Наурызбай Тағанұлы Алматы, 2013 Үміт сәулесі
БӘРІМІЗ АЛЛАДАН КЕЛДІК, АЛЛАҒА
жүктеу/скачать 5.14 Mb. Pdf көрінісі
|
| БӘРІМІЗ АЛЛАДАН КЕЛДІК, АЛЛАҒА
ҚАЙТА ОРАЛАМЫЗ Хазірет Үммү Сүләйм ары таза, тәрбиелі, има- ны берік әйел болатын. Құшағындағы баласы дүние салғанда, асқан бір сабырлылық танытып мәйітті өзі жуып, кебіндеген соң, үйдің бір тұсына апарып қойған күйі көршілерге қарап: – Әзірге әкесіне хабар бермеңдер! – деп қатаң табыстады. Әкесі Әбу Талха кеш бата үйге 190 Үміт cәулесі келіп, ауырып жатқан баласының жағдайын сұрайды. «Сен кетердегіден әлдеқайда тәуір» – деп жауап берді әйелі. Екеуі бірге ас ішті. Әңгімелесіп отырғанда хазірет Үммү Сүләйм күйеуінен: «Әбу Талха» – деді көзіне көзін қадаған күйі, – Қарызға алған нәрсені қайтарған жөн бе, жөн емес пе? – О не дегенің? Әрине, қарызды міндетті түрде қайтару қажет. – Олай болса, Алла тағала саған аманаттаған ұлын өзі қайтып алды! Бұл сөзді естіп күрсінген Әбу Талха бар-жоғы: – Бәріміз Алла тағала үшін жаратылдық. Ерте ме, кеш пе түбінде соған қайтамыз, – деп Жаратушының ісіне ризашылықпен мойынсұнып, көнгеннен басқа артық қылық жасамады. Таң атқанда мән-жайды Пайғамбарымызға (с.а.с.) барып баяндады. Пайғамбарымыз қолын жайып: – Уа, Жаратқан! Әбу Талханың осы бір өнегелі ісін оған екі есе ғып қайтара гөр! – деп дұға етті. Айтқандай-ақ, тоғыз ай он күн өткенде Әбу Талханың үйі шаттыққа бөленіп, әйелі шекесі торсықтай ұл тап- ты. Атын «Абдуллаһ» деп қойды. Пайғамбарымыздың өнегесін алып өскен Абдуллаһ кейіннен Исламға аянбай қызмет еткен ұлы тұлғалардың біріне айналды. Пайғамбарымыз (с.а.с.) бір хадисінде: «Қандай да бір пенденің басына бір қиыншылық келсе: «Барлығы Алладан келді және Аллаға қайта оралады. Уа, Алла тағалам, бұл тартқан қиыншылығым үшін маған мол сауап жаза гөр, соңын қайырлы ете гөр!» – десе, Алла тағала оның бұл қиыншылығы үшін мол сауап жазып, соңын қайырлы етеді» – деген. |