Лекция Компьютерлік графика
жүктеу/скачать 52.75 Kb.
|
- Бұл бет үшін навигация:
- Векторлық графика
| Растрлік графика
Растрлік кескіннің ең басты элементі-нүкте. Егер кескін экранда болса, онда бұл нүкте пиксель деп аталады. Компьютердің операциялық жүйесі экранның қай графикалық мүмкіндігіне қойылғанына байланысты, экранда 640х480, 800х600, 1024х768 және одан да көп пиксельдері бар кескіндер орналасуы мүмкін. Кескіннің өлшемімен оның мүмкіндігі тікелей байланысты болады. Осы параметр нүктелерде дюйм (dots per inch-dpi) арқылы өлшенеді. Монитордағы диагональмен 15 дюймді кескін өлшемі экранда шамамен 28х21 см-ді құрайды. 1 дюймде-25,4мм болатындығын білсек, монитор 800х600 пиксель режимде жұмыс істегенде, экранды кескіннің мүмкіндігі 72 dpi-ге тең екендігін есептеп шығара аламыз. Ал басу кезінде мүмкіндік әлдеқайда жоғары болуға тиіс. Толықтүсті кескіндердің полигрофиялық баспасы 200-300 dpi мүмкіндікті қажет етеді. 10х15 см өлшемдегі стандартты фототүсірілім шамамен 1000х1500 пиксельдерден тұруы керек. Мұндай кескіндердің 1,5 млн нүктелерден тұратындығын да анықтау қиын емес. Ал егер түрлі-түсті кескін болса және әр нүктенің кодталуына 3 байт жұмсалса, онда түрлі-түсті фотография массивінің өлшемі 4 Мбайт-тан жоғарыға сәйкес келеді. 1. Көлемнің үлкендігі –растрлік кескінді қолданудағы ең негізгі мәселе. Журнал беттеріндегідей үлкен өлшемді иллюстрациялармен белсенді түрде жұмыс жасау үшін аса үлкен өлшемді оперативті (негізгі, басты) жады (128 Мбайт және одан да көп) бар компьютер қажет. Мұндай компьютерлерде жоғары өнімді процессорлардың болу керектігі өзінен-өзі түсінікті. 2. Растрлі кескіннің екінші бір кемшілігі: детальдарды үлкейтіп көрсетуге аса қолайсыз. Кескіндер нүктелерден құралатындықтан, кескіндерді үлкейткенде бұл нүктелер ірі болып қана көрінеді. Растрлік кескіндеуде қосымша детальдарды үлкейтіп көру мүмкін емес. Оның үстіне, растрлі нүктелерін үлкейту иллюстрацияны визуальді түрде бүлдіреді де, оны ұлғайтып көрсетеді. Бұл эффект пиксельдеу деп аталады. Векторлық графика Растрлік графикда кескіннің басты элементі нүкте болса, векторлы графикада кескіннің негізгі элементі сызық немесе (оның түзу сызық немесе қисық сызық болуы маңызды емес) болып табылады. Растрлік графикада да сызықтар бар, бірақ онда олар нүктелер комбинациясы ретінде танылады. Растрлік графикадағы әрбір нүкте үшін бір немесе бірнеше жад ұялары (нүктелерде қаншама көп түс болса, соншама ұя) бөлінеді. Растрлік сызықтың ұзындығы қаншалық ұзын болса, соншама көп жадты өзіне иемденеді. Векторлық графикада сызыққа орналасқан жад көлемі сызықтың көлеміне қатыссыз, оған бағынбайды. Өйткені сызық формула түрінде көрінеді, дәлірек айтқанда, брнеше параметр түрінде көрінде. Бұл сызықтармен не істесек те, жад ұясында сақталған параметрлері ғана өзгереді. Ұя саны кез-келген сызық үшін өзгеріссіз қалады. Сызық - векторлы графиканың ең ұсақ (элементарлы) обьектісі болып саналады. Векторлы иллюстрацияда тұрғандардың бәрі сызықтардан құралады. Қарапайым обьектілер күрделірек болып бірігеді, мысалы, төртбұрыш обьектісін байланысқан төрт сызық деп қарастырамыз. Ал куб обьектісі аса күрделі. Мұны не он екі сызық ретінде, не байланысқан бұрыштар ретінде қарастыруымызға болады. Векторлық графикаға осы тұрғыдан келуді көбінесе обьектілі-тұспалдаушы графика деп атайды. Біз векторлы графиканың обьектілері жадта параметрлердің терімі күйінде сақталады дедік. Бірақ бәрібір барлық кескіндердің нүкте түрінде шығарылатындығын ұмытпауға тиіспіз. Өйткені экран осылайша құрылған. Әрбір обьектіні экранға шығару алдында программа обьект кескінінде экран нүктелерінің координат есебін шығарып көрсетеді. Сондықтан векторлық графиканы кейде есептеуші графика деп атайды. Анологиялық есептеуді обьектіні принтерге шығару кезінде де көрсетеді. Басқа обьектілер сияқты сызықтардың да өзіндік қасиеттері болады. Ол қасиеттерге сызықтың формасы, оның қалыңдығы, түсі сипаты (тұтас, пунктирлік және т.б) жатады. Тұйық сызықтардың (толтыру) қасиеті болады. Тұйық контурының ішкі жағы түрлі түспен, текстурамен, картамен толтырылуы мүмкін. Егер қарапайым сызық тұйықталмаса оның екі шыңы болады. Олар тораптар деп аталады. Бұл тораптардың да сызық шыңының қалай көрінуіне және екі сызықтың бір-бірімен түйіндеуіне байланысты өзіндік қасиеттері болады. Векторлы графиканың математикалық негіздері Векторлы графиканың негіздерінде геометриялық фигуралардың өзіндік қасиеттері жайлы математикалық амалдар жатады. Жоғарыда айтқанымыздай, сызық векторлы графиканың қарапайым обьектісі болып табылады. Сондықтан векторлы графиканың негізінде ең алдымен математикалық амалы жатады. Төменде бірнеше сызық түрлерін қарастырамыз. Алдымен нүктеден бастайық. Нүкте Нүкте жазықтықтағы координаттың бас жағына қатысты түскен нүктенің қалпын анықтайтын екі санмен (х,у) беріледі. Түзу сызық Түзу сызықтың тапсырмасы үшін екі параметрдің жеткілікті екендігі алгебра курсы бойынша бізге белгілі. Әдетте түзу сызықтың графикасы у=кх+в теңдігі белгіленеді. К және в параметрлерін біле отырып, белгілі координат жүйесіне шексіз түзу сызықты салуға болады. Түзу кесінді Түзу кесіндіге берілетін тапсырманы орындау үшін біз қос параметрлерді, мысалы, кесіндінің бас жағы мен ұш жағының х1 және х2 координатасын білуіміз керек. Сондықтан түзу сызықты көрсету үшін төрт параметр қажет. жүктеу/скачать 52.75 Kb. Достарыңызбен бөлісу:
|