Орындаған: Жайгалиева А. А. Тобы

Ішперде –құрсақ қабырғасының ішкі бетіне төселіп жатқан және белгілі бір дәрежеде құрсақ қуысында орналасқан ағзаларды жауып тұратын мезенхималық текті жамылғы түзіліс. Ересек адамдардың ішпердесінің жалпы бетінің ауданы -1,72- 2,04 м2 және шамамен алғанда тері жамылғысының ауданына сәйкес келеді. Ер адамдарда ішперде қуысы тұйық, яғни ішпердесімен толық қоршалып жатыр, ал әйелдерде жатыр қуысы мен жатыр түтіктері арқылы сыртқы ортамен байланысқан. Соның ішінде, алдыңғы құрсақ қабырғасы адам организміндегі ең маңызды аймақ болып есептелінеді. Оны құрсақ ішілік ағзалардың орналасу ерекшелігімен түсіндіруге болады. Себебі, құрсақ ішінде асқорыту түтігінің маңызды ағзалары мен ең үлкен бездер құрсақтың алдыңғы қабырғасымен жанасып орналасады. Құрсақтың алдыңғы қабырғасының шекарасы: жоғарыдан – қабырға доғасы мен семсер тәрізді өсінді төменнен – Пупартов байламы мен симфиз / қасаға сүйектерінің біріккен жері/, бүйірінен – қолтық сызығы пен шектелген. Құрсақтың алдыңғы қабырғасының қабаттары: тері, тері асты клетчаткасы, беткі шандыр, lamina thompsoni бұлшық ет қабаттары, fascia transversa, іш пердесінің алдындағы майлы қабат /lamina adipose langenbeci/ және қабырғалық /париетальды/ іш пердесі.