- Қазақ лирикасының табиғатын ғылыми тұрғыдан зерттеу жұмыстарының басталғанына да бірнеше ширекті ғасырлар өтті. Қазақ лирикасының зерттелу тарихы өте күрделі үдерістерден тұрады. Қазақ өлеңінің өрімі мен өзегіне көз жүгірту нышандары заманымыздың ХVІІІ–ХІХ ғасырларында бастау алса, ғылыми-әдеби тұрғыдан шынайы зерттелуі ХХ ғасырдың басынан басталады.
- ХХ ғасырдың алғашқы ширегінен бастап, бүгінгі дамуына дейінгі аралықты қамтыған бұл зерттеулердің басты мақсаты: кім, қашан, қалай зерттеді? – деген сұрақтар көкжиегін кеңейте түсуді көздегенін айта отырып, зерттеу нысанына алынғанын еңбек авторларының қазақ әдебиеттануына қосқан үлесі мен ендірген жаңалығын анықтап, айқындау да, екшеп, сұрыптап жинақтау да үлкен мұраттың бірі болып табылады. Қазақ лирикасын зерттеушілердің ұлт өлеңінің өткен даму тарихына байланысты ой-пайымдарының (зерттеулерінің) ізгі нәтижелеріне сүйене отырып, әдебиеттану ғылымының қол жеткізген табыстарының да қорытындысын саралауға мүмкіндік берілді.
Достарыңызбен бөлісу: |
