Тақырыбындағы халықаралық ғылыми-практикалық конференция материалдары
көрсетімдік оқылым, аналитикалық оқылым, іштей оқу, дауыстап оқу
жүктеу/скачать 4.33 Mb. Pdf көрінісі
|
| көрсетімдік оқылым, аналитикалық оқылым, іштей оқу, дауыстап оқу деген түрлеріне жеке-жеке
тоқталады. Осы оқылым түрлерінің арасынан ізденімдік оқылым деген түріне берген сипаттамасы баланың, өскелең ұрпақтың оқу мәдениетін қалыптастыруда ұстаным етіп алуға боларлық үлгі. «Берілген материалдың ішінен өзіне керекті фактіні, хабарды, сілтемені, көрсеткішті іздеп тауып, пайдалана білу» мақсатындағы оқылымның түрі оқушының көру қабілетін ұштап, қажеттіге бірден назар аударуға үйрететін оқу түрі деп бағалауы шындыққа өте үйлесімді. Ғалым адам – ізденіс үстіндегі адам. Тынымсыз ізденіс қана жетістікке жетелейді, ізденіске құрылған зерттеу нәтижелері өмірде қажетті, маңызды болады. Ал тілдік қатынас теориясындағы Ф.Оразбаева алғаш қолданған көптеген аталып кеткен терминдер кейінгі кезде ғылыми айналыста еркін де кең қолданылып, елдің кәдесіне жарап жүр. Ұлттық тестілеу орталығында тест түрі бір кездерде ғалым 57 көрсеткендей, оқылым, жазылым, тыңдалым, айтылым түрлерімен қабылдануда, сондай-ақ олардың белгілері мен қажетті шарттарының орындалуына қарай бағалау жүйесін құруға да септігін тигізіп отыр. Қазіргі кезде оқу орындарында жиі пайдаланатындықтан, тест сөзі бұрынғыдай құлаққа түрпідей тимейді. Ф.Оразбаева өз еңбектерінде осы тест туралы мәселені да қозғайды, оның баламалық, таңдамалық, қосымшалық, сөзжұмбақтық, толықтырмалық, өлшемдік деген түрлерін айырып, жіктеп, талдап, таразылып береді. Оқу мен тәрбие – қанаттас жүретін құбылыстар. Бірінсіз-бірі жоқ. Ал тілсіз, тілдесімсіз білім алу да, тәрбиелі болу да мүмкін емес. Екеуі де мектептің «керектілері». Бұл – А.Байтұрсыновтың сөзі. Өткен ғасырдың 20-жылдарында А.Байтұрсынов мектептің керектерін санамалап көрсеткен кезде, ең бірінші кезекте білімді ұстаз бен оқу құралдарын айтқан-ды. Сондықтан бар ғұмырын жоғары мектептке, білім беру саласына арнап, орта мектеп үшін оқулықтар жазып, ғылым мен білімді, тәрбие мен әдістемені қатар алып келе жатқан Ф.Ш. Оразбаева еңбектерінің маңызын ұлы Ахаңның өлшемінен артып, қалай бағалауға болады. Өйткені профессор Ф.Оразбаева халыққа керек маңызды жұмыстар атқара білді. Профессор Ф.Оразбаева жетекшілік жасап талай ғылыми кадрларды даярлағанын айтпағанның өзінде, оның ғылыми кеңестің төрағасы бола жүріп, елдің ғылыми кадрлар потенциалын арттырудағы сүбелі еңбегін де ерекше атап өтуге тиіспіз. «Түс-тірлік Кеш тірлікке кепіл емес» (С.Адай) мына жалғанның тағы бір кезеңін еңсерген, тағы да бір мерейлі жасқа толған ғалым апайымызға бар жақсылықты тілейтініміз анық. Талайлардың жігерінің жығылмауына себепші, талайға ықтасын болып жүрген апайымызға, ғылымдағы жұлдызды жолы ұзарып, кеңейе түсуіне, шығармашылық шабытының арта беруіне шын тілектестігімізді білдіреміз. жүктеу/скачать 4.33 Mb. Достарыңызбен бөлісу:
|