- тарау. Аумағы және өндірістік бөлмелер

81. Қауіпті объектілер қауіпсіздік белгілерімен, қорғалатын аймақтың және тазалық-қорғаныс аймағының шекарасы бойынша ескерту белгілерімен қоршалады және белгіленеді.

Персоналды, көлікті және өзге техникаға рұқсат ету үшін қауіпті объектілердің аумағында бақылау-өткізу режимі орнатылады.

82. Өндірістік алаңдардың аумағында құбырларды жер астымен төсеуге жол берілмейді.

83. Объектілерде геометриялық көлемі үлкен мұнай газ өнім құбырлары болған жағдайда ШРК тазалық нормалары және таралу аймағын ескере отырып, адамдар мен қоршаған ортаға минималды әсер ету және мүмкін болатын апаттық тастамалар қауіптілігін бағалау нәтижелері бойынша жобада көрсете отырып, әрбір секцияда 2000 ÷ 4000 м³ күкіртсутегінің болу шартынан, автоматты ысырмаларды орналастыру арқылы оларды секциялау қарастырылады.

84. Объектілердің аумағына осы объектіде қолданылмайтын, улы, өртке қауіпті заттарды кіргізуге, бір уақытта сақталудың белгіленген нормаларынан асатын мөлшерде қауіпті заттарды қолдануға рұқсат берілмейді.

85. Тұрақты қызмет көрсетуші персоналы жоқ жарылыс өрт қауіпті объектілер (ұңғымалардың алаңдары және сол сияқты) қоршалған және сәйкес қауіпсіздік белгілерімен және ескерту жазбаларымен жабдықталған. Бұл объектілер, персонал үнемі болатын өндірістік объектілердің жеке аймақтары, коммуникация жолдары технологиялық регламентке сәйкес регламентті тексерулер және қарау жолымен бақыланады.

Тартпалар, орлар, қазан шұңқырлар және терең жерлер 1 м кем емес биіктікте қоршаумен немесе қорғайтын жабындымен қамтамасыз етіледі. Тартпалар канализациямен канализациялық құдық (люк) жағына еңіспен, гидро ысырмалар арқылы біріктіріледі.

Территорияда өндірістік объектілердің, қауіпті, қорғалатын және тазалық-қорғаныс аймақтың шекаралары көрсетіледі және белгіленеді.

86. Бұрғылау және өнеркәсіптік алаңдардың аумағында желдің бағытын анықтау үшін жақсы көрінетін құрылғылар орнатылады (конус, желбаққыш және басқалар). Қараңғы кезде құрылғылар жарықтандырылады.

Осы құрылғылардың саны, типі және орналастыру орындары жобамен анықталады.

Объектіде жарық жағын көрсеткіштің болуы қарастырылады.

87. Жер асты коммуникациялары бар объектілер үшін тереңдігі мен қорғалатын аймақты көрсете отырып, нақты орналасу орнының сызбалары жасалады және бекітіледі. Жердің бетінде көрсеткіштер және қауіпсіздік белгілері орнатылады.

88. Ысырмалар мен басқа арматураны құдықтарда, тартпаларда және терең жерлерде орналастыру кезінде қашықтықтан басқару қарастырылады (ұзартылған басқару штоктары немесе штурвалдары, электр пневмо тартпалар) және арматураға техникалық қызмет көрсету, жөндеу немесе ауыстыру кезінде қауіпсіз рұқсат қамтамасыз етіледі.

89. Жолдар, жолдың жиектері, өтетін жолдар және өтетін жерлер таза және дұрыс қалыпта ұсталады, эстакадалар астындағы өтетін жер биіктігін қамти отырып, көрсеткіштермен және жол белгілерімен қамтамасыз етіледі.

Объектілердің аумағында көліктің өтуіне жол берілмейтін жерлерде тиым салатын жол белгілері орнатылады.

Көлік құралдары аумақтарға ұшқын өшіргіштер болған жағдайда, ал тез тұтанатын сұйықтарды (бұдан әрі - ТТС), жанатын сұйықтарды (бұдан әрі - ЖС), сұйытылған көмірсутекті газдарды (бұдан әрі - СКГ) тасымалдау кезінде – статтық электрді ажырату үшін құрылғылармен өткізіледі.

90. Темір жол жолдарымен өтетін жерлер және жолдардың қиылысатын орындарында рельстердің ұштарының деңгейінен тұтас төсемдер орнатылады және қорғаныс құрылғылары, қауіпсіздік белгілері, дыбыс және жарық белгілері және жарықтандыру қарастырылады.

91. Объектілердің аумағында қауіпті аймақта наряд-рұқсатсыз, жұмыс сызбасынсыз және осы учаскелерде жер асты және жер үсті коммуникациялар бар қызметтердің өкілдерімен келісусіз, жермен, құрылыс және жөндеу жұмыстарын жүргізуге жол берілмейді (байланыс, канализация, электр сымдары, құбыр жолдары).

92. Жолдың өтетін бөлігін жабумен байланысты жөндеу жұмыстары объект басшысымен келіседі.

93. Қауіпті объектінің аумағында және қауіпті аймақтарда технологиялық регламенттермен көрсетілген учаскелерді есепке алмағанда, от қауіпті жұмыстарды жүргізуге жол берілмейді.

94. Жөндеу-құрылыс жұмыстары аяқталғаннан кейін аумақ учаскесін жобалайды, тазалайды және орналастырады. Жобалау, орналастыру және аумақты құрылыс қалдықтарынан тазалау аяқталғанға дейін объектіні іске қосуға жол берілмейді.

95. Қауіпті объектінің аумағында «Жарылыс қауіпті», «От қауіпті», «Шылым шегуге тиым салынады» ескерту белгілері және өзге қауіпсіздік белгілері орнатылады.

96. Бөлмелерде және қауіпті объектілердің аумағында арнйы белгіленбеген жерлерде өндіріс қалдықтарын қалдыруға және сақтауға жол берілмейді.

97. Объект аумағында және өндірістік бөлмелерде мұнай, тез тұтанатын және зиянды заттар төгілген жағдайда олардың тұтануын болдырмайтын шаралар қабылданады, персоналдың кіруін шектейді.

98. Төгілген жер жақсылап тазартылып және мұнай өнімдерінің қалдықтарын және зиянды заттарды пайдаға асыруға арналған орындарға өндірістік аймақтан тыс әкетумен құммен себіледі.

99. Жерлер мен алаңдарды тазалау үшін жанатын және тез тұтанатын сұйықтарды қолдануға жол берілмейді.

100. Жабдық орналасқан қауіпті объектілердің аумағының алаңдары және өндірістік бөлмелерді жабдықты, құбырларды, резервуарларды қауіпсіз пайдалану, қызмет көрсету және жөндеу үшін буды, суды, ауаны, азотты, реагенттерді өткізу үшін техникалық және технологиялық құралдармен қамтамасыз етеді.

101. Көлік коммуникацияларымен және кедергілермен қиылысу орындарындағы құбыр жолдары зақымданудан қорғау үшін құрылғыларға немесе жоғары беріктікке және жобаға сәйкес көрсеткішке ие.

102. Құбырлар және шлангалар қосалқы гайкалары бар құрылғылармен эстакадаларға және тіреулерге бекітіледі.

103. Өндірістік бөлмелердің және құрылыстардың алаңдары мен жеріне металл заттар бір қалыпты, соққысыз және ұшқын болмайтындай түсіріледі.

104. Материалдарды қоймалауға өтетін жолдарды, жол шетін, алаңдарды қолдануға жол берілмейді.

105. Өндірістік бөлмелер таза және қауіпіз жағдайда ұсталады. Өндірістік бөлмелерде қарастырылмаған жабдықты және материалдарды сақтауға жол берілмейді. Пайдаланылған сүртетін материал және қалдықтар бөлмеден тыс орнатылған, қақпағы бар контейнерлерге жиналады және ай сайын қондырғы аумағынан қайта өңдеу үшін әкетіледі.

106. Күкірт сутегі бар сұйықтың төгілуі мүмкін өндірістік бөлмелер оны көп мөлшердегі сумен шаю және канализацияның жабық жүйесіне әкету үшін құрылғылармен жабдықталады.

107. Уақытша сақталатын жабдық, материалдар осы мақсаттарға арналған бөлек бөлмелерде және өрт қызметімен келісілген алаңдарда белгіленген мөлшерде және сақтау бойынша талаптар сақталған кезде орналастырылады.

108. Өндірістік бөлмелерде майлау материалдарын металл ыдыста, қақпағы жабық күйде бір тәуліктік қажеттіліктен көп емес мөлшерде сақтауға жол беріледі.

Өндірістік бөлмелерде тез тұтанатын және зиянды заттарды технологиялық регламентпен көрсетілмеген мөлшерде сақтауға жол берілмейді.

109. Өндірістік бөлмелердің жерінде өртке қауіпсіз жабынды, канализациялық құдықтарға еңіс болады және дұрыс жағдайда ұсталады.

110. Өндірістік бөлмелердегі терезелер, фрамугтер немесе өзге ашылатын құрылғылар сыртына ашылады және оларды ашу және қажет етілетін жағдайда бекіту үшін тез басқарылатын құралдармен жабдықталады. Жобамен қарастырылмаған торларды орнатуға жол берілмейді.

111. Қондырғы аумағында және жұмысшылардың зиянды және қатты әсер ететін заттармен қатынасы болуы мүмкін (қышқылдар, сілтілер және ащы реагенттер), өндірістік бөлмелерде суды беруді реттеумен жуу үшін кран орнату жүргізіледі.

112. Өндірістік бөлмелерде киімді, аяқ киімді құрғатуға, құбырлардың, аппараттардың және жылыту құралдарының бетінде жанатын және өзге материалдарды сақтауға жол берілмейді.

113. Объектілердің, қондырғылардың, резервуарлы парктердің аумағында, құю-ағызу құрылғыларында және өндірістік бөлмелерде келесі шаралар өткізіледі:

өртке қарсы жабдықтың, өрт сөндіру жүйелерінің дайындығын және техникалық жағдайын, жүйелерде судың, будың және реагенттердің жұмыс қысымының болуын ауысымына бір реттен аз емес аға оператормен, ауысым басшысымен тексеру;

әрбір ауысымның басталуы алдында аға оператормен (ауысым басшысымен) желдеткіш қондырғыларының әрекет ету дұрыстығын тексеру және сыртқы қарау;

объектінің тағайындалған жұмысшыларымен айына екі реттен кем емес және өрт қызметінің өкілдерімен бірлесе отырып, объект басшысымен айына бір реттен кем емес (өрт) сумен қамту жүйесінің (құдықтар, гидранттар, ысырмалар, резервуарлар, ыдыстар, сорғы құрылғылары және шлангалар), өрт сөндіру қондырғыларының дұрыстығын тексеру және қарау;

БӨҚжА қызметінің жұмысшысымен және ауысым басшысымен ауысымына бір реттен кем емес БӨҚжА, қорғаныс құралдарының жағдайын тексеру және қарау.

Объект басшысымен және өзге қызметкерлермен тексерулер технологиялық регламентке сәйкес жүргізіледі.

Барлық тексерулердің нәтижелері бұзушылықтарды жою мерзімдері көрсетіле отырып, журналға тіркеледі.

114. Жарылысқа қауіпті бөлменің әрбір есігінің сыртқы жағында бөлменің жарылыс өрт қауіптілігі, өрт қауіптілігін қамтамасыз ететін жұмысшының лауазымы көрсетіле отырып, жазба орналастырылады.

115. Газ әуе қоспаларының шекті рұқсат етілген концентрацияларын анықтау үшін барлық жарылысқа қауіпті бөлмелердегі әуе ортасының жағдайы стационарлы және қозғалмалы газ талдағыштар-белгі бергіштердің көмегімен бақыланады. Бөлме жарылудың төменгі шегінен 20 % газдалған жағдайда қондырғы орны бойынша және апаттық желдеткішті автоматты қосумен операторлыққа басқару қалқанына дыбыстық және жарық белгісі беріледі.

Өлшемдердің нәтижелері тексеру орны, уақыты және күні көрсетіле отырып, журналда тіркеледі.

116. Үлгілерді алу және талдауларды жүргізу кестесі техникалық басшымен бекітіледі.

117. Өндірістік бөлмелердің және алаңдардың жұмыс аймағында зиянды заттардың, булардың және газдардың құрамы ШРК және ШРЗК шектеледі (осы Талаптарға 9 - қосымша). Мөлшерден асқан жағдайда АЖЖ әрекетке енгізіледі және жұмыстар жеке және ұжымдық қорғаныс құралдарын пайдаланумен орындалады.

118. Жанатын және газ тәрізді өнімдердің, зиянды заттардың және реагенттердің үлгілерін алу технологиялық регламент талаптарына сәйкес жүргізіледі. Күкіртсутегі, меркаптан және зиянды заттар болған жағдайда үлгілерді алу бақылаушының қатысуымен жүргізіледі.

119. Қауіпті және зиянды заттарды қолдану дайындаушымен, жобалық құжаттамамен белгіленген, қауіпсіздік талаптары орындалған жағдайда жүргізіледі.

120. Газдар мен булардың ауамен жарылысқа қауіпті қоспасы қалыптасуы мүмкін жұмыстарды жүргізу кезінде ұшқынға қауіпсіз құрал қолданылады, ал кесетін болат құрал консистентті маймен молынан майланады.

121. Болат шегелері немесе тағалаулары бар аяқ киіммен жарылыс өртенуге қауіпті бөлмелерде жұмыс істеуге және болуға жол берілмейді.

122. Өндірістік бөлмелердің ішкі көрінісі және бояуы, технологиялық жабдықты белгілеу және бояу жобаға сәйкес жүргізіледі.

123. Жолдарды, кіретін жерлерді, өтетін жолдарды, басқыш торларын, өтетін жерлерді және бөлмелерден шығатын жерлерді, өртке қарсы жабдыққа, өрт сөндіру, байланыс және құлақтандыру құралдарына баратын жолдарды үйіп тастауға және ластауға жол берілмейді.

124. Өртке қарсы керек-жарақты және жабдықты, апаттық және газдан құтқару құралдарын олардың тікелей тағайындалуымен байланысты емес мақсаттар үшін қолдануға жол берілмейді.

125. Жұмыс орындарында дабыл белгісі мен байланыстың барлық құралдарының жанында апаттық белгілерді, құлақтандыру және объект басшысын, апаттық-құтқару, өрт және медициналық қызметті шақыру тәртібі көрсетіле отырып жазба ілінеді.

5 - тарау. Бұрғылау қондырғыларын құрастыру және бөлшектеу
126. Бұрғылау қондырғыларын, жер үсті құрылыстарын салу, құрастыру және бөлшектеу келесілер болған жағдайда жүргізіледі:

бұрғылау қондырғысын құрастыру-бөлшектеу, ұңғыманы салуға техникалық жобаға сәйкес, жер үсті құрылыстарын, тұрмыстық және тазалық-гигиеналық бөлмелерімен тұрғылықты кешенді салу бойынша бекітілген және келісілген жұмысты ұйымдастыру жоспарының (бұдан әрі - ЖҰЖ);

жерді пайдалануға рұқсаттама құжаттарының және жергілікті жерде ұңғыманы орналастыру орнын анықтау актісінің;

ұңғыманы орналастыру аумағында өнеркәсіптік және ауыл шаруашылық объектілері мен коммуникациялары бар ұйымдардың, тазалық-қорғаныс аймағында (бұдан әрі - ТҚА), бұрғылау қондырғысының қозғалыс жолы бойынша ұйымдардың келісімі және рұқсаты;

жер асты және жер үсті коммуникацияларының, құбыр жолдарының және электр желілерінің қорғалатын аймағында құрылыс-құрастыру жұмыстарын орындауға наряд-рұқсаттардың;

құрылыс-құрастыру жұмыстарына технологиялық регламенттің;

өндірістік бақылау туралы ереженің;

апатты жою жоспарының.

127. ЖҰЖ жасау кезінде келесілер қарастырылады:

құрылыс-құрастыру жұмыстары,

басшыларды, орындаушыларды тағайындау;

жұмыс түрлері:

1) қондырғыны, блоктарды, жабдықты тасымалдау әдістері;

2) қозғалыы жолдары, көлік және жүк көтеретін техника;

3) кедергілерді, өткелдерді, коммуникацияларды жеңу әдістері;

4) қозғалыс, жермен және тиеу-түсіру жұмыстары кезінде орындаушыларды орналастыру және саны;

5) қозғалыс тас жолы бойынша объектілері бар ұйымдардың өкілдерінің қатысуы;

6) жермен жұмыстар, алаңдарды, келетін жолдарды, іргетастарды және негіздерді орналастыру;

7) блоктар, қоршаулар, басқыштар және алаңдар бойынша қондырғыны құрастыру;

8) құбырларды және манифольдты құрастыру және тығыздау;

9) пневматикалық жүйені құрастыру;

10) электр жабдығын және электр қондырғыларын құрастыру;

11) тұрғылықты және тұрмыстық кешенді салу;

12) қауіпсіздікті, соның ішінде қауіпсіздік белгілері мен қауіпті аймақтарды көрсете отырып, электр газбен дәнекерлеу және отпен жұмыстардың қауіпсіздігін қамтамасыз ету бойынша шаралар;

13) іске қосу-жөндеу жұмыстары, құрылыс құжаттамасын жүргізу және жұмыс басшысымен және бұрғылау бригадасымен іске қосу құжаттамасын рәсімдеу.

128. Тиеу-түсіру жұмыстары, жабдықтарды және материалдарды ауыстыру үшін ЖҰЖ сәйкес, қауіпсіз қашықтықта орнатылатын дұрыс жүк көтергіш құрылғылары қолданылады.

Мұнараны құрастыру-бөлшектеу кезінде трактор-көтергіштерді, шығырларды орналастыру сыртқы бетінен, діңгектен (бұдан әрі - мұнарадан) 20 м кем емес қашықтықта жүргізіледі.

129. Тиеу-түсіру жұмыстары сыналған ілмектерді және жүк қысатын құрылғыларды қолданумен жүргізіледі.

130. Жүктерді көтеру және түсіру кезінде мұнара ішінде және алаңдарда персонал қауіпті аймақтан әкетіледі.

Бұрғылау шығырын қолдану кезінде мұнара ішінде бұрғылаушы болады.

131. Биіктікте жұмыстар жүргізу кезінде Жалпы салалық өнеркәсіптік қауіпсіздік талаптары сақталады.

132. Биіктікте мұнараны, діңгекті құрастыру, бөлшектеу және жөндеу бойынша жұмыстарды жүргізуге, және температура аталған аймақтарда белгіленген шектен төмен болғанда, 20 м кем көрерліктегі тұман, мұз тайғақ, желдің жылдамдығы 8 м/с көп жауын-шашын, жаңбыр және қатты қар кезінде, қараңғы уақытта мұнараның тік жағдайда қозғалуына жол берілмейді.

133. Бір мезетте мұнараның әр түрлі биіктігінде әр түрлі жұмыстар атқаратын жұмысшылардың болуына жол берілмейді.

Персонал, құралдар және керек-жарақтар құлаудан сақтандырғышпен, жабумен және төсеммен қамтамасыз етіледі.

134. Мұнара шегінен тыс көтеру және түсіру кезінде жүк жіптің көмегімен тартылады. Осы операцияларды орындайтын жұмысшы жүкті көтеру тігінен 10 м кем емес қашықтықта болады.

135. Мұнараны, бөлшектерді және бекітуді элементті құрастыру-бөлшектеу кезінде және зақымданулар, коррозия анықталған жағдайда бояумен белгіленеді, бракталады және жеке орынға төселеді.

Жөнделген бөлшектер мен элементтер маркаланады және келесі жинаққа сәйкес келетін тәртіппен төселеді.

136. Мұнараларды бөлшектеу және қайта құрастыру ЖҰЖ сәйкес жүзеге асырылады.

Жұмысшылар мұнараның, діңгектің биіктігінен 10 м асатын қауіпсіз жағдайға әкетіледі, ұңғыма сағасы зақымданудан қорғалады.

137. Ұңғыма сағасында қысым болған жағдайда мұнаралы-шығырлы блокты бөлшектеуге жол берілмейді.

138. Мұнараның тік жағдайда және ірі блоктардың қозғалысы жұмыс басшысының бақылауымен, ЖҰЖ сәйкес жүргізіледі.

139. Мұнараның қозғалыс жолы жер үсті құрылыстарынан (ғимараттардан, темір жолдардан, электр беру сымдарынан) қауіпсіз, мұнараның биіктігінен 10 м асатын қашықтықта төселеді.

145. Бұрғылау қондырғысы, күш блогы, бұрғылау ерітіндісін дайындау, өңдеу дәне газсыздандыру үшін жабдық, тастамаға қарсы жабдық құбыры және манифольд, шамшырақ жүйелері жобаға сәйкес жергілікті жердің кедірлігі және желдің бағыты ескеріле отырып орнатылады.

146. Келетін жолдардың тас жолы, жабдықты қабылдау және тиеу-түсіру жұмыстарына арналған алаңдар бұрғылау қондырғысының қауіпсіз бөлшектерінен қауіпсіз қашықтықты ескере отырып, ЖҰЖ-да көрсетіледі (жанар-жағар май блогы, құбыр жолдары, электр беру сымдары).

147. Құрастыру және бөлшектеу кезінде дайындаушының құжатына сәйкес динамикалық жүктеме және қауіпсіздік коэффициенттері ескеріле отырып, мұнара элементтерінің көтерілетін жабдығының салмағынан кем емес, куәлік бойынша нақтылы жүк көтерімділігімен қабылдағыштар және шығырлар қолданылады.

148. Құрастыру-бөлшектеу жұмыстарын үзу немесе тоқтату кезінде жүктер мен жабдықты ілініп тұрған жағдайда қалдыруға жол берілмейді.

149. Мұнараны бекіту бөлшектері және элементтері, жабдық және құралды орнату алдында қарайды, анықталған кемшіліктерді жояды.

150. Мұнараны мұнара құрылымымен қарастырылған жағдайда зәкірмен бекітілген, созулар болған жағдайда арнайы құрылғылармен немесе көтергіштермен орталықтандыруға жол беріледі.

151. Мұнарада орнатылатын құрылғыларды, бөлшектерді және элементтерді бекіту кезінде оларды өздігінен ажырату және құлатуға жол берілмейді.

152. Электр жабдығын құрастыру және бөлшектеуге электр қауіпсіздігі талаптары сақталған жағдайда, жұмыс жетекшісінің нұсқауы бойынша электр қондырғысын өшіргеннен кейін жол беріледі.

153. Ауыл шаруашылығы жерлерінде құрылыс жұмыстары кезінде табиғи қабат шешіледі және алаңды кейіннен қалпына келтіру үшін сақталады.

154. Бұрғылау қондырғысын бөлшектеу ЖҰЖ бойынша, ұңғыманы және саға жабдығын салу аяқталғаннан кейін жүргізіледі.

155. Бөлшектеу жұмыстарын орындағаннан кейін жобаға сәйкес және сәйкес құжаттарды рәсімдеумен ұңғыма аумағында жерді қалпына келтіру жүргізіледі.

Жабдықты, құралдарды, саймандарды пайдалану пайдалану бойынша құралға сәйкес жүзеге асырылады.

Жобада көрсетілген, ілмектегі шекті рұқсат етілген жүктемені есептеу неғұрлым ауыр бұрғылау немесе обсадты бағананы түсіру (көтеру) кезіндегі шекті статтық және динамикалық жүктемелердің соммасына байланысты жүргізіледі.

171. Білікті жүйе құрамына кіретін, жабдықтың корпустарында (кронблок, білікті блок, ілмек) олардың рұқсат етілген жүк көтерімділігі көрсетіледі. Бұрғылау қондырғысының рұқсат етілген жүк көтерімділігі және оның жүк көтергіш жабдығын куәландыру мерзімдері белгіде көрсетіледі.