Отарланы Омар Ноталаны жазгъан Аслан Дауров Музыка редактору Этчеланы Музафар
жүктеу/скачать 3.21 Mb.
|
- Бұл бет үшін навигация:
- Хаджиланы Алийни жыры
- Наныкъны жыры
- Студент жашны жыры
- Таула сарнагъанда
- Къалабекланы Махайны жыры
- ТОЙ-ОЮН БЛА БАЙЛАМЛЫ ЭМ ЧАМ, ЛАКЪЫРДА ЖЫРЛА Келин келед
- Эски лакъырда жыр
Кёкбёрк Жим-жим ариу жылтыратырем Чачымы, жуууп, тарасам. Жилямагъанланы мен жилятырем, Тарыгъыуларымы санасам. Тарыгъыуларымы мен санарыкъма, Къалгъанла манга тынгылап. Кёкбёрк жанчыгъым сауму боллукъду, Не табарыкъма мен, жиляп? Аузунгдан чыкъгъан ауаз а тылпыуунг Орус граммофон тартханлай, Ой, ой, аланла, сиз кёргенмегиз Улёкъу терек чакъгъанлай? Сюйген жашынгы кёргюзтебиз деп, Ёлген нанымы келтирип, Жарым сагъатха алып чыкъдыла, Ол ариучукъну ёлтюрюп. Сен бизни юйге кирген заманда, Ма бизни юйге кюн тийип. Кёкбёрк нанымы ёлтюрюп къойдула, Аракъы шешагъа от ийип. Стол юсюне тамгъа болгъанды Аузунгдан акъгъан къанчыгъынг, Атынгы жашырып, Кёкбёркчюк деучем, Энди аныда айтмам, жанчыгъым. Стол юсюнде къалып кетгенди Кероху бла къамасы. Аны анасынлай, жиляй къалгъыед Аны ёлтюргенни анасы. Танг аласына да, кюн къушлукъгъа Бир аман хапар келгенди, Ах, мени кюнюм къарангы болгъанд - Кёкбёрк нанчыгъым ёлгенди. Салам къагьыт жазып салгъанма Ма пальтонгу женгине. Къуруда тилеучем, ышанма деучем Жюреги харам тенгинге. Къыбыла жанындан атыучу тангым Ма терс жанындан атханды. Ах, мени кюнюм къарангы болгъанд, Дуния жарыгъым батханды. 
Алийни жыры Ой, аягъымда да чурукъла, ой, ой, Жылтырайдыла омакъдан, Башыма умут а этгенме, ой, ой, Юйюбюзге келген къонакъдан. Юйюбюзге келген а къонакъны сюйюп, Бир уллу айып алгъанма. Мен Алийими уа Лабагъа жиберип, Ызындан къарап къалгъанма. Лабада турсанг а, турлукъма, Алий. Ой, къатын алсанг а, не этерме? Ой, ол заманда уа дуниям къарангы, Башымы алып кетерме. Лаба жолунда уа къанжалбаш юйле, Сен, сууукъ болсанг, къайта бар. Болжал салмайын а, аллыгъынг бла Алмазлыгъынгы айта бар. Къолуму тутмайын, кетип бараса, Къыз къол тиймесин къолунга. Кёзюмден акьгъан а кёз жилямукъларым Чырмау болгъуед жолунга. Жолоучу болуб'а атлансанг, Алий, Узакъ - ахшыды жууукъдан, Бир аман кюнде уа атланнганса, Алий, Къыйналмагъыенг сууукъдан. Мени Алийим а ёрлеп чыкъгъанед Лабаны салкъын таууна. Окъа налтехле уа этип тагъарыкъма Аны керохуну баууна. Мен жаз жабалагъ'а болуб'а жаугъуем, Къозуларынга, къоюнга, Сен, мени къоюб'а, башха къыз алсанг, Жиляб'а барлыкъма тоюнга. Ачы кюрешлеге кетген Алийни Къарачай артха тыймады. Алийни манга уа берген сыйлы Аллах Къояргъа кёзю къыймады. Анчаны къайгъысын къойгъанма бюгюн, Алийни къайгъысын алгъанма. Алийиме къама уа киргенд дегенлеринде, Салып больницагъа баргьанма. Нарсана больницасы хазна уа болмайды Бу саусузланы багъаргъа. Дарман чапыракъчыкъ болуб'а къалгъыем, Жараларынгы байларгъа. Кичибалыкъда уа кюзлюк будайланы Алийни атлары ашасын, Алийге болур а болгъанды, Сюлемен, Къалгъан жашларынг жашасын. 
Хаджиланы Алийни жыры Мени Алийим биченнге барады, Ол атлы болуп, атланып. Андан къайытыб'а келгенди Алий, Ой, ат жанына уа къапланып. Адамла алай айталла, ой, ой: - Алийге къаргъыш жетди, - деп. Бир сабийчикле уа чабып келдиле: - Бир атлы суугъа кетди, - деп. Ол суугъа кетген не тукъум атлыед? Жарыкъ тор аты бармеди? Ол суугъа кетген а заманда, ой, ой, Сууну башы алай къанмеди? Ол сабийчикле уа алай айталла: - Биз тохтамайын келдик, - деп. Излеген адамла уа алай айталла: - Къуру жамычысын кёрдюк, - деп. Алийни аманат мен этген эдим Биченнге кетген жашлагъа Аны къызыл къаны уа сейир чачылгъанд Ол сууну бойнунда уа ташлагъа. Тенг жашларындан а артха къалгъанед Ол, ушакъ эте, чырмала. Мени Алийим а сууда барады, Суу шорхалагъа булгъана. Мени Алийим бир тюш айтханед: - Бир къанатлыгъа миндим, - деп, Ол къанатлыдан а мен бир тюк алып, Ой, къара жерге уа кирдим, - деп. Кече тюшюмде тюш кёргенем - Мени Алийим ёлед деп. Мени жюрегим бир бек къыйналад, Кюз биченле уа келеди деп. Башымы ала, башымы ала, Огъары элге кетерме. Кюз биченле уа келдиле деселе, Мен Алийиме уа нетерме? 
Наныкъны жыры Кенделенледен келген бир атлы Мусабий наныкь болурму? Жарыкъ жулдузум мутхуз болгъанды, Наныгъым ёлген болурму? Наныгъым ушкок атханды, аланла, Бу мараллагъа, буулагъа. Ачыкъ къазауат этип барлыкъма Наныкъны элтген суулагъа. Наныгъым уугъа кетген заманда, Ой, ити бла эгери Наныгъым суугъа кирген заманда Оруслу жашед негери. Оруслу жашчыкъ алай айтханед: - Уллу сууду, кирме, элтир, - деп, - Ой, кирмей болмай эсенг а, Наныкъ, Жанынга адам келтир, - деп. Наныгъым суугъа кетген заманда Улуй къалгъанед эгери Кесинден эсе алгъа келгендиле Чалгъысы бла сенеги. Наныгъым аркъан атыучу эди Ол жылкъылада туулагъа, Къайдан жангылып сен кирген эдинг Адам кирмеучю суулагъа? Сууну бойнунда табылгъанд, аланла, Белибауу бла къамасы Тёртеулен болуп, тыялмадыла Наныкъны тапхан анасын. Наныкъны аты кишнеп келеди, Айлана кетсе, жер табар. Ёлген а кеси жарлыды, дейле, Къалгъаннга энтта мадар бар. Мен кёк кёгюрчюн болгъуем, Наныкъ, Калиндорунга къоннгуем. Атынг да Наныкъ, кесингда наныкъ, Наныкъ, жанынга болгъуем. Мен ала чабакъ болгъуем, Наныкъ, Ма сууну эншге баргъыем, Дуниягъа урлукъ менми боллугъем, Жаратылмайын къалгъыем. Студент жашны жыры Ай да жарытмайды, кюн да жылытмайды, Айтханымча бола баралла. Дуньяны башында жарыкълыкъ юлюшге Жулдузла уа манга къалалла. Жаз башы кьызыу алан кюнледе Малла уа чыгъалла бауладан. Мени жюрегими жылытмаучу кюнле Къарланы эрителле таулада. Да мен а жатхан алай этаждан, Бийикден, тылпыу чыкъмайды. Къалтырамай, диктант жазыучу къолларым Дарман чай къашыкъны тутмайла. Къалай дарман ийис этип башлагъанды Мени этеклерим, женглерим. Ата-ана орнуна да сора уа келелле Биргеме окъугъан тенглерим. Тенглерим кьатыш, иги мурат бла, Мен а окъургъа келгенем. Окъургъа кёзюм къарай келгенликге, Ауруругъуму билгенем. Окъургъа кёзюм къарай келгенликге, Окъууда айланмадым онгуна. Мен а, окъуп, билим къалай алайым, Жыл сайын ауруйма сонгура. Кюз арты салкъын кюнледе алай, Ой, чапыракъла агъалла. Менича ауругъанла сау болсала, анам, Къуругъан а терекле чагъарла. Ой, манга дарман табылмайды, дейле, Жерни жети къаты къалгъаннга, Ёлсем, мен да къайтарырем, Хапарымы юйюме жазгъаннга. Бюгече мен а бир тюш кёргенме: Ётериксе, дейле, тенгизден. Хайда, сау къалыгъыз, халал тенглерим, Узакъ айырылдым мен сизден. 
Таула сарнагъанда Сегизинчи мартда, танг аласында, Халкъны тар ырбыннга тыйдыла. Сабий, къарт демей, халкъны барысын да Мешиналагъа жыйдыла. Тау къушла кибик, ёхтем таулу жашла Урушда къазауат этелле. Иесиз къалып, къабырла, сын ташла, Халкъымы уа къайры элтелле? Терслигибиз болмай, алып баралла, Къайры элтгенлерин билмейбиз. Къартауларыбыз узакъда къалалла, Биз а ышармайбыз, кюлмейбиз. Таулада къалгъан итлени юргенлери Жюрег'а жауунгу ашайды. Саулукъ ийнеклени ёкюргенлери Къыяма айланнганнга ушайды. Биз хариплени алыб'а баралла, Вагонла, сынжырча, тизилип. Жолда атылгъанлай кёпле къалалла, Жашар ёмюрлери юзюлюп. Къабырларын ёксюз къоймазла таулула, Эртте, кеч болса да, къайтырла. Адамлыкъларын жоймазла таулула, Терслеге дауларын айтырла. 
Къалабекланы Махайны жыры Ой, сени жауунг къарагъы эди Ол кюннгю къычырыкъ-хахайгъа. Этген муратына жеталмай кетгенд, Жилярыкъ жилясын Махайгъа. Суугъа кетгеними, базынып, ким айтыр Къыйынлы атама, жазыкъгъа? Жаратхан Аллах буюргъанды мени Суу жаныуарлагъа азыкъгъа, Мен эрттен сайын чыгьыб'а къараучем, Малла жайылсала ёрлешге. Жаратхан Аллах сууну бергенд манга, Топуракъдан къабыр юлюшге. Кёпюрню ётсем, ой, жарлы атам, Мен суу тюбюнде къалмазем, Жарыла къалгъан, ох, жарлы анама Быллай жюрек жара салмазем. Мен суу жанында алай жатыучем, Чегем сууундан хауа урурча. Ох, жарлы анама жюрек жара салдым, Унутмай, жиляп турурча. Мени сууда къалгъан сюеклерими Да суу тюбюнден ким жыяр? Атам Ибрахим таукел болуучед, Анам къыйынлыны ким тыяр? Сейир от болуп, алай келелле Ма Чегем сууну ташлары. Къармакъла алыб'а, чабыб'а жетдиле Да элибизни жашлары. Далхат къадалып бир бек излейди, Аны кесимча кёрюгюз. Кийилмей къалгъан кийимлерими Тенг жашларыма беригиз. Чачларын жыртып, жиляп келелле Да Маржан бла Майрусхан. Менден къыйынлы ким болур эди, Жашлай жашауун тауусхан? - Былай елюрюмю мен билсем зди, Оуят этерем Маржаннга. Ой, жарлы атам, не этериксе Аллахдан келген ажалгъа? Да жарлы Мадин алай жиляйды, "Ой, Махайым!" - деп, къычырып, Махай къыйынлы суугъа кетгенди, Ташдан аягъы ычхынып. Жиляма, Мадин, артыкълыкъ этме, Мен суу тюбюнде жатама. Къарындаш орнуна сени къойгъанма, Уллу кёллю болма атама. Сени кёз жашынг чырмау болады, Артыкълыкь этип жиляма, Жырда айтылырча ачыу болгъанд, атам, Энди быллай ачыу сынама. Ахшы муратла мен да этиучем Сюйгеним бла кесиме. Жыгъылып, суугъа кетген заманда, Атам тюшген эди эсиме. Чегем суу бойнуна мен баргъан эдим, Ма письмо жазып къайтыргъа. Къатымда тенгим болмады, анам, Сермеп къолумдан тартыргъа. Жашап, жашаудантоймадым, анам, Жарыкъ дуниямы къояма. Жумушакъ топуракъ къабыр юлюшюмю Черек ташларындан алгъанма. Абдул: "Суугъа кирме", - деп тилегенед, Мен аны айтханын этмедим. Кёп ахшы муратла этип туруучем, Этген муратыма жетмедим. 
ТОЙ-ОЮН БЛА БАЙЛАМЛЫ ЭМ ЧАМ, ЛАКЪЫРДА ЖЫРЛА 
Келин келед Келинни алып келебиз, жол беригиз, он, орайда! Эй, бек ариуун сайлагъанбыз, ма кёрюгюз! Къолан кийизле жайыгъыз жолубузгъа, Эй! Алгъыш аякъ тутдуругъуз къолубузгъа! Келин келед, юйге киред, жол къоюгъуз! Эй, той этигиз, къонакълагъа къой союгъуз! Къууанч келед, эшиклени кенг ачыгъыз! Эй! Юйню тюбюне арпа, будай чачыгъыз! Алып келебиз сизге кёгюрчюнчюкню, Эй! Он бармагъындан бал тамгъан келинчикни. Насыпха эшик ачыгъыз, жол къоюгъуз! Эй! Огьурлу юонде этилсин бу тоюгъуз! Огъурлу болсун келинни аякъ ызы! Эй! Кёп болсунла аны тапхан жашы, къызы! Хар заманда ачыкъ болсун кёзю, къашы! Эй, берекетли болсун къолу, этген ашы! Насыпдан толтурсун сизни келинигиз! Эй, аны бла махтансын саулай элигиз! Сюйгенлеригиз бютюн да бек сюерча, Эй, сюймегенле ачыудан тобукъ тюерча. Зауукълу жашагъыз келинигиз бла! Эй, биз кёп алгъыш этебиз кёлюбюз бла. Насыпха эшик ачыгъыз, жол къоюгъуз! Эй, огъурлу кюнде этилсин бу тоюгъуз! Голлу Ой, ори-ора-да-ра, Ори-ора-да-ра, От башында эмен чыккыр, Ори-ора-да-ра, Аны ичинде зынтхы боза, Ори-ора-да-ра, Андан ичдим, кекирдим, Ори-ора-да-ра, Ары-бери секирдим, Ори-ора-да-ра. Ой, ори-ора-да-ра, Ори-ора-да-ра, Аналары айырылдыла, Ори-ора-да-ра, Айырылдыла, не юлешдиле? Ори-ора-да-ра, Юч жыйырма мюйюзсюз ийнек, Ори-ора-да-ра, Тёрт жыйырма тюпсюз челек, Ори-ора-да-ра, Жюз бла жыйырма мюйюзсюз сенек, Ори-ора-да-ра. Ой, ори-ора-да-ра, Ори-ора-да-ра, Аналаны Бийчокку, Ори-ора-да-ра, Халжарынгда юч токълу, Ори-ора-да-ра, Санадынг да, бири жокъ, Ори-ора-да-ра, Бичагъынгы къыны жокъ, Ори-ора-да-ра, Чабырынгы чыгы жокъ, Ори-ора-да-ра. Ой, ори-ора-да-ра, Ори-ора-да-ра, АналаныАлабай, Ори-ора-да-ра, Тёшден кетген таналай, Ори-ора-да-ра, Эки аягъынг чаналай, Ори-ора-да-ра, Уруп ийди. Бар алай, Ори-ора-да-ра. Ой, ори-ора-да-ра, Ори-ора-да-ра, Онг жанына барыгъыз, Ори-ора-да-ра, Сол жанына барыгьыз, Ори-ора-да-ра, Аякъны ариу салыгъыз, Ори-ора-да-ра, Игиден юлгю алыгъыз, Ори-ора-да-ра, Къууанч бла къалыгъыз, Ори-ора-да-ра. Тепена Ойра, ойра, тепена, Ойра. тепена. Тепенаны тепдирген, Ойра, тепена. Ойра, ойра, тепена, Ойра. тепена. Тепенаны жырлайыкъ, Ойра. тепена. Ойра, ойра, тепена, Ойра, тепена. Тепенаны тепсейик, Ойра, тепена. Ойра, ойра, тепена, Ойра, тепена. Онг аякъны алыгъыз, Ойра, тепена. Ойра, ойра, тепена, Ойра. тепена. Сол аякъны алыгъыз, Ойра. тепена. Ойра, ойра, тепена, Ойра. тепена. Бир аякъгъа туругъуз! Ойра, тепена. Ойра, ойра, тепена, Ойра, тепена. Ёрге-эншге туругъуз, Ойра. тепена. Ойра, ойра, тепена, Ойра, тепена. Кючню аяп къоймагъыз, Ойра, тепена. Ойра, ойра, тепена, Ойра, тепена. Тепенада кюч-къарыу, Ойра. тепена. Ойра, ойра, тепена, Ойра, тепена. Бек болугъуз союмгъа, Ойра, тепена. Ойра, ойра, тепена, Ойра, тепена. Бирликдеди - тирликле, Ойра, тепена. Ойра, ойра, тепена, Ойра. тепена. Тепена бла жашагъыз, Ойра, тепена. 
Сандыракъ Ой, сандыракъ, сандыракъ, Сандыракъны санайым, Къууанчынга барайым, Сейиринге къарайым. Индирисни Махайы, Баш сасытад хахайы. Ол Махайым махайлай, Сыртха чыгъып, хахайлай. Билеклеринг булгъана, Этеклеринг чулгъана, Аякъларынг абына, Башынг жерге табына. Гоппан бла суу алгъын, Чий гыржынлай ууалгъын, Бурхуларынг тёгюлсюн, Чегилеринг сёгюлсюн. 
Жёрме Къарачайдан белек атлы Тебредиле, ой, ой. Ала, жорта, Загьызандан Атландыла, ой, ой! Ала алайда азыкъларын Жаратмайла, ой, ой! Ала алайда доммай уугъа Жайылдыла, ой, ой! Алайчыкъда ёлтюрдюле Семиз доммай, ой, ой! Ол доммайдан этген элле Тогъуз жёрме, ой, ой! Жёрмелени санадым да - Бири жокъ, ой, ой! Жёрме урларгъа Шимаухадан Тири жокъ, ой. ой! Былай ары жёрме озуп Кёрюрмегиз, ой, ой? Ол сагъатха аны ашаргъа Бёрюмегиз, ой, ой? Бирин къоюп бирин манга Берирмегиз, ой, ой? Мени жёрмем алты эшекге Жюк болады, ой, ой! Аны урлагъан юйю бла Тюп болады, ой, ой! Мени жёрмем багъанадан Базыкъ эди, ой, ой! Мени жёрмем бир къарыннга Жазыкъ эди, ой, ой! Жёрме барад, маржа, жашла, Жаным бла, ой, ой! Къан салгъанма жарлы юйюме Къарным бла, ой, ой! Жау жагъылып, урлагъанымы Билдирдим, ой, ой, Уллу къабып, мен аузуму Кюйдюрдюм, ой, ой! Боз алаша Ой, алаша, боз алаша, ой, ой, ой, Чаришге чапсанг, оз, алаша, ой, ой, ой, Озалмасанг, артха келчи, ой, ой, ой? Жаммызынгы тарта келчи, ой, ой, ой! Алашамы чаришге салдым, ой! Артларындан сюрюп келди, ой! Аз къарыуун билип келди, ой! Халкъ ызындан кюлюп келди, ой! Мени алашам - боз хорады, ой, Аны ким да нек сорады, ой! Алашамы жангыз тюгю, ой! Сыртындагъы кертме жюгю, ой! Мени алашам - жоргъа алаша, ой! Къаргъа кирсе - чана алаша, ой! Тюзге чыкъса - арба алаша, ой! Жарлылагъа жара, алаша, ой! Алашамы къулакълары, ой! Таш макъалайд туякълары, ой! Темир юзед жыякълары, ой! От чагъады аякълары, ой! Мени алашам - къыргъый жоргъа, ой! Секиреди аршын жаргъа, ой! Аллай ёхтемд мени алашам, ой! Ой, алаша, боз алаша, ой! Мени алашам - кенг сауурлу, ой! Къарыш болур сырт жаууру, ой! Иер салсам, къулакъ жумар, ой! Къамчи тийсе, къуйрукъ булгъар, ой! Ары айлан да, салам аша, ой! Бери айлан да, бичен аша, ой! Ашамасанг - талау аша, ой! Макъа терид тартыу жиби, ой! Мени алашам - аллай бозду, ой! Халкъ чаришде барын озду, ой! Эй, машалла, боз алаша, ой! Кёз тиймесин, кёп жыл жаша, ой! 
Гылжа Манга къалыннга малла берелле, Келигиз, женгил барайыкъ, Ненча эселе, барып къарайыкъ, Тергеп санларын, алайыкъ. Манга къалыннга берген малланы Жыйылып келип кёрелле, Манга къалыннга не тёрт туумакъ къой, Неда гылжа ийнек берелле. Гылжадан туумакъланы алырек, Алай бырнаклагъа къошарла, Бырнакга чурум кёп болад, дейле, Артларын этип бошарла. Бири батмакъгъа батханды, дейле, Бири аны юсюн жапханды, Бирлерин тюнене сатханды, дейле, Бирин да аракъыгъа тартханды. Къонгур гылжаны несин айтасыз, Мюйюзюне накъыш салдыргъан. Ол алай къонгур гылжады, аланла, Жетеуге къатын алдыргъан. Тюбюнден жаууп келген, аланла, Ол жауунмуду, къармыды? Ой, ой, аланла, бир зат сорайым, Гылжаны мюйюзю бармыды? Мени гылжам бир иги гылжаед, Тууарладан артха нек къалды? Ким юйюне эмина киргенди, Гылжаны мюйюзюн ким алды? Гылжаны къошха ийген заманда Эки мюйюзю да сау эди. Гылжамы мюйюзюн ким алды, аланла? - Ол атамы къанлы жауу эди. Гылжаны жыры чыкъгъанды, аланла, Бу эллени жырындан. Кели къыркъарда бузоу табарыкъды, Бугъала жюрюйле ызындан. Гылжаны манга къалыннга берген, Аллай кёп туусун малынга! Жетиге къатын алдырып, гылжа Сегизге келди къалыннга. Гылжаны къошха ийгенем, харип, Саламеликден ёлгенди. Эти да жукъгъа жарамай харипни, Териси тыхырдап келгенди. Гылжаны терисин сатып, аллыкъма Ол къамиш аякъ, чач таракъ. Гылжам ёлдю эсе, сени бламы турлукъма? Кет, башынга жетгинчи къалакъ. 1 
2 
Солманны жыры Тартып айтыгъыз а Хажини зикирин, Ойта-ри-ра-ши-орайда, Сохтала жыялла да эфенди фитирин, Ои-ти-тау, ри-ра-ши-орайда. Ой, Солман, Солман а Солман атабыз, Да былай а болсанг а, жокъду хатабыз. Къуйрукъчукъгъа батхантда болат балтабыз, Да былай а жашасакъ, неди хатабыз. Солманны жырлайыкъ биз, узун созуп, Жашлагъа къатын жетмейд, Солмандан озуп. Былай айтады да Ёртенланы Солман: -Уллу келиними кишиге сормам. Ойра, келинчигим, сюемисе мени? Айхай, сюеме, Аллах сюйсюн сени. Келиннге атагъанма къарауузну танасын, Келиним тынчайтханды жашланы анасын! Мени жыжымдан бауумму барды? Кеси келиниме дауунгму барды? Сууда барады бир къызыл ёпке, Сакъалым жетгенди жумушакъ бетге. Солман дейдиле да согъум текеге, Болжал этгенме да байрым кечеге. Байрым кечени уа башхасымы барды? Акъкъашны танасыны къашхасымы барды? Акъкъашны танасыны къашхасымы барды? Атасы бла уа башхасымы барды? Элни бетин жояды да бу къарт гугурук, Махыра Солман, артынг къурурукъ. Элни тёгерегине чалман эшигиз, Тохтамагьан Солманны бойнун кесигиз. 
Эски лакъырда жыр -Эй, кел, къызым а, кел, къызым, -Уллу Холамгъа барайыкъ, къызым. -Ой, угъай, угъай, бармайма, атам, Мен Холам элге кирмейме, атам. Ой, кезлеуден суу бермез а, атам, Ой, къатынлары кюн кёрмез, атам. Къумач къыйынлысы - орамгъад, атам, Къыз къыйынлысы - Холамгъа, атам. -Ой, кел, къызым а, ой, кел, къызым, Биз Бызынгыгъа барайыкъ, къызым. -Ой, угъай, угъай, бармайма, атам, Мен Бызынгыгъа кирмейме, атам. Ой, алаша ачыкъ юйлери уа, атам, Бир сары гяуур бийлери, атам. Бирер сары къатхан тонлары, атам, Ой, бир да жокъду онглары, атам. -Ой, кел, къызым, кел, къызым, Уллу Чегемге барайыкъ, къызым. -Ой, угъай, бармайма, атам. Уллу Чегемни сюймейме, атам. Терсине агъарып тишлери, атам, Фитнадан толуп ишлери, атам. Ай, Мёлюшгюню нарты да, Чегемге Аллахны налаты, атам. -Ой, кел, къызым, кел, къызым, Уллу Бахсаннга барайыкъ, къызым. -Ой, угъай, угъай, бармайма, атам, Мен Бахсан элге кирмейме. Уллу Бахсанны къызлары, атам. 
Аман къатын Иги къартла жау сюртелле Мансларына, ой, ой. Ариу къызла чач бау салалла Чачларына, ой, ой. Чачы жете болур, тейри, Табанына, ой, ой, Ариу къызла, эр тапмайбыз Аманыгъызгъа, ой, ой. Аман къатынны мен айтайым Сарынын, ой, ой! Аман болсанг, бурулсун Сени къарынынг, ой, ой! Къатын болса, къатынладан Къаты болсун, ой, ой. Аман къатынны жашар кюню Алты болсун, ой, ой! Аман къатын от жагъада Олтурур, ой, ой, От жагъаны тюкюрюкден Толтурур, ой, ой. Эри урушса, ата юйюне Кете болур, ой, ой, Этеклери тухтуй таууш Эте болур, ой, ой! Айлана болур, арпа ун кибик, Юйрегенлей, ой, ой, Чарыкъларын табанындан Сюйрегенлей, ой, ой. Аман къатынны билген ашы Как болур, ой, ой! Ахшы къатын къыш къатыкъгъа Сакъ болур, ой, ой! 
жүктеу/скачать 3.21 Mb. Достарыңызбен бөлісу:
|