Қансүйек – Токаревка поселкесінің қазақша аты. Нұра жағасында жерленген, аты
аңызға айналған Қансүйек батырдың атымен аталған.
Қаражар – елді мекен аты. Түр. «Биік жар» мәніндегі атау.
Қаракөл – Дубовка поселкесінің қазақша аты. Түр. «көзді көл» мағынасындағы атау.
Олай аталу себебі бұл тіркестегі қара сөзі жер мағынасында.
Қарақойтас – Бабаев атындағы ауылдың учаскесі. Жеке шоқылардың аты. Атау қаз.
қара және қойтас сөздерінен қалыптасқан.
Қарақұдық – құдықты мекен аты. «Қара» сөзі құдық басының қарайып көрінетін
түріне орай айтылған.
Қарамола – Бабаев атындағы ауылдың учаскесі. «Қалың мола» мағынасындағы атау.
Қарасу – өзен аты. Қарасу атауындағы қара сөзі судың түсіне қатысты емес. Қарасу
ұғымы ежелден-ақ «мөлдір су», «сусын» мәнін берген. Қарасу – үлкен өзен емес, жер
астынан, сай-жыралардан шығып жатқан қайнар суы. Бұл атаудағы қарасөзін байырғы
түркі тілдес халықтар «жер» мәнінде қолданған. Сондағы мағынасы, біздің ұғып
келгенімізден өзгешерек «жер суы» (грунт) деген ұғымда.
Қасқасиыр – Пушкин атындағы ауылдың учаскесі. Ату өзінің тура мағынасында.
Қожар – Нұраның оң жақ жағасындағы шоқы. Атау шоқының үсті бұжыр-бұжыр,
кедір-бұдыр болғандықтан солай аталған.
Қорғанкөл – көл, ұзындығы – 3 км. Атау «обаның формасындай домалақ» көл деген
мағынаны білдіреді.
Құмдыкөл – көл. Атау «жағасы құмды көл» деген мағынаны білдіреді.
Қымызқұдық – Көктал ауылының елді мекені. Атау «қымыз сияқты тәтті су» деген
мағынаны білдіреді.
Қуөзек – Көктал ауылының учаскесі. Атау «қурғақ өзек, сусыз өзен» деген мағынаны
білдіреді.
Құрылыс – Энгельс ауылының елді мекені, бұл жерде құрылыс жұмыстарының кең
өріс алып құрылып бастағаннан солай аталып кеткен.
Қызылжар – өңір. «Қызыл» сөзінің мәні жардың топырақ бетінің реңімен
байланысты.
Қызылтау – тау аттары. «Қызғылт түсті палеозой граниттерінен түзілген таулар».
Түске байланысты атау.
