Процестері мен аппараттары
Жылу алмасу және буландыру аппараттарының құрылымы
жүктеу/скачать 1.73 Mb. Pdf көрінісі
|
| 4.2 Жылу алмасу және буландыру аппараттарының құрылымы
Жылу алмасу процестерін жүргізу үшін тағамдық өндірістерде пайдаланылатын жылу қолдану аппараттарын жылу алмастырғыштар деп атайды. Жылу алмастырғыштар құрылымының әртүрлілігімен сипатталады, бұл аппараттар бағытының әртүрлі болуымен және процестерді жүргізу шарттарымен түсіндіріледі. Әрекет ету принципі бойынша жылу алмастырғыштар рекуперативті, регенеративті және араластырғышты (градирня, скрубберы, араластыру конденсаторлары және т.б.). Рекуперативтік жылу алмастырғыштарда жылу тасығыштар қабырғамен бөлінген және жылу бір жылу тасығыштан екінші жылу тасығышқа оларды бөлетін қабырға арқылы беріледі. Регенеративтік жылу алмастырғыштарда бір жылу алмасу беті алма- кезек ыстық және суық жылу тасығыштармен шайылады. Ыстық жылу тасығышпен шайылу кезінде бет оның жылуынан қызады, ал беттің суық жылу тасығышпен шайылуы кезінде ол жылуды беріп, салқындайды. Осылайша, жылу алмасу беті ыстық жылу тасығыштың жылуын шоғырландырып, содан кейін оны суық жылу тасығышқа береді. Араластырғыш аппараттарда жылуды беру жылу тасығыштардың тікелей өзараәрекеті кезінде жүреді. Жылу алмастырғыштар келесі белгілері бойынша жіктеледі: 1) технологиялық сызба бойынша – тура ағынды, қарсы ағынды және жылу тасығыштардың көлденең ағысымен; 2) жұмыс тәртібі бойынша – кезеңді және үздіксіз әрекетті жылу алмастырғыштар; 3) жылуды беру тәсілі бойынша – араласу немесе жанасқан жылу алмастырғыштар, оларда жылу тасығыштар араласады (яғни, олардың жанасуы жүзеге асады) және беттік, оларда жылу тасығыштар қатты қабырғалармен бөлінген. 4) негізгі бағыты бойынша – жылытқыштар, буландырғыштар, тоңазытқыштар, конденсаторлар; 5) жұмыс орталарының фазалық жағдайларының үйлесуі бойынша – сұйық-сұйықтық; бу-сұйықтық және газ-сұйықтық. 6) конструктивті белгілері бойынша. Жылу алмастырғыштар құрылымын келесі топтарға бөледі: элементті, күртелі, қаптама-құбырлы, батпалы-құбырлы, суландырғыш және қыздырудың жазықтық бетімен. 49 Қыздыру бетінің ауданы 9...1800 м 2 табиғи және мәжбүрлі циркуляциялы құбырлық булағыш аппараттар тағам өндірісінде кеңінен тараған. Қыздыру камерасының орналасуына байланысты аппараттар ортақ білікті немесе оңашаланған қыздыру камерасымен болады. Жоғарыда аталған аппараттармен қатар үлдірлі (пленочный) булағыш аппараттардың әртүрлі құрылымын қолданады. Булағыш аппараттың құрылымын таңдау кезінде ерітіндінің жылу- физикалық қасиеттерін, кристалдануға бейімділігін, жоғары температураға сезімталдығын, әрбір корпустағы темперутуралардың тиімді айырмашылығын, жылу алмасу аппараты бетінің ауданын және басқа да технологиялық ерекшеліктерін есепке алады. Булағыш аппараттар көміртекті, тотығуға төзімді және екі қабатты болаттан дайындайды. Жылуалмасу процестерін жүргізу үшін тамақ өңдірісінде қолданылатын аппараттарды жылуалмасқыштар деп атайды. Жылуалмасқыштардың құрылымы әртүрлі, бұл аппараттардың әртүрлі бағытымен және процестерді жүргізудің әртүрлі шарттарымен түсіндіріледі. жүктеу/скачать 1.73 Mb. Достарыңызбен бөлісу:
|