I және II кезеңдерде (2011-2015 жж.)

Жамбыл ауданында алдағы бес жылда ерікті бәсекелестікті дамыту және тауарлар мен қызметтер нарығына теңдей қолжетімділікті қамтамасыз ету арқылы бизнестің экономикалық белсенділігінің өсімі үшін жағдайлар жасалады.

Қойылған міндетті іске асыру мақсатында келесі іс-шараларды өткізу көзделуде:

1. 2010-2014 жылдарға арналған Жамбыл ауданын үдемелі индустриялдық-инновациялық дамытудың мемлекеттік бағдарламасы шеңберінде жаңа инвестициялық жобаларды, сондай-ақ «Бизнестің жол картасы -2020» Бағдарламасы аясында өндірісті модернизациялауға және кеңейтуге бағытталған жобаларды қолдау;

2. Бизнес үшін әкімшілік тосқауылдарды қысқарту бойынша өңірлік үйлестіру кеңесінің жүйелі жұмысын жалғастыру;

3. Нормативтік құқықтық базаны жетілдіру бойынша ұсыныстар әзірлеу;

4. Кәсіпкерлік субьектілерін қаржылық даму институттарының қаржылары есебінен кредиттеу;

5. Кәсіпкерлер форумдарын, отандық тауар өндірушілер жәрмеңкелерін өткізу;

6. Кәсіпкерлермен түсіндіру семинарларын, тренингтер, дөңгелек үстелдер өткізу, шағын және орта кәсіпкерлік субьектілері үшін буклеттер және әдістемелік құралдар шығару;

7. Жаңа кәсіпкерлерді тарту мақсатында өңірлік рыноктар, тауарлар мен қызметтерге сұраныстар туралы ақпарат жинауды, талдауды және жариялауды ұйымдастыру;

8. Негізгі рәсімдер мен қызмет нәтижелерін жариялауды қоса салғанда жергілікті мемлекеттік басқару органдары қызметінің ақпараттық ашықтығын арттыру;

9. Жергілікті мемлекеттік басқару органдарының рынок субьектілерінің шаруашылық қызметіне тікелей қатысуын азайту;

10. Мемлекеттік органдардың стратегиялық жоспарларына экономиканың салалары мен секторларын монополиясыздандыру және бәсекені дамыту мақсаттарын енгізу.
4.1.6. Мақсат: Тиімді сауда саясатын жүргізу

Индикаторлар, көрсеткіштер атау	1 кезең			2 кезең
	2011	2012	2013	2014	2015
Мақсатты индикаторлар: Сауданың алдыңғы жылға НКИ, %, (2009ж.-44,6%)	105,0	104,0	104,0	104,0	104,0
4.1.6.1 Міндет: Сауда инфрақұрылымын жетілдіру арқылы сауда тиімділігін арттыру, сауда саласындағы еңбек өнімділігін жоғарылату.
Сауда кәсіпорындарының жалпы алаңы, (2010ж.-579,5 шаршы. м.)	701,5	706	728	754	792
1000 адамға шаққанда сауда алаңдарымен қамтамасыз етілу, 2010ж-6,6)	7,9	8,6	8,6	8,6	8,8
Қол жеткізуге жауаптылар. Аудан әкімдігінің кәсіпкерлік және ауыл шаруашылығы бөлімі

Қол жеткізу жолдары: I және II кезеңдерде (2011-2015 жж.) өткеру рыногын кеңейтуге және отандық тауар өндірушілер өнімін жылжытуға ықпал ету, шекара маңы саудасын, сауда ифрақұрылымын дамыту жөнінде келесі шаралар қамтамасыз етілетін болады:

- тұтыну бағалары индексін тұрақтандыруға, инфляцияның болжамданған деңгейін белгіленген 6-8 % коридорында ұстап тұруға ықпал ететін кешенді шаралар көлемін әзірлеу;

- бөлшек саудада сатылатын азық-түлік тауарларының негізгі түрлеріне бағалар, сондай-ақ өндіруші кәсіпорындардың сату бағаларының мониторингі;

- аудандағы бағаларды тұрақтандыру мәселелері бойынша өзара ынтымақтастық туралы меморандумдар жасау;

- әлеуметтік сауда нүктелерін, жылжымалы сауда павильондарын ашу;

- тапшылығы немесе бағасы көтерілуі болжамданып отырған азық-түлік тауарларын қажетті көлемде резервтеу жөнінде шаралар қабылдау;

- қысқы кезеңде жеміс-көкөніс өнімін сақтауға және оны көтерме-бөлшек сауда желісі, сондай-ақ коммуналдық базарлар арқылы ең аз сауда жүктемесімен сатуға алғышарттарды қамтамасыз ету;

- жылыжай шаруашылығын дамыту;

- тұрақты негізде ауыл шаруашылық жәрмеңкелерін және басқа іс-шаралар өткізу.

4.2. БАҒЫТ. Әлеуметтік саланы және адами әлеуетті дамыту, халықтың өмір сүру сапасы деңгейін арттыру, сапалы әлеуметтік қызметтердің барлық түрлерімен қамтамасыз ету.

- 1 балабақша құрылысы (Түрксіб ауылы).

Мектепке дейінгі білім беру қызметтерінің сапасы мектепке дейінгі ұйымдардың материалдық-техникалық базасын нығайту есебінен арттырылады.

2011-2015 жылдары мектепке дейінгі ұйымдарға 1055 орын енгізіледі, олардан: 2011ж – 140 (Жасөркен), 2012ж – 420 (Аса-280, Айшабибі-140), 2013ж - 355 (Өрнек-75, Түрксіб-280), 2014ж – 280 (Пригродное-280), 2015ж – 1 бірлік.

Өңірде 100 % мектептерді Интернетке қосу және оқушылардың Интернетте жұмыс істеу уақытын ұлғайту қамтамасыз етіледі. Кем дегенде 16% жалпы орта білім ұйымдары электрондық оқыту жүйесіне қосылады. Мектептердің материалдық – техникалық базасы интерактивтік жабдықпен және жаңа модификациялы мамандандырылған кабинеттерімен, спорт залдарымен, зертханалардың арнайы жабдығымен және құралдарымен күшейтіледі.

Аудан бойынша 2012 жылы 2 мектепте (Абай және Октябр-Жеиіс) күрделі жөндеу жүргізіледі, олардың тіршілікті қамтамасыз ету инфрақұрылымы қайта жаңғыртылады, ыңғайластырылған жайларда орналасқан мектептер саны барынша қысқарады.

Орта білім саласындағы қызметтерді көрсету сапасына оқытушылардың біліктілігін жоғарылату және мектеп оқушыларының сыртқы бағалау жүйесіне қатысуы есебінен қол жеткізіледі.

Балалардың құқықтары мен заңды мүдделерін қорғау саласында қамқор отбасыларына, асырап алушылар отбасыларына, патронаттық тәрбиелеуге беру есебінен жетім және ата-анасының қамқорлығынсыз қалған балаларға оңтайландыру жүргізіледі.

Жетім балаларды отбасыларына орналастыру мақсатында қамқоршыларға қарамағындағы балаларды асырауға жәрдемақылық төлемақы түріндегі қамқоршыларды экономикалық қолдау ендіріледі.

Мыналар жоспарланады:

• 
  жетім балалардың және ата-анасының қамқорлығынсыз қалған балалардың мәліметтер базасын жасау;
  
• 
  тәрбиелеуге жетім балаларды қабылдаған азаматтарды осы санаттағы балаларды ұстау үшін қамқоршыларына ақшалай қаржы төлеу арқылы материалдық ынталандыру;
  
• 
  инклюзивтік оқытатын мектепке дейінгі орта білім ұйымдарының желісін кеңейту.
  

«Жұмыспен қамту» автоматтандырылған ақпараттық жүйесін тираждау.

Кәсіптік даярлау және қайта даярлау арқылы жұмыссыздардың біліктілігін жоғарылату.

Еңбек нарығында қажет мамандықтардың мониторингі.

Инвестициялық жобаларды жүзеге асыру арқылы тұрақты жұмыс орындарын құру:

а) жаңа нысандарды іске қосу, жұмыс істеп тұрған кәсіпорындарды кеңейту арқылы 2010 жылы Үдемелі индустриялдық – инновациялық даму бағдарламасы шеңберінде 1 инвестициялық жобаның құрылысы іске асырылып 2011 жылы мұнай өнімдерін өңдеу зауытында 121 жаңа жұмыс орны ашылды.

2011 жылы 2 инвестициялық жобаны жүзеге асырып, 150 жұмыс орындары құрылатын болады (медицина саласына арналған киімдер және бір келкі іш киімдер тігу, темірбетон өнімдерін өндіру бойынша жобалар).

б) шағын және орта бизнесті дамыту.

Жастар тәжірибесін өту үшін әлеуметтік жұмыс орындарын ашу.

Бос орындар жәрмеңкелерін өткізу.

Халықтың әлеуметтік осал топтарынан жұмыссыздарды қоғамдық жұмысқа тарту.

Кәсіпорындармен жұмыс орындарын қысқартуға жол бермеу, қызметкерлерді әлеуметтік қорғау бойынша келісім- шарттар жасау.