Дәріс № 11. Тақырыбы: Аналитикалық химия және химиялық талдау

.
Тақырыптың маңызы: Химия пәнінің мақсаты химиялық реакцияларды, яғни заттар өзгерістерінің процестерін зерттеу болып табылады. Ал аналитикалық химия – бұл заттардың химиялық, кейде фазалық құрамын, бізді қоршаған заттар және материалдың, құрамына кіретін молекулалардың құрылымдық және кеңістік құрылысын анықтайтын әдістер туралы ғылым. Аналитикалық химияның мақсаты талдаудың, аналитикалық әдістердің теориялық негіздерін жан-жақты және кеңінен зерттеу, әр түрлі ортада элементтер мен олардың қосылыстарының болу формаларын, агрегаттық күйін оқып үйрену, координациялық қосылыстардың тұрақтылығын және құрылысын, құрымын анықтау, заттардың термиялық оптикалық, электрохимиялық, магниттік және т.б. сипаттамаларын зерттеу болып табылады.

• 
  кәсіпорын, өндіріс орындарында өндірілетін өнімдерге, тауарлар мен заттар құрамына, қасиетіне бақылау жасау;
  
• 
  зат құрамы мен мөлшерін, құрылымын анықтайтын әдістерді, тәсілдерді жетілдіре отырып, олардың дәлдігін арттыру, автоматтандыру;
  
• 
  таза заттар алу барысында, оларды қоспалардан ажыратып бөлуді және бөгде заттармен ластанбау мәселелерін жетілдіру;
  
• 
  қоршаған орта, су – ауа тазалығын, экологиялық талаптардың сақталуын анықтау, бақылау;
  
• 
  анықталуға тиісті жүйе құрамы мен құрылымын жедел талдауға мүмкіндік ашатын лездік әдістерді ойластыру, жетілдіру;