Пайғамбарлар қиссасы арабшадан аударып, құрастырғандар: А. Кадыров, Қ. Спатай 2
«Жын мен адамзатты Өзіме құлшылық қылулары үшін
жүктеу/скачать 1.53 Mb. Pdf көрінісі
|
| «Жын мен адамзатты Өзіме құлшылық қылулары үшін
ғана жараттым» 2 , – деген. Егер жаратылуымыздағы мақсатты дұрыс білмесек, өміріміздің мәнін түсінбей өтеміз. Бұл өмір – бізге сынақ, сынақтан сүрінбей өтсек, ақыретіміз жемісті болмақ. Сондай-ақ Адамның қиссасында лағынет Ібілістің Адам мен оның ұрпағына деген дұшпандығымен таныстық. Оның мақсаты – бүкіл адамзатты азғырып, өзімен бірге тозаққа түсіру. Сол үшін ол адамзатты барынша Аллаһ алдындағы міндетін орындатпай, жолдан тайдыруға тырысады. Ал тозаққа тартудың ең тиімді әдісі – Жаратушыға ортақ қостыру. Сол ортақ қостыру әдісі Нұхтың заманынан әлі күнге дейін жалғасып келеді және Қиямет күніне дейін жалғаса бермек. Әр пайғамбардың кезінде қоғамдық немесе экономикалық және тағы басқа ауытқулар кездескен. Пайғамбарлар елін бір Аллаһқа ғана құлшылық етуге шақырумен қоса, осы ауытқуларды түзету үшін қалай күрес жүргізгендерін көрдік. 1 «Юсуф» сүресі, 111-аят. 2 «Зәрият» сүресі, 56-аят. 294 Пайғамбарларға ілесіп, бойсұнғандарды Аллаһ тағала дүние және Ақырет кеңшілігіне бөледі, ал қарсы шыққандарды дүниеде алуан түрлі азаптармен қинады әрі оларды Ақыретте одан да үлкен қасірет күтіп тұр. Адамдар өмірде қиыншылықтар мен қасіреттерден түңілмес үшін Аллаһ тағала Өзінің ең сүйікті құлдары пайғамбарларды әртүрлі сынақтарға алып, бүкіл адамзатқа өнеге қылды. Мысалы: дағуатшы Аллаһқа шақыруда шаршамас үшін Нұхты мысалға келтірді. Ол елін тоғыз жүз елу жыл бойы талмай таухидке шақырды. Аллаһ тағала науқасқа шалдыққандарға Айюбты өнеге көрсетті. Ол он сегіз жыл бойы жан төзгісіз дертке сабырлық танытып, Аллаһқа шүкіршілік етті. Аллаһ тағала билік басындағыларға Дәуіт пен Сүлеймен пайғамбарларды мысалға келтірді. Ол екеуі Аллаһ берген патшалық пен мал-дүниені орынды жұмсап, Оған шүкір етушілерден болды. Аллаһ тағала пайғамбарларын мұғжизалармен қалай қуаттағанының куәсі болдық. Мұғжизалар пайғамбарларға сол замандағы жағдайға ыңғайлас берілген. Мысалы: сиқыр дамыған тұста Аллаһ тағала Мұсаға олардың көзбайлау әрекеттерінен асып түскен асатаяқ мұғжизасын берді. Аттың сыры иесіне мәлім демекші, сиқыршылардың баршасы сәждеге жығылып, Жаратушының мұғжизасын мойындап, перғауынның қаһарынан қорықпастан иман келтірді. Емшілік дамыған тұста Исаға жансыз мүсінге жан бітіру, тума соқырлар мен алапестерді жазу, өліктерді тірілту сияқты мұғжизаларды сыйлады. Ал сөз өнері дамыған кезеңде Пайғамбарымыз Мұхаммедке (с.а.с.) Құранды түсірді. Пайғамбарымыз (с.а.с.) Құранды оқығанда, кеудесін соққан ақындардың өзі бір ауыз қарсы сөз айта алмай қалатын. Аллаһ тағала бүкіл адамзат пен жындарды бәсекеге шақырып, осы сияқты бір Құран әкеліңдер деді. Сосын оның он сүресіндей, сонан соң бір сүре болса да келтіріңдер деді. Қияметке дейін бұл мұғжизамен ешкім бәсекелесіп, бір сүре де құрастыра алмайды, өйткені бұл – Аллаһтың сөзі. |