Гимнастикадан оқу-жаттығушылық жарыстар және жиындар өткізу.
Жаттығушылық жұмыстың есебі және жоспарлаудың сипаты, мазмұны, түрлері.
Қимыл координациясы. Қимыл координациясы жетілген ойыншы ең тиімді қимыл әрекеттер таңдауда қателеспейді. Ең қиын деген қимылдар жаттығушының орындауында ең оңай болып көрінуі мүмкін, өйткені ол кез келген тәсілді қолдануға ең аз мөлшерде күш қуат жұмсайды. Координацияны арнайы жаттығулардың көмегімен дамытуға болады.
Координация гимнасшыға өзінің қимылдарын дұрыс жасауға негіз болады. Координациясы жақсы жаттығушы өзінің кинестетикалық сезімдерінің арқасында қимылды жақсы сезеді және осы сезімін қайталау арқылы шыңдай түседі. Дұрыс техника мен тынбай жаттығу координациясы нашар жаттығушыға табысқа жетуіне мүмкіндік береді. Жаттығуды үзбеу керек, сонда жеңіс нәтижелі болады.
Қимыл координациясының маңызды бір аспектіне гимнастикалық құрылғыларда қашықтығын дәл таба білу жатады. Қолдың қимылы мен көздің жұмысының үйлесімге келуі секундтың оннан бір бөлігінде жүзеге асады, көз мөлшерінен және қол мөлшерінен қате кетпеуі керек. Көзбен нысанаға дейінгі қашықтық анықталады. Дененің жекелеген бөліктерінің қимылдарын үйлестіру көбінесе осы анықталған қашықтыққа байланысты болады да, негізінен алғанда саусақ қимылы, білезік пен иық қимылын үйлестіруден тұрады. Қашықтықтың ұзақтығына немесе қысқалығына қарамастан, қолды шынтақ тұсынан тіке ұстау керек, ал білезік болса өзінің табиғи қимылдарын жасайды.
