Еуропалық экономикалық комиссия экологиялық саясат жөнінддегі комитет
Минералды ресурстарды тұрлаулы басқару
жүктеу/скачать 4.05 Mb. Pdf көрінісі
|
| 8.3
Минералды ресурстарды тұрлаулы басқару Саясат, стратегиялар жəне институттар Қазақстан минералдық ресурстар секторындағы саясаттың қатарына экологиялық тұрақтылық мəселелерін енгіземіз деп жарялағанымен, белгілі-бір стратегия ұстанбайды. Елдің экологиялық тұрақтылық тұрғысынан дамуын көздейтін мемлекеттік құжатар аясына 2001- жылы қабылданған «Қазақстан Республикасының 2010-шы жылға дейінгі дамуының стратегиялық жоспары» (бұл Қазақстанның 2030-шы жылға дейінгі даму стратегиясын орындаудың екінші кезеңі болып табылады) жəне 2003-ші жылы қабылданған «Қазақстан Республикасының 2003-2015ж.ж.-ға арналған инновациялық - индустриялық даму стратегиясы» кіреді (1-бөлімді қараңыз). Орта мерзімде елдің экономикалық өсіміне бұрынғыдай көмірсутек өндірісінің кеңеюі əсер ететін болса да, ұзақ мерзімдегі ең басты қиыншылықтың мұнайдан өзге секторлар бəсекелестігін көтеріп, елдің өндірістік базасын əртараптандыру екені сөзсіз. Бұл мақсатта Қазақстанда «Қазына» тұрақты даму қоры жəне Қазақстан Республикасының ұлттық қоры құрылды. Олардың басты міндеті - мұнайдан түскен табыстың бір бөлігін экономикалық əртараптандыруға жұмсап, мұнайға қатысы жоқ өзге секторлардың дамуына демеу беру. 2006-шы жылы жарық көрген «2007-2024-ші жылдарға арналған тұрақты дамуға көшу тұжырымдамасы» жоғарыда аталған міндеттердің бəрін құптайды. Минералдық ресурстар секторына тиесілі экологиялық басымдықтар «2004-2015- жылдарға арналған экологиялық қауіпсіздік концепциясы» (2003ж.) жəне «2005-2007- жылдарға арналған қоршаған ортаны қорғау бағдарламасында» көрсетілген. Жекелеген салаларға арналып дайындалған бағдарламаларда да қоршаған орта проблемаларына назар аударылады. Бұған мысал ретінде 2004-ші жылы шыққан «Қазақстан Республикасындағы радиоактивтік ластану проблемаларын шешуге арналған радиациялық қауіпсіздік жөніндегі мемлекеттік бағдарламасын» келтіруге болады. Энергетика жəне минералды ресурстар министрлігі Қазақстандағы минералдық ресурстар, соның ішінде мұнай, газ жəне көмір ресурстары саласындағы басқару сапасын қадағалайтын басты орган болып табылады. Министрлік минералдық барлау жəне өндіруге лицензия беретін жеке-дара орган. Министрліктің қарамағында геологиялық зерттеулер жүргізетін Геология жəне минералдық ресурстар комитеті кіреді. Қоршаған ортаны қорғау министрлігі болса, саладағы экологиялық стандарттар мен талаптар даярлайтын, əрі экологиялық рұқсат құжаттарын тарататын орган болып табылады. Жергілікті басқару органдары да бірқатар реттеушілік жəне қадағалау функцияларын атқарады (бұл туралы толығырақ 2-бөлімде). Еңбек жəне əлеуметтік қорғау министрлігі қауіпсіздік жəне еңбек жағдайларына қатысты мəселелерді қарастыратын басты орган. Төтенше жағдайлар министрлігі адам өміріне қауіп төндіретін əрекеттерге, соның ішінде тау-кен, мұнай жəне газ өндіру саласында, дайындық жəне қатерге 8 Тарау: Минералды ресурстар менеджменті жəне қоршаған орта 175 төтеп беру қабілетінің деңгейін тексереді. Төтенше жағдайлар мен өндіріс қауіпсіздігін мемлекеттік бақылау комитеті жəне Республикалық кризистік орталық Төтенше жағдайлар министрлігінің құрамына кіреді. Өндірістік саладағы тексерулерді жоспарлау жəне жүргізу кезінде министрліктердің өзара бірлесіп жұмыс істеу мəдениеті əлі қалыптаспаған. жүктеу/скачать 4.05 Mb. Достарыңызбен бөлісу:
|