Нерв жүйесі
Есеп № 1
Нервтің шеткері кесіндісін тетаниялық тітіркендірген кезде дегенерация тезірек дамиды, өйткені бұл кезде қалыпты жағдайда нерв жасушалары денесінен аксондарға түсетін нейромедиаторлар мен трофикалық субстанциялардың шығындалуы артады.
Уоллеров дегенерациясы. Бұл кесілген нервтің дисталдық кесіндісінде дамиды.
Есеп № 2
Жоқ, туындатпайды, өйткені нерв тұтастығы және нервтік импульстардың өткізілуі бұзылған.
Есеп № 3
Тәжірибенің бұл әдісі бойынша сіреспе токсині орталық нерв жүйесіне шеткері нервтер арқылы эндоневралдық сұйықтық ағымымен түседі. Сонымен қатар токсиндердің жұлындық нейрондарға аксоплазманың ретроградтық ағымымен түсу жолын да жоққа шығаруға болмайды.
Есеп № 4
Жұлынды кесуді екінші рет бірінші кескен тұстан бірнеше сегмент жоғары деңгейде жүргізсе шоктың қайталап дамуы байқалады.
Есеп № 5
Әлсіз шеткері паралич.
Нервтің проксималдық және дисталдық кесінділерін жақсылап қиылыстырса немесе тіксе, онда кесілген нервтің орталық кесіндісінің регенерациялануы есебінен аяқтың қызметтері қайта қалпына келуі мүмкін.
Есеп № 6
Кураре нервтік-бұлшық еттік өткізігіштікті қатамасыз ететін медиатор – ацетилхолинмен өзара байланысатын постсинапстық мембранадағы холинорецепторларды бөгеп тастайды. Осылайша, паралич нервтен бұлшық еттерге импульстардың холинергиялық өткізілуіне кураре уының кедергі жасауынан дамиды деп түсіндіруге болады.
Әлсіз шеткері паралич.
Есеп № 7
Оң, гемисекция жасаған жағында.
Гемисекция жасаған жағында терең сезімталдық, ал қарама-қарсы жағында – беткейлік сезімталдық жоғалады.
Есеп № 8
Тәжірибелік жануардың оң жақ аяғында терең сезімталдық пен жанасулық сезімдері толықтай жойылады, тек беткейлік сезімталдық қана сақталады. Сезімталдықтың бұзылуының мұндай түрі диссоциацияланған деп аталады.
Сенситивтік атаксияға – қимыл-қозғалыс үйлесімділігінің бұзылуына әкеледі.
Есеп № 9
Жануардың бас миының қарама-қарсы жағында сезімталдықтың барлық түрлерінің жойылуы байқалады.
Қыртыстық түрі.
Достарыңызбен бөлісу: |
