Коми национальнöй культуралы сиöм лунъяслöн сюрöс

«Ме радейта» (Радейтчöм йылысь кывбуръяс)

Стенд


Содтöд 4

«Мелілуныс пыдöстöм и помтöм…»

(внекласснöй мероприятие, кывкöртöдалана)

Музыкальнöй сопровождение (радейтчöм йылысь коми сьыланкывъяс) мероприятие заводитчöм водзын. Рыт нуöдсьö залйын. Стенъяс вылын öшалöны шарикъяс, рисуйтöм дзоридзьяс, сьöлöмъяс. Сценасайса стенын гырысьöн гижöма «Мелілуныс пыдöстöм и помтöм». Сцена вылын, бöкынджык сулалö компьютернöй экран, медым петкöдлыны слайдъяс (Приложение 4-1)
Слайд 1	Петöны кык ведущöй, ныв да зон. Рыт нуöдысь 1: Быд мортлöн муслун – öтчыд быдмысь дзоридз, И сетсьö, кыдз и олöм, öти дзик. И уна вояс вомöн восьлалiг Дзик сöмын öтчыд инмас сьöлöм дорöдз. Рыт нуöдысь 2: И инмöдчöмсö сылысь он нин вунöд: Он выльмöд муслун, паськöм моз он веж, Он пышйы сыысь, туй бокö он кеж Ни тулысын, ни букыш арся лунö. Рыт нуöдысь 1: И менам муслун – сiйö сöмын менам, Кöть сэсся сiйö йöзысь бур кöть лёк, Сэн аслам югыд шуд и пемыд шог, Рыт нуöдысь 2: И олöмöйлöн сюрса лыыс сэнi. Мый уна муслун вермас лоны нэмын, Ме ачымöс ог пöръявлывлы, ог. Альберт Ванеев
Слайд 2	Рыт нуöдысь 1: Муслун, сибыдлун, мелілун, радейтчöм – и ставыс тайö ЛЮБОВ. Ми радейтам ас чужаніннымöс, ас бать-мамнымöс да матыссаясöс, радейтам вöр-ваöс, пемöсъясöс. Сідзкö, позьö шуны, мый мортыс оз вермы овны муслунтöг, али вермö? Муслун уна рöма да уна чужöма. А мый сійö сетö мортлы, миян тіянкöд, и вермас-ö мортыс овны муслунтöг? Вайö видлам öтвылысь талун корсьны тайö абу кокни юалöмъяс вылö вочакыв.
Слайд 3	Рыт нуöдысь 2: Регыд лоас Вежа Валентин лун, тайö лунö ми öта-мöдлы висьталам мелі пöсь кывъяс, а мукöд раз сэтшöма окота висьтавны мыйкö сэтшöмöс, ну прöстö сэтшöмöс… Вот кор жалейтан, мый тэ абу гижысь, а вермин эськö Василий Власов моз висьтавны ас радейтчöм йылысь
Слайд 4	Петö велöдчысь да лыддьö кывбур Горбин Павел лыддьö кывбур «Радейтчöм» Перö пыдди – ловъя лолöй, Кывъяс пыдди – сьöлöм висьöм. Тэкöд орччöн – шудöй олö, Тэтöг – уджыс киысь киссьö. Гезтöм гезйöн менö домин, Лун шöр лунö вöчин синтöг. Кöртысь асык морöс вомöн Пуктiн меным ловъя шытöг. Кöсъя туйö петны-мунны – Туйыс помассьöма, пöдса. Кöсъя вунöдчыны унмын – Аддза тэнсьыд войся вöттö. Пана тöдсаяскöд сёрни – Тэнад нимыд песö кылöс. Сöмын эновтчыны сёр нин, Шуа: «Радейта ме нылöс. Сылöн сьылöм – помтöм вöр-ва, Сылöн нимыс – асъя кыа. Сылöн вом дор – öмидз кöра; Сылöн юрси – Эжва гыяс».
Слайд 5	Рыт нуöдысь 1: Муслун – сійö öти боксянь содтö вын, ышöдö вöчны ыджыд торъяс, а мöд боксянь чужтö сьöлöмын эскытöмлун, майшасьöм. И татшöм уна пöлöс кылöмъяс öзтöны морт пытшкы енбиа ру. Серпасалысьяс лöсьöдалöны ассьыныс медся вына картинаяс, кодъяс олöны оз öти нэм да шензьöдöны ас мичлуннас оз öти морт нэмсö. А ті тöданныд, мый серпасасьны позьö не сöмын краскаясöн, карандашьясöн, но и кывъяснас. Зэв бура тайö артмö Михаил Елькинлöн «Муслун йылысь гижа кывбурын».
Слайд 5	Велöдчысь петö да лыддьö кывбур Будрина Юлия лыддьö кывбур «Муслун йылысь гижа» *** Муслун йылысь гижа Арся гöрдас-вижас. Арся кöдзыд руас, Енэжас и муас. Гижа сэсся тöлын Едждöм мöдлапöлöс, Зумыш козъя вöрас, Ыргöн тöлысь шöрас. Югыд тувсов лунö Гижа уна-уна Рöмпöштанас-тыас, Лэбач дзользьöм шыас. Гижа гожся войö Сьöлöм гажöн-дойöн… Сэсся арся вижас, Воас кад да, гижа. Гижа – быттьö бöрда Рытъя кыа гöрдас… Гижа – быттьö сьыла… Кор тэ менö кылан?
Слайд 6	Рыт нуöдысь 1: Пöмнитанныд «Снежная королева» мойд, кöні Кай нима зонкалы сьöлöмас веськалö стеклöтор, и сійö öзйö муслунöн Снежная королева дорö. Сідзжö и медводдза муслун локтö морт дорö юасьтöг, тöдлытöг. Садьман öти асылö и аддзан, мый орччöн олысь ныв либö зон лои мичаджык, донаджык. А збыльысь, кутшöм сійö - медводдза любов? Коми гижысь Александр Некрасовлöн эм «Первой муслун» кывбур. Чайта, сэсь ми аддзам вочакыв.
Слайд 6	Велöдчысь лыддьö кывбур Политова Олеся лыддьö «Первой муслун» кывбур Быдöн дiнö волö первой муслун, Быдöн кывлö сьöлöмыслысь дой. Сiйö дойыс дыркодя оз куслы – Узьтöг кольö лыдтöм-тшöттöм вой. Думайтан сэк сöмын öти йылысь, Кодi торкис тэнсьыд чöскыд ун. Думайтан да казьтылан тэ выльысь, Аддзысинныд кыдзи – первой лун. Кажитчö, мый сытöг здук он вермы Нюжöдны тэ ассьыд шуда нэм, Но он тöд, он тöд, мый колö керны, Медым сiйö кисö мыччис тэн. Первой муслун быдöн дiнö волö, Сiйö сöстöм, кыдзи вöрса ёль. Сöмын татчö пасйыны тшöтш колö, Мый оз быдöн пиын сiйö коль.
Слайд 7	Рыт нуöдысь 2: Быд гижысьлöн муслун ас: ас рöма, ас форма, ас образа. А кутшöм муслун тіян? Мый ті эськö серпасалінныд лист вылö: кутшöм рöм либö предмет. Юксьöй ас мöвпъясöн. Залкöд уджалöм. А Альберт Ванеев со мый гижö «Кутшöм овлö муслун» кывбурын.
Слайд 8	Велöдчысь петö да лыддьö кывбур Феофилова Елена лыддьö «Кутшöм овлö муслун» кывбур Муслун – сiйö югыд сöстöм кодзув, Тэрыб бордъяс вылын лэбысь вой. Муслун – сiйö кокньыд, мича бобув, Колана и чöскыд сьöлöм дой. Муслун – сэки майшась тэ да вежöгт, Курыд синва кисьтны уна вель. Муслун – сiйö бытшкасяна лежнöг, Сьöлöм пытшкö йöрмöм чорыд жель. Кутшöм кöть оз овлы эськö муслун, Асьным кöсъям, некор мед оз куслы!
Слайд 9	Рыт нуöдысь 1: «Ок эськö, вöлікö ме …» либö «вöлі бы менам …» - кымынысь ми шулам тайö кывъяс. Урок вылын окота мед велöдысь эз кор дöска дорö, вед талун эн вöч гортса удж; перемена мед вöлі кузьджык, мед неуна дырджык öласьыштыны коридорын; гортын мед лэдзисны дырджык кежлö гуляйтны… А радейтысь морт? Мый эськö сійö кöсйö, мый йылысь мöвпалö. А гашкö, сійöс жö мый и ставöн? Вочакыв тайö юалöм вылö тöдö Александра Мишарина
Слайд 9	Велöдчысь петö да лыддьö кывбур Гордеев Алексей лыддьö «Сувтны эськö пелысьöн» кывбур Сувтны эськö пелысьöн Тэнад öшинь улö. Дзоридзавны син водзад, Гажöдны быд тулыс. Лоны эськö шондiöн, Суны узянiнад. Шоныд, мелi югöрöн Инмöдчыны дiнад. Петны эськö тöлысьöн, Югдöдны мед войсö. Висьö кö том сьöлöмыд, Юкны öтмоз дойсö. Лэбны эськö лун тöлöн, Тэнö туйысь корсьны. Тöдлытöгыд сывйыштны, Шöвк юрсинад ворсны. Сьывны эськö колипöн, Гажöдны мед тэнö. Сöмын, муса мортанöй, Абу тай тэ менам.
Слайд 10	Рыт нуöдысь 2: А кыдз ті чайтанныд, радейтысь морт смел? Смел, но сэкжö и полыштö, полö, мый сійöс оз гöгöрвоны, öтдортасны, и та вöсна унаöн оз лысьныны висьтавны ас чувствояс йылысь, та йылысь жö гижö ас кывбурын и Эдуард Тимушев
Слайд 10	Велöдчысь лыддьö кывбур Мартюшева Валенрия лыддьö «Ме радейта, но яндыся» кывбур Ме радейта, но яндыся и пола, Кöть сöмын тэнад мичлунöн и ола. Ме радейта, но шогыс помся йирö, И, гашкö, коркö, кöдзалас на вирöй. О, менам муслун! Кутшöма тэ сёрмин! Ме радейта, а сьöлöм дзикöдз нормис. Но шоныд сыысь, му вылас мый олан… Ме радейта, и яндыся, и пола.
Слайд 11	Рыт нуöдысь 1: Медводдза любов, раз эм сійö, сідзкö эм и мöд и коймöд… ми тöдам нин кутшöм радейтчöмлöн рöмъяс, кутшöм образъяс, тöдам, мый радейтысь морт – тайö висьысь морт, кодöс он бурдöд таблеткаясöн. А мый чувствуйтö морт, кор заводитö бурдöдчыны, кор сы дорысь мунö любов? Ас мöвпъяс та серти гижис миян землячканым Нина Обрезкова, мый сійö висьталö, вайö тöдмалам.
Слайд 11	Велöдчысь лыддьö кывбур Политова Кристина лыддьö «Кор миян дорысь мунö» кывбур Кор миян дорысь мунö медводдза любовь Да аслас чегöм борднас вевттьö мусö, Сэк быттьö öшкамöшка ньöжйöникöн кусö, Да кöнкö сьöлöм дорын сибдö лов. И кажитчö, мый оз нин бергав муыс, И кадыс тшöкмунö, и воштö ассьыс öд… Но вояс кольöны… И разалыштö руыс – И со нин му выв ёртыд кодкö мöд. И сöмын коркö другысь садьман войнас И кылан, кыдзи сьöлöм петö ортсö – Тэ корсян, коран радейтана морттö – Но бара колян öтнад аслад дойнад…
Слайд 11	Рыт нуöдысь 2: Тайö жö тема вылö эм мича кывбур Эдуард Тимушевлöн. «Тайö кывбурсö сиа тэныд» татшöм кывъясöн заводитчö сійö
Слайд 11	Велöдчысь лыддьö кывбур Бугуева Мария лыддьö «Тайö кывбурсö сиа тэныд» кывбур Тайö кывбурсö сиа тэныд, Менам мусаник сьöлöмшöр. Сьöкыд, сьöкыд зэв ставсö венны, Кодыр нинöм он бергöд бöр. Воас тулыс, но сöмын муслун Менам сьöлöмöдз оз нин во. Миян костын öд ставыс куслiс, Но, а выльысьсö нем оз ло. Гижа кывбурсö сьылан пыдди, Сыын – коркöя шуда вой… Гашкö, кывбурöс он и лыддьы, Таысь нöшта нин йирö дой. Но и мед! Бур, мый му вылас чужлi, Мортöс муслунысь он тай кут… Ме кö радейтны тэнö кужлi, Сiдзкö, тайö нин – ыджыд шуд.
Слайд 12	Рыт нуöдысь 1: Частö-ö ті шуланныд кодлыкö «ме тэнö радейта»? Ичöт челядь луннас некымысь вермасны шуны тайö кывъяс ас бать-мамлы, пöль-пöчлы. Но кымын верстьöджыкöн ми лоам, сымын шочаджыка найöс висьталам. Рыт нуöдысь 2: А муслун – тайö шуд, кодöн колö юксьыны да вöчны шудаöн матыссаясöс. Ставыс заводитчö посниторйысь, колö сöмын заводитны, и сэки «Ме тэнö радейта» лоасны кокни куим кывйöн, кыдзи та йылысь и гижö Юрий Васютов
Слайд 12	Велöдчысь лыддьö кывбур Феофилов Максим лыддьö «Ме тэнö радейта» кывбур «Ме тэнö радейта»,- зэв кокни куим кыв, Но кутшöм сьöкыд öтчыд найöс шуны, Кор тэныд мусмис первойысь том ныв, Кор вирыс кутiс пöртйын сир моз пуны. Ме тэнö радейта. И сы вöсна ог лысьт, Вир-яйöс сотысь мортöй, öтчыд шуны. Век меным кажитчö: сэк муслун лоö кысь, Кор сьöлöм пытшкын нинöм лоö нуны. «Ме тэнö радейта», - зэв кокни куим кыв. Но кымын во ог лысьт ме сiйöс шуны. И сыысь ачым век на быттьö том, Мый ассьым тайна ог сет аслым гуны.
Слайд 13	Рыт нуöдысь 1: Ми тіянлы сиам помтöм и пыдöстöм муслун, век лоны шудаöн, и сьöкыдлунъяс вылö видзöдтöг радейтны асгöгöрса олöм, матысаясöс, чужан му да вöр-ва. Тайö сьыланкывсö ми сиам тіянлы
Слайд 14	Сьылöны гитара улö «Кодзувкот да бобув» сьыланкыв
	Рыт нуöдысь 2: А öні сетам кыв коми кыв да литература велöдысьлы Политова Анна Александровналы
	Анна Александровна: Миян школаын, ті тöданныд, прöйдитісны Коми национальнöй культуралы сиöм лунъяс. Малышъяскöд ми вöчим акань-видзöгöс, 5-öд класскöд ворсім «Пöль-пöчö кудйысь» ворсöмöн, медся тöдысьöс корсим 7-öд класса велöдчысьяс пöвстын, а сідзжö 10 да 11-öд классъясын, 8-9-öд класса велöдчысьяскöд видлім тöдмавны Сыктывкарлысь гусяторъяс. Нывъяскöд велöдчим пöжасьны. А нöшта 5-11 класса велöдчысьяс видлісны ас вынъяс коми кыв да литератураысь школьнöй олимпиалаын. Вермысьясöн миян лоисны: Суслова Анна - 20/21 Мартюшева Валерия - 38/40 Феофилова Елена - 38/40 Павлова Наталья – 25/40 Политова Олеся – 25/40 Политова Виктория – 15/23 Горбин Павел – 13,5/29 Бугуева Мария – 18,5/25 Корам найöс петны сцена вылö грамотаясла да козинъясла. Школаын ми сідзжö нуöдім акция «Муса коми кывйöн уна небöг лыддям» сельскöй библиотекакöд öтув. Январ тöлысьнас миян велöдчысьяс лыддисны 50 небöг коми гижысьяслысь, тайö акцияö пырöдчисны 16 морт, медзіль лыддьысьысьясöн лоисны, дерт жö, ичöт класса велöдчысьяс. Медуна небöг миян лыддисны 2 да 4-öд класса велöдчысьяс. А медся ёна радейтö лыддьысьны комиöн миян школаын Ярова Диана, 2 класса велöдчысь, корам сійöс петавлыны ми дорö (грамота да козин сетöм). Нуöдім ми и серпасалысьяслысь конкурсъяс. 1-4 класса велöдчысьяс участвуйтісны «Чужан сиктöй менам» конкурсын, налысь уджъяс ті верминныд талун аддзывлын. Конкурс вылын пырджык бöрйöны медбур уджъяс, ми жö решитім, мый став велöдчысьяслöн серпасъяс туянаöсь, сідзкö ставöн лоöны вермысьясöн. Корам найöс петны ми дорö: Вурдов Николай, Карпов Руслан, Гордеева Елена, Ярова Диана, Ульянов Данил, Высоких Милана, Политова Евгения, Обрезкова Валерия, Даниленко Валерия. Сідзжö и садикса нывкаяс да зонкаяс лоасны вермысьясöн ставöн, кодъяс примитісны участие конкурсын (ставлы вичмö грамота да козин). Ас вынъяс серпасалöмын видлісны и 5-11 класса велöдчысьяс. Найö лöсьöдісны плакатъяс «Сиктöй шудторйöй, кодзулöй!» тема серти. Тайö конкурсын участвуйтісны 4 класс, быдöнлöн уджыс артмис аслыспöлöс, актуальнöй да мича. И бöрйыны кутшöмкö öтиöс вöлі сьöкыд, та вöсна бара жö примитім решение, мый вермысьясöн лоöны став уджъяс. Командиръясöс корам петавлыны ми дорö (грамотаяс да козинъяс сетöм).
	Ыджыд аттьö кöсъяс висьтавны нöшта налы, кодтöг миян тіянкöд талунъя аддзысьлöм эз бы ло тырвыйöн, а именнö Горбин Павеллы, Будрина Юлиялы, Политова Олесялы, Феофилова Еленалы, Гордеев Алексейлы, Мартюшева Валериялы, Политова Кристиналы, Бугуева Мариялы, Феофилов Максимлы да Павлов Сергейлы, налы, кодъяс гажöдісны тіянöс радейтчöм йылысь кывбуръясöн.
	Та вылын миян ставыс, аддзысьлытöдз!

Содтöд 5

Мöвпалана ворсöм «Медся тöдысь»

Подувнас тайö ворсöмлы лоöма телевизионнöй «Самый умный» ворсöм.

Ворсöм нуöдсьö 7-11-öд класса велöдчысьяслы.

Мунан кад: 1-2 академическöй час.

Колана оборудование: компьютер, проектор, кабалаторъяс да ручкаяс быд ворсысьыслы, карточкаяс букваясöн (А, Б, В, Г)

Ворсöм кежлö дасьтысьöм: котыртны жюри (позьö велöдчысьясысь либö класснöй руководительясысь).

Ворсысьяслöн лыдыс: 5 морт и унджык

Ворсöм артмö куим юкöнысь, эм компьютернöй презентация (Приложение 5-1) .

Сэсся мунö промежуточнöй конкурс – «Дешифровщик», кöні колö тöдмавны Коми кар ним подсказка серти (лыппасъяс индöны шыпасъяс вылö – сотовöй телефонлöн принцип серти). Артмöм вочакывъяс велöдчысьяс пасйöны кабалаторъяс вылö. Ворсöм нуöдысь либö жюри видзöдöны вочакывъяс. «Дешифровщик» отсöгöн тэчсьö мöд раундын ворсысьяслöн сьöрсьöн-бöрсьöн мунöм.

- литература,

- история,

- география,

- мифология,

- биология.

Жюри арталö баллъяс да висьталö кывкöртöдъяс.
III юкöнын велöдчысьяслы сетöм «аслыспöлöслун» кузь кывйысь колö артмöдны мукöд кывъяс (нимтан вежлöга, öтка лыда эмакывъяс). Быд кывйысь судзöдöны 1 балл.

Жюри арталö баллъяс да висьталö кывкöртöд.

Бöрйöны ворсöмын вермысьясöс да чолöмалöны найöс козинъясöн да грамотаясöн.

Содтöд 6

Классный час на тему «О чём молчит Сыктывкар»

(педагогическая мастерская)
Время проведения: особых рекомендаций нет. Проводится в любое учебное время.

Аудитория: 8-11 классы (по усмотрению учителя)

Цель:

• 
  Познавательная: расширить знания учащихся об истории столицы Республики Коми – городе Сыктывкаре;
  
• 
  Обучающая: формировать навыки работы в группе, аналитическое мышление, наблюдательность, а также творческие способности учащихся;
  
• 
  Воспитательная: пробудить интерес к истории своей республики, гордость за ёё богатое историческое наследие, а также формировать чувство личной ответственности, работая в коллективе.
  

Приложения к классному часу: компьютерная презентация (Приложение 6-1)

Поэтому следующее, о чём я вас попрошу это закрыть глаза и на секунду представить себе Сыктывкар. Закрыли глаза. Нарисовали картинку. Теперь на листах бумаги каждый напишите по 2-3 прилагательных, характеризующих наш город.