырыргъа.

Нарт алан атыбызны да алыргъа кюрешелле бизден.

Амантиш сатлыкъла да чыгъалла ичибизден.

Бизни блады Джулдуз бла Ай.

Бошуна кёрюнмейди Къарча –

Юсюнде кюбеси, къылычы – къолунда.

Къатында – Адурхай, Будиян, Трам эмда Науруз;

Ызындан – Ачемез, Татаркъан, Умар, Джатдай...

Огъай, хорланныкъ тюлдю Къарачай.

Кёл эте къарайды Кёкден Джулдуз бла Ай.
Таулучукъла Минги таулула бола,

Душманладан къаныбызны ала,

Биз болурбуз бурун кибик кърал –

Хакъ азанын къычырады Хакъ поэти Билал.

Болгъанны, боллукъну билген амма – Бушай,

Ол да эсибиздеди, кёлюбюздеди, биргебизгеди.

Ол да айтханды: «тутуллукъду, сюрюллюкдю Къарачай,

Алай а, къайытырыкъды Джуртуна Къарачай,

Аны сюрдюрген итле ёлгенден сора,

Сталинле, Берияла кетгенден сора».
Абдуллах шыйых да кёрюнеди таулада,

Шакай улу Хаджи да – къатында.

Къабыл бола дууалары аланы,

Душманлагъа кючлетмезбиз тауланы.

Минги Таулу байракъны Минги Таугъа тагъарбыз.

Кёгюнден, кёлюнден, байрагъындан да къарай, Джулдуз бла Ай,

Хорланмай джашар джуртунда Къарачай.

ДЖАШАГЪАНДАН ДЖАШАЙ БАРСАМ

Кючлю эсе да джел-боран,

Мен анга джалбаралмам.
Джашагъандан барсам джашай,

Ушагъандан барама ушай

Ташха, Терекге.

Болама джууукъ

Джерге эмда Кёкге.
Сюймекликден джана-кюе,

Башын Джерге атхан джулдузгъа

Ушайды джюрегим.

Ой джулдуз таш, Къадау таш, –

Сын-суратыса сен джюрегими.
Ой тас болуб къалгъан джулдуз джюрегим,

Таш болуб къалгъан джулдуз джюрегим.

Алай а, тураса сен,

Къара ташча тюл, Кяба ташча тюл,

Джулдуз дуууача Джуртуму кёкюрегинде.
Ай Кёкге термилген джашил нарат –

Джуртда Джангыз Терек.

Эки кере кесилген Тейри Терек.

Бир кере джарым моллала,

Экинчи кере имансыз коммунистле

Кесген керамат Терек.

Сеннге да ушайды мени джюрегим.

Алай а, Сен – сауса.

Бир нарат чегет сау болуб дунияда,

Бир джашил терек сау болуб дунияда.

Сеннге ёлюм джокъду.
Кёкден эннген келечича,

Кёрюнеди кёзюме Къадау Таш.

Джерни Кёкге келечилерине,

Кёкге узалгъан адам къоллагъа

Ушайдыла чегетле, терекле да.
Ташха, Терекге ушайды

Джюрегим, кёлюм.

Адам джюрегини кюзгюсю, белгиси болгъан,

Кёк бла Джерни байлаб тургъан

Къарачайны Къадау Ташына

эмда

Джуртда Джангыз Терекге –

Экисине джокъду ёлюм.

Кёреме, билеме:

Ташын, Терегин сакъламагъан халкъгъа

Келеди ёлюм.

Ташданды, Терекденди, Джерденди, Кёкденди

Джюрегим-кёлюм.
Джулдуз Кёкден тюшюб,

Бауурланнганды Джерге.

Терек а Джерден чыгъыб,

Барады Кёкге.

Сын таш да сюеледи Джерде,

Мангылайында джулдуз бла Ай...

Саумуду сени Ташынг, Терегинг,

Саумуду сени кёлюнг-джюрегинг?

Тынгылайды Къарачай.

жүктеу/скачать 2.02 Mb.

Достарыңызбен бөлісу: