Лекция жинағы Пәні: «Мектепте қашықтықтан оқыту сабақ әдістемесі»
Желілік технологияның жалпы функционалдық талаптары
жүктеу/скачать 1.07 Mb.
|
| 2. Желілік технологияның жалпы функционалдық талаптары.
3. Желілік технологияны техникалық қамтамасыз етуге қойылатын талаптар. 4. Желілік технологияның бағдарламалық жасақтамасына қойылатын талаптар. Техникалық талаптар 1 кейстік және ТВ технологиясының жалпы талаптары 1.1 Білім беру ұйымында мемлекеттік білім беру стандарттарына сәйкес барлық пәндер бойынша білім беру процесін жүргізуді қамтамасыз ететін арнайы жабдықталған үй-жайлар жиынтығы болуы тиіс. Білім беру ұйымы әрбір мамандық бойынша білім алушының аудиториялық жүктемесін, телевизиялық, компьютерлік, желілік және басқа да орталарда сабақтар өткізуді толық көлемде қамтамасыз етеді. Бұл ретте барлық білім алушылар ауысымдылықты ескере отырып, қашықтықтан оқыту үшін жарақтандырылған оқу жұмыс орындарымен қамтамасыз етіледі. Жабдықталған оқу жұмыс орындарына білім алушыларға қашықтықтан оқыту құралдары мен негізгі ақпараттық ресурстарға қол жеткізу мүмкіндігін қамтамасыз ететін орындар жатады. Оқу жұмыс жоспарында көзделген зертханалық және практикалық сабақтарды өткізу үшін білім беру ұйымы білім алушыларға осы сабақтарды виртуалды зертхана немесе қашықтықтан қол жеткізу зертханасы арқылы нақты не қашықтықтан оқыту технологияларын қолдана отырып орындауға мүмкіндік береді. 1.2 Телекоммуникация арналарының саны мен өткізу қабілеті, оқу процесінің мамандандырылған және зертханалық жабдықтармен (меншікті, сондай-ақ жалға алынған), білім беру ұйымдарында, қашықтықтан оқыту орталықтарында білім алушыларға білім жеткізу құралдарымен жарақтандырылуы және жеке-жеке нақты уақыт режимінде немесе жазбада қашықтықтан оқытуды іске асыру мүмкіндігін қамтамасыз етуі тиіс. Білім беру ұйымы әрбір білім алушыға тиісті білім беру бағдарламасын немесе оның бір бөлігін игеру үшін қажетті оқу жоспары сағаттарының көлемінде қашықтықтан оқыту құралдары мен ақпараттық ресурстарға қол жеткізу мүмкіндігін қамтамасыз етеді. Білім алушылардың базалық білім беру ұйымдарында, қашықтықтан оқыту орталықтарында және жеке қашықтықтан оқыту құралдарына қол жеткізуін қамтамасыз ету мақсатында білім беру ұйымы телекоммуникация құралдарын сатып алады, жалға алады. 1.3 Оқу процесінің жабдықталуы. Кейстік технологияны пайдалану кезінде білім беру ұйымының: - білім беру ұйымы (оқытушылар) мен студенттер арасында екі жақты байланысты қамтамасыз ете отырып, студенттерге арналған оқу-әдістемелік және оқу-әкімшілік ақпаратты қамтитын беттері бар веб-сайт; - күндізгі уақытта оқытушылармен ауызша кеңес беру үшін бөлінген телефон нөмірлері (көп арналы телефон байланысы). Соңғы талапты орындау электронды поштаны, чатты ұйымдасқан түрде пайдалану, веб-сайтта жиі қойылатын сұрақтар айдарының болуымен ауыстырылуы немесе толықтырылуы мүмкін. Кейстік технология кезінде білім беру ұйымы әрбір білім алушыны мамандықтың оқу жұмыс жоспарының пәндері бойынша оқу Ұсынылған әдебиеттерімен, оның ішінде қолданыстағы мемлекеттік жалпыға міндетті стандарттарға сәйкес келетін электрондық оқулықтармен қамтамасыз етуі тиіс. ТВ технологиясын пайдалану кезінде келесі өткізу қабілеті бар байланыс арналарының болуы қамтамасыз етілуі керек: - білім алушыға - кемінде 2 Мбит/сек; - білім алушыдан-кемінде 8 Кбит/сек. Оқу аудиториясындағы компьютерлер саны және олардың орналасуы санитарлық ережелер мен нормаларға сәйкес анықталады. Барлық компьютерлер жергілікті желіге біріктірілуі керек. Компьютерлік жұмыс орнының конфигурациясы оқу іс-әрекетінің тиісті түрлерінің орындалуын қамтамасыз етуі тиіс. Білім беру ұйымында телекоммуникациялық желіге (Интернет, спутниктік теледидар) шығатын жабдығы, оқытушылар мен әкімшілік персоналға арналған жұмыс орындары болуы тиіс. Оқу процесін толық көлемді интерактивті телекоммуникациялық қолдаумен қашықтықтан білім беру технологияларын қолданатын білім беру ұйымдары үшін бір компьютерге білім алушылардың саны 10 адамнан аспауы тиіс. 100 білім алушыға арналған ұжымдық телеконференция өткізу үшін екі бейнепроекциялық аппаратураның болуы талап етіледі. Жабдық құрамында аудиожазбаларды тыңдау және бейнежазбаларды қарау күні сегіз білім алушыға тиісті жаңғыртушы аппаратураның кемінде бір жиынтығы болуы тиіс. Оқытушылар үшін Компьютерлік жұмыс орындарының саны нормаға сүйене отырып анықталады - күніне үш сағат және төрт оқытушыға бір жұмыс орны. Қашықтықтан оқыту процесін қамтамасыз ету үшін келесі кітапханалық-ақпараттық ресурстар пайдаланылады: мультимедиялық сүйемелдеуі бар мамандандырылған оқулықтар, электрондық оқулықтар, оқу құралдары, компьютерлік тренингтер, компьютерлік зертханалық практикумдар, бақылау-тестілеу жиынтықтары, оқу бейнефильмдері, аудиожазбалар, телекоммуникациялық байланыс арналары арқылы беруге арналған өзге де материалдар. жүктеу/скачать 1.07 Mb. Достарыңызбен бөлісу:
|